मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव मराठी माणसांचे ऑनलाईन व्यासपीठ

दहावी पास मुलांसाठी वाचनीय पुस्तके

अत्रे · · जनातलं, मनातलं
वाङ्मय
लेखनप्रकार
प्रश्नोत्तरे
आमच्या ओळखीच्या एका मुलाला नुकतेच दहावीमध्ये चांगले गुण मिळाले आहेत. त्याला बक्षीस म्हणून पुस्तक द्यायचा विचार करत आहे. कृपया १. करीयर मार्गदर्शन २. प्रेरणादायी (चरित्र वगैरे) या विषयांवरील वाचनीय पुस्तके (शक्यतो मराठी) सुचवा. धन्यवाद.
वाचने 9700 वाचनखूण प्रतिक्रिया 33

हेमन्त वाघे 16/06/2016 - 15:49
या पुस्तकाबद्दल आठवीन वाचले होते . दहावीच्या सुट्टीत हातात पडले आणि पूर्ण रात्र जागवून पाहते पाहते संपवले. नंतर मराठी अनुवाद ३-४ वेळा वाचला. इंग्लिश तर विकत घेवून वाचला! ११ वीत एकदा “I'll make him an offer he can't refuse.” चे मराठी ब्व्हाशंतर बोल ल्यावर ऎक अजून गॉडफादर प्रेमी मित्र मिळाला ... आणि आम्ही अजूनही २७ वर्षानंतर family सारखे जवळ आहोत .. “Friendship is everything. Friendship is more than talent. It is more than the government. It is almost the equal of family.- Don Corleone” ― Mario Puzo, The Godfather एखादा अगदी "सखाराम गटणे " असेल तरी सुद्धा त्याला हि "सुसंस्कारित " करायची गॉडफादर ची ताकद आहे ! “I don't trust society to protect us, I have no intention of placing my fate in the hands of men whose only qualification is that they managed to con a block of people to vote for them.” ― Mario Puzo, The Godfather

रातराणी 16/06/2016 - 13:15
या विषयांवरील पुस्तके आठवण अवघड आहे. नुकतंच वाचलेल रारंगढान्ग छान आहे. करीयर मार्गदर्शन नसले तरी एखादे वेगळे करीयर निवडल्यावर निर्माण होणाऱ्या संघर्षाचे (वैयक्तिक किंवा सामाजिक), येणाऱ्या अडचणींचे वर्णन छान आहे. पुस्तक नेमकं हेच सांगत का याचं प्रत्येकाचा अंदाज वेगळा असेल पण मला स्वतःला ही कादंबरी खूप आधी वाचायला हवी होती असे वाटले. झालंच तर शितू खूप छान आहे या वयातल्या मुलांना वाचण्यासाठी. वरील केटेगरीत नाही बसायची पण बरंच काही शिकवणारी. अजून एक मला वाटतं प्रकाशाच्या वाटा असं काहीसं नाव असलेले एक पुस्तक आहे. त्यात सामाजिक कार्य करणाऱ्या काही जनांविशयी माहिती आहे. मी डॉ अभय आणि राणी बंग या दोघांवरचा लेख(?) त्यात वाचला आणि स्वतःची लाज वाटू लागल्याने ते पुस्तक पुन्हा काढले नाही. :( मुलाला ऐतिहासिक वाचनाची आवड असेल तर श्रीमान योगी अवश्य द्या. डॉ अब्दुल्ल कलामांचे अग्निपंखदेखील वाचनीय आहे. अजून आठवली तर सांगेन. फक्त माहिती सद्रुश्य पुस्तके न वाचता कथा कादंबरी स्वरूपातील वाचली तर त्याचा प्रभाव जास्त काळ टिकतो असे माझे मत.

सुबक ठेंगणी 16/06/2016 - 13:32
त्यात सामाजिक कार्य करणाऱ्या काही जनांविशयी माहिती आहे. मी डॉ अभय आणि राणी बंग या दोघांवरचा लेख(?) त्यात वाचला
अनिल अवचटांच्या "कार्यरत" विषयी बोलताय का?

सिरुसेरि 16/06/2016 - 13:30
१. करीयर मार्गदर्शन , २. प्रेरणादायी (चरित्र वगैरे) - या दोन्ही गोष्टी लक्षात घेता "हि श्रीची इच्छा " ( लेखक - श्री . ठाणेदार ) , आमचा बाप आणी आम्ही ( लेखक - नरेन्द्र जाधव ) हि पुस्तके आठवली .

सिरुसेरि 16/06/2016 - 13:33
अजुन आठवलेली पुस्तके म्हणजे - "एक होता कार्व्हर ", "देनीसच्या गोष्टी " आणी "इवान" हि रशियन पुस्तकांची भाषांतरे , "डायरी ऑफ अ‍ॅन फ्रॅन्क" .

मुक्त विहारि 17/06/2016 - 07:58
+१ आधी तो/ती पुस्तके वाचत आहेत का? हे बघा. वाचनाची आवद असेल तर मुले ज्ञानकण कुठूनही गोळा करतात. शिवाय आजकाल गूगल आणि विकिपेडियामुळे वाचनाचे माध्यम बदलले आहे.

उदय के'सागर 16/06/2016 - 16:11
कार्यरत - अनिल अवचट माणसं - अनिल अवचट एका रानवेड्याची शोध यात्रा - कृष्णमेघ कुंटे समिधा - सधना आमटे प्रकाशवाटा - प्रकाश आमटे रोजच्या आपल्या व्यवहारीक जिवनापलीकडे पण खुप वेगळ जग आहे हे सांगणारी पुस्तकं आर्वजून वाचायला द्यायला हवीत. आपल्याला ज्या गोष्टी मिळतात त्या किती सहज मिळतात आणि जे आहे अपल्याकडे ते खुप काही आहे हे नक्कीच ह्या अश्या पुस्तक वाचनातून जाणवतं.

मारवा 17/06/2016 - 18:05
१-एक होता कार्व्हर २-फाउंटन हेड - अ‍ॅन रॅन्ड मराठी अनुवाद आहेत. ३-सेव्ह्न हॅबीट्स ऑफ हायली इफेक्टीव्ह पिपल- स्टीफन कोव्ही मराठी अनुवाद मिळेल ४-एव्हरी डे ग्रेटनेस - स्टीफन कोव्हीचेच -याचा मराठी अनुवाद आहे की नाही माहीत नाही माहीत नाही, बाकी मराठी नावे पटकन आठवत नाहीत इंग्रजीत खुप चांगली आहेत. थोडीफार लव्हस्टोरी वगैरे सारखी रोमँटीक पुस्तके ही द्यायला आता हरकत नाही.

असंका 17/06/2016 - 20:33
फौंंटनहेड (शिखर) मीही दहावीच्या आसपासच वाचलं होतं बहुधा... पण बक्षिस म्हणून हे पुस्तक देणं म्हणजे जरा जास्तच धाडसी पर्याय होइल असं नाही वाटत?

सिरुसेरि 18/06/2016 - 08:52
एफ . सी . रोडला ब्रिटिश कौन्सिलची लायब्ररी आहे .

पक्षी 20/06/2016 - 13:28
त्याला एक kindle घेऊन द्या, आणि हवं ते वाचू द्या.