मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव मराठी माणसांचे ऑनलाईन व्यासपीठ

अननसाला सद्गती!

इन्ना · · पाककृती
घरी, आमच्या परिचितांच्या शेतातून अननस आले. पहिले दोन दिवस दुर्लक्ष्य केल, कारण ते कापणे साफ करणे कधी करून माहित नाही. ;) टिनातल्या चकत्याच वापरल्या होत्या. दोन दिवसांनी अननसाचा घमघमाट सुटला स्वैपाकघरात. मग म्हटल ह्याला सद्गती द्यावीच. मास्टर शेफ चे सलग काही एपिसोड नुकतेच सलग पाहिल्याने काहितरी भरभक्कम नावाच , नाट्यपूर्ण कराव अस घाटत होतं ( मनातल्या मनातच हां ) पण मग नवर्‍याच्या बंगाली मित्राच्या घरी खाल्लेली एक चटणी / रायत आठवल. लगेच आंतर्जालावर साकड घातल. अन एक रेसिपी हाताला लागली. करून पहायच ठरवल अन बरी झाल्यास फोटो टाकता यावेत म्हणून फोटो प्रपंच केला. प्रपंच म्हणजे ; आमच्या नेहेमीच्या हक्काच्या फोटोग्राफरनी साफ नकार दिल्यानी, करणे , अन फोटो काढणे आपापले. फोटोत इतर पसारा न येउ देण्याची दक्षता घेणे ;) वगैरे. तर आता दोन वाक्याच्या रेसिपीला पुरेशी लांबड लाउन झाल्यानी पुढे, साहित्य फोटोतून कळेलच. माप अंदाजे. अननस कापुन चकत्या बनवल्या. आल्याच्या लांब सळ्या कापून घेतल्या 1 मसाल्यासाठी लवंग , दालचिनी , बडीशेप, जिरं , सुक्या लाल मिरच्या अन मोहरीची डाळ 2 मग हे जरास भाजून भरड करून घेतल 3 अननसाचे सेंटिमिटर क्युब्स कापून घेतले 4 ह्याचा मधला भाग ( कोअर) काढणे अपेक्षित होते , पण माहित नसल्यानी तसेच तुकडे केले अन ते जरासे निबर लागतात रायत्यात. मग तुपात पहिल्यांदा आल, मग भरड वाटलेला मसाला टाकला अन अननसाच्या फोडी पण. जरास परतून घेतल . 5 पाणी घालून , पंधरा वीस मिनीट झाकण घालून शिजवल. मधेच आठवल् तेव्हा सहा सात चम्चे साखर टाकली . अननसाच्या चवी प्रमाणे ही अंदाजे घातली . फोडी मौ झाल्यावर अर्ध्या लिंबाचा रस पिळला. limbo अन झाल अस डिक्लेअर केल. गरम फुलक्यांबरोबर मस्त लागल. final पुढच्यास ठेच प्रशिक्षण ( सुगरणीनी/बल्लवांनी हे ऑप्शन ला टाकल तरी चालेल) १) अननस कापायला येत नसेल तर टिनच बरा . किंवा तो नीट कापायला शिकल पाहिजे . २) अननसाच्या फोडी अजून बारीक अथवा एकदा मिक्सर मधून फिरवून काढल्या असत्या तर कनिस्टन्सी रायत्या सारखी झाली असती. ३) तुपा ऐवजी सरसो च तेल बरं लागेल, मी खाल्लेल्या बंगाली पदार्थात असाव. ४) आंबट गोड तिखट अन मसाले ह्याची एक सुरेख चव तयार होते. मुळ बंगाली पदार्थाच्या ५-१० अंश सरकलेली असली तरी मस्त. माहितीचा स्त्रोत- मैत्रीणीनी दिलेली लिंक , इतर आंतर्जालीय रेस्प्या , अन शेवटी हाताशी असलेली सामग्री. मास्टर्शेफ टाइप कमेंट- १) हिरो ऑफ द डिश इज पायनॅपल २) अ‍ॅसिडिटी इज वेल बॅलन्स्ड विद जिंगर अ‍ॅन्ड अदर स्पाइसेस. ३) प्रेझेन्टेशन मॅटर्स , म्हणून अननसाच्या सगळ्या फोडी एकसारखे क्युब्स , आल्याचे ज्युलिअन्स, अन पिवळ्या अननसाला कॉन्ट्रास्ट लाल सुक्या मिरच्या इती दोन वाक्याची रेसिपी पानभरात संपूर्ण :D
वाचने 15788 वाचनखूण प्रतिक्रिया 37

