संवाद (१) “If you wish to make an apple pie from scratch, you must first invent the universe.” - Carl Sagan ९ – ही मस्त कोट आहे, मला आवडली. ३७ – तुला कळली? ९ – हो. म्हणजे तुम्हाला जर अगदी पहिल्यापासून ऍपल पाय बनवायचा असेल, तर आधी झाड लावावं लागणार. त्याच्यासाठी पृथ्वी बनवावी लागणार. त्यासाठी बिग बँग झाला पाहिजे म्हणजे युनिव्हर्स तयार होईल. ३७ – (!!) कार्ल सगान?? संवाद (२) ९ – हे काय गं, देवाची पूजा नाही केलीस? ३७ – नाही रे बाबा, मला पूजा वगैरे नाही जमत. माझा त्यावर विश्वास नाहीये. देव मानते हां मी, पण तो मूर्तीत असतो असं मला नाही वाटत. ९ – हो, even I think that. ३७ – मग तुला काय वाटतं? देव कुठे असतो? ९ – सगळीकडे! म्हणजे या कापडात, या भांड्यात, या प्लास्टिकमध्ये... ३७ – (!) ९ – ..देव सगळीकडे असतो. ३७ – आणि नेचरबद्दल काय वाटतं तुला? ९ – नेचरचं पण तसंच आहे. ३७ – म्हणजे? ९ – म्हणजे बघ ना, या सगळ्या ज्या वस्तू – कापड, भांडं, प्लास्टिक हे सगळं कुठून येतं? नेचरमधूनच. ३७ – हम्म! मग नेचरला विल असते का? ९ – असणारच ना.. बघ आता पाऊस पडतो, तर आपल्या planet जवळ सूर्य असा असायला पाहिजे, पाणी असायला पाहिजे हे सगळं कोणीतरी ठरवलं असणारच ना? ३७ – (!) ९ – म्हणूनच नेचरमध्ये अशा सगळ्या गोष्टी होऊ शकतात. ३७ – बरं नेचरचे कॉम्पोनंट सांग काय काय आहेत? ९ – नेचर तर सगळीकडेच आहे. झाडात, माणसात, डोंगरात. ३७ – नाही.. हे तर नेचर ज्याचा कॉम्पोनंट आहे, त्याची उदाहरणं झाली. नेचरचे कॉम्पोनंट काय आहेत? ९ – ओह.. पृथ्वी, हवा.. अं.. पृथ्वी, हवा.. अरे यार.. ३७ – आणि? ९ - पृथ्वी, हवा, आग.. अरे कुठे गेले ते पाच भूतं?! ३७ – (!!!) ९ - अं.. पाणी.. आणखीन एक आहे, मी नेहमी विसरतो ३७ – या चारांचा अब्सेंस कुठे असतो सांग? ९ – (विचारात) ३७ – स्पेस. किंवा अवकाश, आकाश. ९ – हां. सो हे सगळे मिळून ठरवतात, काय काय करायचं ते. ३७ – (!!!!!!!!!!!) ३७ – (!!!!) ३७ – हे सगळं तुला कुठून कळतं रे? . . . . . .