प्राजुची कदंब कविता वाचली. छानच आहे. आता इतकी सुरेख लयबद्ध कविता वाचून आमचं मन आनंदाने तुडुंब झालं! मग राहवेना....ईर्शाद... कळवळणार्‍या अवजड देहा, दिसता कुक्कुट छान उपवासाची ऐशीतैशी, सुटे 'मिती'चे भान खवचट टवळे, डँबिस भोचक, विशाल ललना फुले येताजाता खुसफुसणाऱ्या, कन्या आणिक मुले हिरवापालक तांबूसगाजर, मिक्सर फिरवी त्वरे चेंडूवरती साक्षात्कारी, तटतटता अंबरे! खाद्यसखा की म्हणू तुडुंब, जणु मैद्याची बोरी पानोपानी पहा खिजविते संकल्पा वासरी जिमेत भवती नाचत झुंबा तरुणींच्या लीला मोह वाटुनी सोडुन निद्रा सत्वर ये बावळा रुंद–रुंदशा देहाची बघ भव्य असे सावली तुमान करते रोज अचंबा तनू कशी मावली!! -चतुरंग