आमुची प्रेर्ना ऑक्टोबरमासी जो कोणी होरपळतो एव्हरी इअर ..... बैठकीत दोस्तांबरोबर होऊन-देतो तो एक बिअर बाराची बिअर थंडगार असते, बाटलीच्या बुचाला उचाकावलं कि आपला हात मस्तसा भिजवते, चखणा हवा काय म्हणून मिश्कीलपणे विचारते ! बाराची बिअर सोनेरी सुंदरी असते गळ्याखाली उतरताना, पोळलेल्या शरीराचा, रोम न् रोम थंडावते जिभेवर माल्टचा स्वाद पसरवते, लिंबाची फोड हवी होती का? म्हणून खोडीलपणे विचारते! बाराची बिअर कॅालेजची आठवण असते ! मनाचा एकदम रिट्रोस्कोप करते पण हातातला ग्लास हातातच ठेवते ............ हळूहळू बाराची बिअर धूसर होते डोळ्यासमोर फाटलेल्या स्वप्नांआड दिसेनाशी होते बाराची बिअर निव्वळ एक पळवाट असते ! अपयशाचं कडवटपण सेलिब्रेट करवते म्हणते फेस लाइफ़, व्ह्याय फिअर ?… घोटाबरोबर गिळून संकट, आगे बढ, करते चिअर …