अभ्या.. 03/08/2016 - 15:43
अननस स्वस्तात कुठे मिळतात? चक्क १०० रुपये म्हणला ओ लक्ष्मी मार्केटात. आमच्या गुर्जीनी १०० मध्ये ३ का ५ वगैरे आणलेले. मला आवडते खायला पण मिळतच नै ना. :( अननसाच्या क्युब फोडींवर नुसते चाट मसाला आणि दही टाकून छान रायते होते.

बाप्पू 03/08/2016 - 15:55
पुण्यातील मार्केट यार्ड येथे फळांचा बाजार भरतो .. सकाळी ९ - ११ या वेळेत जा. खूप स्वस्त मिळतील अननस. १२० रुपये डझन पासून ३०० रुपये डझन पर्यंत च्या भावाने मिळतात.

पगला गजोधर 03/08/2016 - 16:18
मुळ बंगाली पदार्थाच्या ५-१० अंश सरकलेली असली तरी मस्त.
मूळ बंगाली मसाल्यामधे कदाचित कलौन्जी व मेथ्या सुद्धा असवा.. असा माझा एक गेस बर्का ... रेसिपि हे वे सा न ल

अजया 03/08/2016 - 18:42
छान पाकृ इन्ना. मास्टरशेफ आॅस्ट्रेलिया का! माझ्यावर पण सध्या त्याचंच गारुड आहे! उगाच आमटीवर नारळ कोथिंबीर सजावट करायला लागलेय;)

इन्ना 03/08/2016 - 19:24
हो , अजया! एकदा त्या अन्लिमिटेड पॅन्ट्री अन बेस्ट ऑफ अप्लायन्सेस ! अश्या किचन मधे कैतरी खूड्बूड करायचीय. मी अजिबात फूडी नाही अन बनवायचा सोस /आवड ही नाही खरतर ;०

अजया 03/08/2016 - 19:29
शेम हिअर ;) शिवाय उगाच जरा अर्दी, स्मोकी फ्लेव्हर वगैरे शब्द फेकायला मजा येते हल्ली!!

झेन 03/08/2016 - 19:25
सद्गती महटल्यावर आधि घाबरलो, मग वाटलं जास्त पिकलेल्या अननसाला वाईन बनवून सद्गती देणार की काय. पण सासव/सासम चं हे भावंड पण करून बघणयात येईल.

मुक्त विहारि 03/08/2016 - 19:34
पण फोटो दिसत नाहीत. आमचा गणेशा झाला

तिमा 03/08/2016 - 20:17
फटु च्या जागी एक मायनस खूण किंवा एक बुरखाधारी स्त्रीचा चेहेरा दिसतोय.

स्नेहश्री 04/08/2016 - 08:22
अननस अतिशय आवड्तोच. इतकी सोप्पी रेसिपी नक्की करेन.

नाखु 04/08/2016 - 09:35
फोटो पळ्वलेत का रायता खलास झाला हे कळेना. असो वर्णनावरून करून बघण्यासारखी (आणि जमण्यासारखी ) वाटत आहे. अननन्स आणावा काय? अननसासाठी १/४ मतात असलेला संसारी नाखु

प्रीत-मोहर 04/08/2016 - 09:53
भारीच आहे रेसीपी. आमच्या ब्याचलर आयुक्षात आम्ही सेम अस कैरीच करुन भाताबरोबर खायचो. खर खडा मसाल्याऐवजी मातोश्रींनी दिलेला मसाला वापरायचो ज्यात हे सगळे इन्ग्रेडिएंट्स आहेत

स्वाती दिनेश 05/08/2016 - 13:30
रेसिपी आणि ती लिहिण्याची स्टाइल दोन्ही छान! स्वाती

चंपाबाई 07/08/2016 - 07:08
कारवारी लोक अननसाची कढी करतात