born insomniac....! झोप हविये झोप....!

चला तर फक्त आम्हीच फालतु लेख लिहत नाही. थॅन्क यु,जाई मॅडम् असो.......१०० ते १ हे आकडे उलट्या क्रमाने मोजावेत. सावलीतले उंट चालत जात असतानाचे चित्र डोळ्यासमोर आणणे. सुर्यप्रकाश व काही विटामिन्सची कमतरता झोप कमी करते.चहा व कॉफी संध्याकाळी ६-७ वाजल्यानंतर पिउ नका. अत्यल्प व्यायाम व आहार. सर्वात बेस्ट पहीला उपाय. कोणत्याही शब्दाला आक्षेप असल्यास सॉरी. बाकी आपले नाव जाई आहे का? म्हणुन तर झोप..............????

इथे लेख टाकण्यापेक्षा डॉक्टरकडे जा...ते काहीतरी उपाय सांगतीलच. (तरी म्हंटलं अजुन कसा तुमचा एकही लेख नाही )

गरम दूधात साखर आणि किंचित हळद घालून झोपण्याआधी प्या. संध्याकाळी जेवणखाण आटोपले कि घरातले दिवे मंद असू द्या. थोडक्यात, स्वत:ला झोपेकडे नेण्यासाठी असे निरुपद्रवी प्रयत्न करून बघा. रात्री दूरदर्शन पाहू नका, वाचन करू नका. मी तरी झोपण्याआधी वाचन करत नाही फारसे. तेच विचार डोक्यात असतात नाहीतर! तुम्हाला जे काय होते आहे तसे मला एकदा आठ पंधरा दिवस झाले होते. घड्याळ (वेळ)चक्क थांबल्यासारखे वाटते. वेळ सरता सरत नाही. चहा कॉफीची सवय फार लावून घेतली नाही ना हे तपासा. झोपण्याआधी थोडे दिर्घश्वसन वगैरे करा (याचा मला अजिबात उपयोग झाला नाही.);) श्लोक म्हणून बघा.

जाईतै, कुठल्याही बांधकामाच्या ठिकाणी किंवा कुठल्याही आयटी कंपनीमध्ये रोजंदारीवर काम करा. तुम्हाला इतके राबवून घेतील की रात्रीच काय, भरदिवसासुद्धा गाढ झोप लागेल. ;-) हा उपाय 'ट्राईड अँड टेस्टेड' आहे. अगदीच रामबाण, जालीम आणि खात्रीलायक उपाय आहे. डिसक्लेमर: या उपायाचे काही दुष्परिणाम आहेत, त्यामुळे स्वतःच्या जबाबदारीवर उपाय करुन पहावा. अनिष्ट परिणांमास आम्ही जबाबदार नाही.

ऑर्गॅज़म!! कुणाचाही कसलाही अपमान वा टर उडवयचा हेतु नहिए, पण शास्त्रीय संशोधनानुसार इट शुड वर्क.

अपुरी झोप झाल्यामुळे अपघातांची शक्यता वाढते. शिवाय मानसिक संतुलनही बिघडू शकतं. मी डॉक्टर नाही, अनुभवांतून सांगतो आहे. तेव्हा काही साधे घरगुती उपाय करून फायदा होत नसेल तर लवकरात लवकर डॉक्टरकडे जा. मला निद्रानाश झाला होता तेव्हा मला डॉक्टरने दिलेली पथ्यं खालीलप्रमाणे. - सकाळी विशिष्ट वेळेला उठणे - दुपारी शक्यतोवर न झोपणे - सकाळी अगर दुपारी किमान अर्धा तास चालण्याइतपत व्यायाम करणे - सूर्यप्रकाशात काही वेळ काढणे. हे अतिशय महत्त्वाचं आहे. - चहा, कॉफी झोपण्याआधी पाच ते सहा तास न पिणे - सिगरेटबाबतही तसंच - झोपण्याआधीचं एक रूटीन ठरवून ठेवणे, व ते कसोशीने पाळणे. - झोपायच्या तासभर आधी गरम पाण्याने आंघोळीचा फायदा होऊ शकतो. यातली बहुतेक पथ्यं नियमितपणे पाळली तर तीनेक आठवड्यात झोपेचं चक्र सुधारू शकतं. ते पटकन् मार्गाला लागण्यासाठी डॉक्टर गोळ्या वगैरे देऊ शकतील. कधी कधी झोप टाळणं हे डिप्रेशनचं चिह्नही असू शकतं. तेव्हा शक्य तितक्या लवकर डॉक्टरचा सल्ला घ्या. मिपाकरांचा नको.

