मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव मराठी माणसांचे ऑनलाईन व्यासपीठ

प्रतिसादांचा महामेरू । सकल फेक-आयडीस आधारू । अखंड जिल्बिचा निर्धारु । श्रीमंत डूआयडी ।।

चामुंडराय · · जे न देखे रवी...
लेखनविषय:
कविता
मुक्तक
विडंबन
काव्यरस
जिलबी
फ्री स्टाइल
डूआयडीचे आठवावे लेख । डूआयडीचा आठवावा ताप । डूआयडीचा आठवावा प्रतिसाद । मिपामंडळी ।।१।। डूआयडीचे कैसें लिहिणें । डूआयडीचे कैसें पिंकणें । डूआयडीचे काडी टाकणे । कैसें असे ।।२।। मुळायडीचा केला त्याग । म्हणोनि साधिजें ट्यार्पीचा योग । जिल्बी पाडण्याची लगबग । कैसीं केली ।।३।। वापरावे विविध आयपी । तेव्हा मिळे डूआयडी । वापरावे फेक आयडी । पाडण्या जिल्बी ।।४।। सकल डूआयडी आठवावे । फेकायडी डिलीटवत् मानावे । आंजालोकी मिपालोकी उरावे । पिंकरूपें ।।५।। प्रतिसादांचा महामेरू । सकल फेक-आयडीस आधारू । अखंड जिल्बीचा निर्धारु । श्रीमंत डूआयडी ।।६।।
वाचने 8016 वाचनखूण प्रतिक्रिया 27

डॉ सुहास म्हात्रे 03/09/2017 - 23:13
=)) =)) =))

ज्ञानोबाचे पैजार 04/09/2017 - 09:55
हे डु आयडी कसे ओळखावे | कोण कोणाचा अवतार कसे शोधावे | या बद्दलही मार्गदशन करावे | आम्हा पामरांना || पैजारबुवा,

चामुंडराय 04/09/2017 - 19:36
पैजार बुवा, आपल्या तुकोबांनी फार पूर्वी सांगून ठेवलंय जे का ट्रोलले पिंकले, त्यासी ज्याने अंजावर पीडले । तोची डूआयडी ओळखावा, फेकायडी तेथेची जाणावा ।।

धर्मराजमुटके 04/09/2017 - 12:14
मुजरा घ्यावा म्हाराज !

गामा पैलवान 04/09/2017 - 13:27
संजय पाटिल, धर्मराजमुटके, जेम्स वांड आणि कंजूस यांचे प्रतिसाद एकत्र वाचले की ओवी तयार होते.
आणी एवढा अभ्यास! । मुजरा घ्यावा म्हाराज ! ॥ (जाहलो एकदम) खल्लास!!!! । नमस्कारहो दमामि ॥
यावरून हे चार एकमेकांचे डूआयडी धरावेत का? -गा.पै.

नाखु 15/12/2017 - 09:17
खणखणीत आहे "आयडी"यांची कल्पना नसलेला नाखु

मूकवाचक 16/12/2017 - 20:43
कोटी कोटी रूपे तुझी, कोटी सूर्य चंद्र तारे जिथे तिथे पिंका टाकी, तुझ्या कळा ही नाना रे ...

चामुंडराय 18/12/2017 - 04:01
व्वा मूवाजी, छान या निमित्ताने माझे दोन पैसे.... दादा बाबा रूपे तुझी, बाई माई अन ताई रे मी फुरो तू फ्रती गामी, नाना विध कळा अंगी रे ...

पगला गजोधर 16/12/2017 - 22:29
डुआयडी जीवनभर भक्तची, रहाणे || धृ || विदा नसो वा, लॉजिक नसू दे | सभ्य भाषा, फिकिर नसू दे || फुगवु छाती, मठ्ठ बाण्याने | ट्रोलिंग निरंतर करीत रहाणे || १ || कधी फेकीतो, कधी नेमाने | दंश नकळत, कधी सवयीने || कधी फुत्कारने, कधी बांग देणे | उगळीत बसतो विष सहाणे || २ || व्हा, मिपाकरहो, भक्त माझ्यासंगे | जिव्हेवरी घ्या, तर्कट तरंगे || तुमच्या मुखीही, सक्तीचे हे | उसळो भक्ती, भलेतो देशही भंगे || ३ ||