"अहो, हे पत्र जरा देउन याल का"? मला रस्त्यात मिळाले आहे. घरात शिरताना पहिले वाक्य. मी पत्ता बघितला. नीटसा कळला नाही. माझा गोंधळ बघुन लगेच कुटूंब उद्गारले., "गेट्मधुन बाहेर पडल्यावर उजव्या हाताला दुस-या गल्लीत चवथी बिल्डींग, १७ माळ्याचा टॉवर आहे.". बहुतेक प्रिमियम ची नोटीस होती. "जाताच आहात तर इंटीरियर पण बघुन या". कीचन जरा नीट बघा. आता पोस्ट्मनला किचन दाखवायची नविन सिस्टीम सुरु झाल्याची मला कल्पना नव्हती. उच्च्च मध्यमवर्गियांचा टॉवर होता तो. दरवाजा उघडला. समोर मालकिण बाई उभ्या. मी पत्र हातात दिले. पुढे काय बोलणार इतक्यात त्याच म्हणाल्या. " ओह, व्हॉट ए प्लेझंट सरप्राईज,प्लीज कम इन." आंतरमनाने धोक्याचा इशारा दीला. "रमेश, लुक हु इज विथ अस टू डे, प्रभु सर." आतुन रमेश अवतीर्ण झाला, हींदी सिनेमाच्या टीपीकल 'तेजा सेठ' टाईप च्या गाउन मधे. नंतर लक्षात आले ही मंडळी मला ओळखतात. रमेश आपल्या भाचीकरता माझ्या एका मिटींगला हजर होता. रात्रीचे जवळ जवळ साडे नउ झाले होते. जेवण झालेले नव्हते. तेंव्हा कॉफी वगैरे नको म्हणुन मी निरोप घ्यायची तयारी केली. श्री व सौ रमेश काय सोडायला तयार नव्हते. सोफावर साधारण ५ वर्षाचे गोजिरवाणे पेंगत्या डोळ्याने कार्टून बघत होते. माझी नजर जाताच सौ. रमेश लगेच म्हणाल्या, "संपल्याशिवाय झोपणार नाही तो. खुप आवडती सिरीयल आहे त्याची". कुठ्ल्या शाळेत जातो-मी (लगेच लक्षात आले -घोड्चुक झाली) नंतर सुमारे १५ मिनीटे श्री व सौ रमेश ह्यानी शिक्षण पद्धतीवर माझे बौद्धिक घेतले. आजकाल किती कॉम्पीटीशन वाढली आहे हे वाक्य आलेच. ह्या वाक्यावर सौ. रमेश उठल्या व जवळ जवळ झोपलेल्या मुलाच्या कानात काही पुट्पुटल्या. पुढे काय वाढुन ठेवले आहे ते माझ्या लक्षात आले. त्यांनी त्या मुलाला उचलले आत नेले. जाताना " सर, प्लीज डोन्ट गो हं "चा दम पण दिला. सुमारे दहा मिनिटाने मुलाला त्या परत घेउन आल्या. तोंडावर पाणी मारलेले दिसत होते. त्या मुलाकडून खास माझ्या करता सुमारे २० मिनिटे सर्व प्रकारच्या कलांचे प्रदर्शन झाले. त्यात "पप्पु कान्ट डान्स ,साला" चे नृत्य, कराटे चे प्रकार, सॅण्ट टूकारॅम ची गोष्ट वगैरे वगैरे. मी हतबल होउन सर्व प्रकार सहन केला. पडदा पडल्यावर मुलाचे कौतुक केले. "रमेश, यु शुड मीट सर अँड लर्न सम ट्रीक्स" सौ. रमेश. मी काहीही बोललो नाही. " युअर सन इज अ लकी बॉय" बाईने इंगलीश चे खुन करायची शपथ घेतली होती. मी काही बोलणार इतक्यात," अ कौंसेलर लाइक यु ऍट डीस्पोजल ऑल्वेज्",व्हॉट ऑल आर्टस हॅव यु टॉट हिम". आयला घरात गेल्या गेल्या कौंसेलींग(??) केले तर बायको हाकलुन देइल. कला आणि मी- कै च्या कै कला अंगभुत असतात असे इतके मला माहीत होते. छे, हो मी काहीच शिकवले नाही.-मी नम्र कबुली दिली. आज काल कॉम्पीटीशन एवढी वाढली आहे ना त्यामूळे हे सर्व करावे लागते. -खुप वेळाने रमेशला मराठी मधुन कंठ फुटला. टी़क आहे, आपण नंतर बोलु असे म्हणून मी "गूड नाईट" म्हटले. "कॉपीटीशन वाढली आहे म्हणजे काय"? कोणी मला सांगेल का. आणि समजा ती वाढली असेल तर मुलाचा कल न बघता एकाच वेळेला कराटे, स्विमिंग, चित्रकला, गायन वगैरे कलांच्या क्लासेस सुरु करणा-या पालकांचे काय करावे. डोळ्यावर झोप असलेल्या मुलावर असा अत्याचार करणा-या रमेश ची पहिली संधी मिळताच बिनपाण्याने करणार ही शपथ घेतली.