मला ही होतं असं क्वचित. विशेषतः दुपारी झोप काढली तर. मी तरी नामस्मरण करते. कधी तरी होतो उपयोग. अजून एक उपाय वाचला/ अवलंबला होता. बिछान्यात पडल्या पडल्याच श्वास आत घेताना सो S S आणि श्वास बाहेर सोडताना हंमS S असे मनात म्हणत राहायचे. या सोहंमS S या चा अर्थ आहे माझ्यातच ईश्वर आहे. आजारी लोकांची सेवा केली तर ही झोपेवर फायदा होऊ शकेल. अती शारीरिक काम ही योग्य नाही. बुध्दीचे असेल तर झोप लागयालाच हवी. तू काहीतरी काळजी /चिंतेत असशील तर काहीही करून झोप लागणार नाही. त्या चंतेचे मूळ शोधून काढ आणि त्यावर काही उपाय योजना कर. काही उपाय हातात नसतील तर आहे ती स्थिती मान्य कर आणि देवावर हवाला टाकून निश्चिंत हो. कुठलेही औषधी उपचार शक्यतो टाळ. हवेच असल्यास अर्थात वैद्यकिय मार्गदर्शन उत्तम. अमेरिकन `नॅचरल फूड` दुकानात मधे ही काही औषधे मिळतील अथवा रामदेव बाबांच्या औषधांचे साईड इफेक्ट्स नाही असे ऐकले.

शालेय भुगोल, इतिहासाची पुस्तकं वाचा. तात्काळ, हमखास झोप लागेल.

बेड मध्ये जाण्याआधी असं वाटतं की आज तरी थोडा वेळ झोप लागेल्,,..पण नाही...सहज चुळबुळ म्हणुन घड्याळ पाहिलं जातं..रात्रीचे २-३० वाजलेले असतात... असं वाटतं कि बराच वेळ गेला...आणि थोड्या वेळानी परत घड्याळ पाहिलं जातं ...२.१४... नक्की भानगड काय आहे? कालयंत्राचा वापर करून घड्याळ उलटे फिरवता की काय जाई ताई?

हृतिक रोशन नावाचे कुणीतरी सदगृहस्थ आहेत व त्यांचा काईट्स नावाचा सिनेमा बघताना हमखास झोप लागते असा अनुभव आहे...

जायफळ घातलेले पुरण वा जायफळ घातलेली कॉफी रात्री घेऊन पहा. गाढ झोप लागते.

एखाद्या कौटुंबिक धारावाहिक मालिकेचे 6 भाग बहुधा रविवारी एकामागोमाग एक लागतात ते बघा नाहीतर 12 वी चं अर्थशास्त्राचं पुस्तक पहिल्या धड्यापासून वाचायला सुरुवात करा

born insomniac..... म्हणजे खूप पूर्वी पासूनचा आजार आहे का ? तुम्ही आस्था किंवा संस्कार चॅनल वरील प्रवचनं का ऐकत नाही ? त्या मुळे खरच मन खूप शांत होतं आणि मग अपोआप झोपही चांगली लागते ...

