गावाकडच्या मावळतीचे रंग बिलोरी

अनन्त्_यात्री जे न देखे रवी...
गावाकडच्या मावळतीचे …….रंग बिलोरी प्रसन्न पिवळे, गडद गुलाबी निवांत निळसर, कबरे करडे पाहून निवती माझे डोळे …....निब्बर शहरी प्रसन्न पिवळ्या संध्याकाळी खेळ अ॑गणी रंगुनी जावा दावण तोडुन, आचळ सोडुन ....अचपळ गोऱ्हा .....पिऊन वारा.... उधळत जावा गडद गुलाबी संध्याकाळी शुक्र जरासा तेजाळावा उडता उडता पुन्हा थव्याची .........नक्षी मोडुन...... .........चुकार पक्षी...... उतरून यावा निवांत निळसर संध्याकाळी फड गप्पांचा मस्त जमावा सळसळ रोखून वृद्ध वडाने ........टाळीसाठी........ .......पारंबीला....... झोका द्यावा कबऱ्या करड्या संध्याकाळी धूसर ढग ओथंबुन यावा पायतळीच्या वाटेवरचा .......भिरभिरणारा....... ........एक काजवा....... लखलख व्हावा
वर्गीकरण
लेखनविषय:
काव्यरस
33 टिप्पण्या 7,455 दृश्ये

Comments

पद्मावति नवीन

फार सुरेख जमलीय कविता. अर्थपूर्ण, लयबद्ध आणि अतिशय प्रसन्न. पहिल्या कडव्यात काही रंग छटान्चा उल्लेख करून नंतर एक एक करून त्या रंगावर एकेक कडवे रचलेय ही कवितेची रचना खूप आवडली.
सत्यजित... नवीन

कविता वाचतानाच,कवीच्या कुंचल्याने चितारलेले चित्र,त्यातिल विविध रंग-ढंग,त्यांच्या च्छटा ई. बारकाव्यांसह पाहू शकणारा,आपल्यातील रसिक वाचक,अत्यंत अभिनंदनीय आहे! याआधीही,काही कवितांवर आपण दिलेल्या प्रतिसादांत ही बाब जाणवते!
अनन्त्_यात्री नवीन

स॑जय, एस, पद्मावति, स्पा -आपल्या प्रतिसादाबद्दल मनःपूर्वक धन्यवाद!
पुंबा नवीन

झकास.. खुप खुप आवडली. रादर मिपावरिल सर्वाधिक आवडलेल्या कवितांत ही असेल. विलक्षण चितारलायत तो सारा माहौल तुम्ही. धन्यवाद.
पिशी अबोली नवीन

लयबद्धता फार आवडली, आणि कवितेचा फॉर्म तर विशेष आवडला. ज्या सहजपणे वर्णन केलेत, त्यावरून तर बाकीबाब आठवले.. अवांतर-बिलोरी म्हणजे नक्की काय?
अनन्त्_यात्री नवीन

-बिलोरी = crystalline = नितळ. -मोल्स्वर्थ च्या मराठी-इ॑ग्रजी शब्दकोषानुसार बिलोर हा शब्द पर्शिअन भाषेतून मराठीत आला आहे. -बाकीबाबा॑च्या शब्दकळेची जातकुळीच वेगळी अन अतुलनीय !
प्रीत-मोहर नवीन

__/\__ कवितेचा फॉर्मॅट, आशय, तिचं चित्रस्पर्शी असणे हे सगळंच खूप जास्त आवडलय. असेच लिहिते रहा.
ज्या सहजपणे वर्णन केलेत, त्यावरून तर बाकीबाब आठवले.
ह्यच्याशी सहमत!!