ती पहा पडली गझल...

सत्यजित... जे न देखे रवी...
ती पहा पडली गझल ती,जीव गेल्यासारखी दादही यावी इथे,तर..लाच देल्यासारखी!? पावसाचे थेंब..वणवा,तू नको काही लिहू... जाणिवांची जाग मेल्याहून मेल्यासारखी! कोपऱ्यावरती गुलाबी पिंक कोणी टाकते रंगते मैफील इथली पान-ठेल्यासारखी! हो!जरा साशंक होतो,पाय अडखळताच मी जिंदगी जल्लोष करते,बाद केल्यासारखी! काय मी जगलो जरासा!जिंदगी वेडावली लागली मागेच माझ्या,ती झमेल्यासारखी! —सत्यजित
वर्गीकरण
लेखनविषय:
काव्यरस
11 टिप्पण्या 6,838 दृश्ये

Comments

प्रा.डॉ.दिलीप बिरुटे नवीन

लिहित राहा. आवडली रचना. -दिलीप बिरुटे
सत्यजित... नवीन

सर्व प्रतिसादकांचे धन्यवाद! गझलेची एक व्याख्या अशीही केली जाते की,डोक्यात शिरण्याआधीच काळजात घुसते,ती गझल!