>>सहज चुळबुळ म्हणुन घड्याळ पाहिलं जातं..रात्रीचे २-३० वाजलेले असतात... >>असं वाटतं कि बराच वेळ गेला...आणि थोड्या वेळानी परत घड्याळ पाहिलं जातं ...२.१४... आय्ला तुम्ही उलट्या काळात कशा काय झोपता? आधी २:३० वाजतात आणि मग २:१४ कदाचित द्राक्षासवाच्या मात्रेत वाढ केल्याने काहि मदत होण्याची शक्यता आहे. ;)

आमची हवी असेल तर घ्या ..झोपण्या शिवाय आयुष्यात आम्हास काहि जमले नाहि

निद्रानाशावर एक धागाच टाकावा म्हणतो.

ताई विचार करणे सोडून द्या.....डोक्यातली चक्र काही काळ थांबवा

तुम्ही झोप येत नाही याची चिंता करण्यापेक्षा तो वेळ सत्कारणी लावा.म्हणजे असे की जोपर्यन्त झोप येत नाही तोपर्यन्त जागे रहा व कहीतरी न आवडणारं काम करा. शक्य असेल तर एक / दोन दिवस झोप नाही आली तर झोपू नका , काही बिघडत नाही. त्यानंतर आपोआप झोप येते. झोपेच्या विचारानेच झोप न येण्याची शक्यता आहे.सर्वात महत्वाचे म्हणजे जर सकाळी तूम्हाला फ्रेश वाटत असेल,स्मरणशक्ती व्यवस्थीत काम करत असेल तर तूमची झोपेची गरजच कमी आहे असे अनुमान येऊ शकेल .अर्थात डॉक्टरांच्या सल्ल्याने.

अरेच्चा पब्लिकनी इथे टर उडवालिये (नेहमीप्रमाणे) ! :) माझा मते भरपूर व्यायाम करा , सध्या आम्ही पायाचे तुकडे पर्यंत बैठका मारतोय (१००+) , त्याला ईंग्लिश मध्ये स्क्वॅट अस काही म्हणतात. बाकी सोप्पे उपाय ( तुमच्या जबाबदारीवर) :) १. किशन कुमार नामे सुपर-स्टार यांचे जे मिळेल ते चित्रपट पाहावे , नसतील तर सुभाष घई आहेतच २. डाल-बाटि + भरपूर तूप या वर आडवा हात मारावा ३. शक्य असतील तेवढे इन्दोरी गोड पदार्थ (रबडी , माल-पोवा ई. ) ओरपावे किवा चॉकलेट टार्ट सूप वा हॉट ब्राउनी फास्ट करावी

ऊरकुन टाका !!

या धाग्यावर असल्या प्रतिक्रिया? जाई, तुम्ही रोज काय करता? म्हणजे दररोजच्या जीवनात काय काय करता? ते थोडक्यात सांगता का? हाच प्रश्न मला कोणी विचारला तर मी सांगेन - नोकरी करते. घरकाम करते. बागकाम करते. नेटावर टवाळक्या करते*. फावल्या वेळात टिव्ही-सिनेमा पाहण्याचे काम करते*. व्यायाम करते.* * ही कामे नाहीत. विरंगुळे आहेत पण पहिल्या तीन कामांतून दिवसात फारशी फुरसत मिळत नाही. जेव्हा मिळते तेव्हा इतर तीन कामे ;) करते. या धर्तीवर तुम्ही रोज काय करता ते सांगा म्हणजे मी तुम्हाला साजेसा उपाय सुचल्यास सांगते. तुमच्या निद्रानाशाचे कारण तुम्ही ओळखले नसेल किंवा तुम्हाला ते मांडायचे नसेल तर इतरांनी सल्ले देऊन फारसा उपयोग होईल असे वाटत नाही. जर, निद्रानाशाचे कारणच तुम्हाला माहित नसेल तर तज्ज्ञांचा सल्ला घेणे हे सर्वात उपयुक्त ठरेल.

