Skip to main content

रचना कशी असावी...?

लेखक राघव यांनी रविवार, 03/01/2016 या दिवशी प्रकाशित केले.
नुसतेच शब्द सारे.. गाभा मुळी कळेना.. स्वतःस प्रश्न केला.. रचना कशी असावी? होता जरी जरासा.. अर्थ, अडकलेला.. तरीही मनांत म्हटले.. रचना अशी असावी? मजला तरी कळावी, मम भावना मनीची.. आशय जिथे गमेना.. रचना तशी नसावी.. सहज-सुगम्य भाषा.. विषया धरून यावी.. बोजड कशास व्हावे.. रचना तशी असावी.. फुलती सहज जैसे ऋतुरंग आसमंती.. अर्थास शब्द यावे.. रचना तशीच व्हावी.. आशय थेट यावा अन् अंतरी भिडावा.. जन्मून सार्थ व्हावी.. रचना तशी असावी. राघव
काव्यरस
शांतरस
लेखनविषय:
वाचने 2305
प्रतिक्रिया 11

प्रतिक्रिया

अत्रुप्त आत्मा सोमवार, 04/01/2016
@आशय थेट यावा अन् अंतरी भिडावा.. जन्मून सार्थ व्हावी.. रचना तशी असावी ! :- अप्रतिम.

शैलेन्द्र सोमवार, 04/01/2016
Mast

राघव सोमवार, 04/01/2016
पुनःश्च आभार! अर्थात् मला हे फक्त कवितेसाठी म्हणून नव्हते म्हणायचे. :-)