एक उपाय फसवणूक प्रकरण १ ते ?? वाचा. (काळेकाका मारतायत आता) आता थोडंसंच सिरिअस... कधीकधी कामाच्या किंवा तत्सम टेन्शनने झोप येत नाही. उदा काही प्रॉमिस केले आहे पण ते पाळलेले नाही. अशावेळी असा विचार करायचा..... जे काही झाले आहे ते झाले आहे. आत्ता जागे राहून परिस्थितीत काही फरक पडणार आहे का? सकाळी बघू काय करायचे ते. बघा नक्की झोप लागेल.

जाई मॅडम, मला तुमच्या बद्दल सहानुभुती वाटते. हा आमचा जुना धागा बघा.. आमचीदेखील अशीच टर उडवली काही लोकांनी पण काही सदस्यांनी मात्र चांगले उपाय सुचवले आहेत. http://www.misalpav.com/node/11392 आपल्या समस्येचे शीघ्र निराकरण होईल अशी आशा करतो.

जाई, तू अस्सल कोल्हापुरी असल्यामुळे तुला हे नव्याने सांगण्याची गरज नाही की आपल्या कोल्हापुरातील लोक रंकाळ्यात, राजाराम तलावात, पंचगंगेत मनसोक्त पोहण्याचा किती आनंद घेतात. या दोन स्थळांव्यतिरिक्त आज कोल्हापुरात एक नाही दोन नाहीत तर चक्क सहा जलतरण तलाव झाले आहेत आणि ते सदोदित कार्यरत आहेतच. या विविध ठिकणी जलतरणाचा आनंद घेणार्‍यांमध्ये समान सूत्र कोणते असेल तर हे सर्व खास आपल्या लाडक्या कोल्हापुरी भाषेत म्हणतात, "च्यायला, काल लई पोवलो व्ह्तो, रात्री मेल्यासारखं झोपलो बगं !" 'मेल्यासारखं झोपणं' हे त्या इन्सोम्नियाला शेकडो मैल दूर पळवतं. थोडक्यात तुला सांगायचं तर रोज किमान अर्धा तास जर तू जलतरणासाठी देवू शकलीस तर एका महिन्यातच तू देखील त्या मेल्यासारखं झोपणं गटाची सन्माननीय सदस्य होऊ शकशील. (अर्थात आता "अंकल सॅम"च्या ज्या शहरात तू आहेस तिथे स्विमिंग टॅन्कची सोय असणारच हे गृहीत धरले आहे... तसेच जरी तुला पोहायला येत नसले, तरीदेखील कोणत्याही वयोगटासाठी स्वीमिंग हे सर्वदूर मान्य व्यायाम आहे. ~~ वयाची सत्तरी ओलांडल्यानंतर रविन्द्रनाथांनी कथकली शिकायला सुरूवात केली होती अन् तू तर अजून सतराची असशील.) समजा या ना त्या कारणाने तू जलतरणाला जावू शकली नाहीस तर पहाटे किंवा सायंकाळी (रिकाम्या पोटी) किमान अर्धा तास 'वॉकिंग' (स्पोर्टस शूज घालून) करणे हा देखील एक "चलेगा" जैसा व्यायाम होतो जो तुला झोपेसाठी सहाय्यभूत ठरू शकेल. ~~ आता इथे "नाही रे इन्द्रादादा, मला कामातून चालायला जाण्यास एक मिनिटही मिळत नाही" ही सबब सांगू नकोस, प्लीज. ओके? बेस्ट लक रंकाळा गर्ल !

लग्न करण्यायोग्य वय असेल तर कृपया लग्न करण्याचा उपाय करून पाहा. रोजच्या रोज थकून गेल्यामुळे छानशी झोप येऊ लागेल.. ;) तात्या.

झक्कास प्रतिक्रिया आहेत.. शेवटची फर्मास..

सांगु नको सांगु , आणखी कोणी सांगेल म्हणुन वाट पाहुन शेवटी लिहिते आहे. काही वर्षापुर्वी एका घटनेन मी जवळ जवळ एक महिना डो़ळे मिटु नव्हते शकत. रात्र रात्र मी कुठे पेपर वाच , टी व्ही बघ अस काय काय करत दिवस रात्र घालवले. मग मी इनसोमनिया बद्दल वाचायला सुरु केल. त्यानी सांगितलेले उपाय. झोप ही शरीराला विश्रांती साठी आवश्यक असते. तर ती विश्रांती शरीराला द्या. आता कशी? ठराविक वेळेला झोप येवो अथवा न येवो बिछाना गाठणे. अन पुरे विचार थांबवुन श्वासावर लक्ष केन्द्रित करणे. तुम्ही झोपा अथवा न झोपा सारी कवाड बंद करुन शरीराला ठराविक वेळ विश्रांती देण महत्वाच. रात्री झोपताना स्वच्छ होउन झोपणे, तेन्व्हा पासुन मला बेड मध्ये शिरायच्या आधी पाय धुवायची सवय लागली ती आज तोवर. झोपेचा विचार करुनच तुम्ही जास्त थकता, तेंव्हा तो विचार च नको करु. झोप अथवा न झोप सकाळी ठराविक वेळी उठायच म्हणजे उठायच. सार्‍या गोष्टी रात्रीचा विचार न करता पुर्‍या पाडायच्या, दिवस भर ,"अग मी झोपलेच नाही "म्हणुन वैतागत घालवण्या ऐवजी साधा सरळ नॉर्मल घालव. एकदा तु झोपेचा विचार सोडुन फक्त विश्रांतीचा विचार केलास तर तु या अ‍ॅबनॉर्मेलिटि वर विजय मिळवलास. मी तरी झोप लागो न लागो ताजी तवानी होउन उठते, सांगते कोणाला? तिघ जण माझ्याकड पहात उभी असतात. आणखी एक, तुला थोड जड जाइल. अती चोकलेट!! चॉकलेट कमी कर. अन दही भात वाढव, नाही तर तुझ्या पतिराजांची फेमस कढी रोज रात्री तडस लागे पर्यंत पी, बघ कशी झोपशील ते! झो. सा. शु.

जाईकाकू, आमच्या वैद्यबुवांनी सांगितलेला उपाय : रोज सकाळी किमान ४५ मिनिटे भरभर चालणे. इतकं की घामानं शर्ट भिजला पाहिजे आणि घरी आल्यावर दहा मिनिटं पडुन रहावंसं वाटलं पाहिजे. आणि रात्री झोपताना एक ग्लास गरम दुध+चिमुटभर सुंठ घ्यावी, झोपण्यापुर्वी डोक्याला आणि तळपायाला तेलानं मालिश करावं... सध्या काहीदिवस झोपताना डोळ्यात काजळ घालतात तसं 'कैलासजीवन' घालुन डोळे मिटुन वर पापण्यांवर पुन्हा कैलासजीवन लाव.... आयच्यान सांगतो, पाच मिनिटात एकेक पापणी दहा किलोची असल्यासारखी जड होते आणि डोळेच उघडायची इच्छा होत नाही...एकदम मेल्यासारखं झोपतो मी तर. :)

लोक मारे सल्ले देताहेत आणि जाईतै काही बोलतच नाहीत. भारीतून भारी सल्ले ऐकून त्यांना झोप आलेली दिसते. :)

जाईतै, पोटभर जेवा, विशेषत: गोड (म्हणजे तुमच्या रावण पिठल्याची पाकृ पण छान आहे), आणि डोक्यावर महाभृंगराज (माक्याचं तेल) तेलाने मसाज करा झोप यायलाच पाह्यजे. स्वगत: मी महाभृंगराज फक्त विकांतालाच लावतो डोक्याला, निद्रादेवी आमच्यावर आधीच प्रसन्न आहेत ईतर दिवशी लावलं तर आधीच मर्कट तशातच.....

मलाही असाच त्रास सतत ६ महीने होत होता..आता गेला. मी काय केलं ते सांगतो...(म्हणतात ना स्वतः मेल्याशिवाय स्वर्ग दिसत नाय..) १. कॉफी १००% बंद, २. १.३० तास कसुन व्यायाम (संध्याकाळी ६.३० - ८ / ७ - ८.३०), ३. सकाळी लवकर उठणे (५.३० ला सरळ), ४. नियमीत व वेळेत जेवणे, ५. संध्याकाळी ५.३० नंतर साखरयुक्त पदार्थांच सेवन बंद, ६. झोपताना शांत असे शास्त्रीय संगीत ऐकणे,(आमच्या वसंतरावांचा मारवा ऐका..मन शांत झालंच पायजे.) ७. चिंता न करणे (अवघड आहे..पण सरावाने जमते ..) ८. सकाळी ७५० मिली काटामोड गरम पाणी प्या... ९. कधीही ७ तासांपेक्षा जास्त झोपु नका (जेव्हा येइल तेव्हा), ह्यातील जास्तीत जास्त उपाय करुन पहा. मला १५ दिवसांमधे फरक पडला... - वाटाड्या...

मि.पा वर! दोन तीन तासात! >> गुड नाईट !! मी ही चाललो गप्पा मारायला !!

मी आडवा पडलो तर ५ मिनीटात झोप लागते. बसून काही करत राहिलो तर रात्री २-३ वाजे पर्यन्त जागा रहातो. हा झोपेचा प्रोब्लेम म्हणजे काय आहे यार .. ?

शेजारी 'जाग्रुत' बायको होती आणि समोर कोणतीच गाडी नव्हती म्हणून ठीक.. डोळे उघडले तेव्हा गाडी पूर्ण उजव्या हाताला होती. रस्त्याच्या कडेला ठेवलेल्या सिमेन्टच्या पोलवरून उड्या मारत तिला जागेवर आणली. पुढचा बम्पर बदलावा लागला. आम्हा कोणाचेही स्पेअर पार्ट बदलावे लागले नाहीत. तेव्हापासून बायको गाडीत झोपायची बन्द झाली. !!!

जाई ताई, झोप न लागणे ही गोष्ट मेंदूशी संबधित आहे. मला झोप लागत नाही अशी मानसिकता आपणच तयार करत असतो आणि आपला मेंदू ह्या गोष्टीचे आज्ञापालन करतो. मला झोप येत नाही असे म्हणण्यापेक्षा, मला खूप गाढ झोप लागते, असे सतत जाणीव ठेवली तर काही दिवसात गाढ झोप येणे सुरु होते. फक्त झोपच नाही, तर आपल्या स्वभावातल्या चांगल्या किंवा वाईट गोष्टीं ह्या मेंदूशी संबधित असतात. म्हणून स्वतःमध्ये चांगले बदल घडवायचे असतील तर अगोदर चांगली मानसिकता तयार करणे गरजेचे आहे.

नाशिकला आरोग्यधाम आश्रमात योगनिद्रेची सिडी मिळते. २ १/२ तासाची आहे. ती ऐकताना हमखास झोप लागते.

कष्टाची कामे करा, जमल्यास झोपण्याआधी ७-८ मजले जिने चढा, ७-८ मजले नसतील तर दोन मजली जिने २-४ वेळा चढ उतर करा, ते ही नसतील तर दोन तास फास्ट चाला. नक्कीच झोप लागेल.

अहो २०१० मधील धागा आहे हो! लै पाणी गेले पुलाखालुन त्यानंतर!

मनापासून हसलो.....2010 चा धागा आणि अजून हि उपाय सुचवतायत