Skip to main content

मैत्रीच्या थोडं पलीकडे.. प्रेमाच्या थोडं अलीकडे...!

लेखक Hrushikesh Marathe यांनी बुधवार, 03/06/2015 या दिवशी प्रकाशित केले.
तुझं येणं,तुझं जाणं,तुझं असणं,तुझं नसणं, तुझं हसणं, तुझं दिसणं, सारं काही नवीनच, तरीही या नव्याचा मला ध्यास जडे..! मैत्रीच्या थोडं पलीकडे.. प्रेमाच्या थोडं अलीकडे...! मी करावे काम अन् तु फक्त करावा आराम तु म्हणावे चल निघुया अन् मी म्हणावे थांब, दिवसभर चालू आपले हे खेळ वेडे..! मैत्रीच्या थोडं पलीकडे.. प्रेमाच्या थोडं अलीकडे...! दिवस असला सोबत तरीही,रात्र स्वप्नांची कधीना सरे रात्रंदिवस संवाद आपुले, तरीही पडती हे क्षण अपुरे, क्षण सोबतचे आठवी मन, अन् रमे त्यातचं वेडे..! या नात्याची ओळख न उलगडे..! मैत्रीच्या थोडं पलीकडे.. प्रेमाच्या थोडं अलीकडे...! हृषीकेश
लेखनविषय:
वाचने 12026
प्रतिक्रिया 27

प्रतिक्रिया

सतिश गावडे गुरुवार, 04/06/2015
तुझं येणं,तुझं जाणं,तुझं असणं,तुझं नसणं,
यावरुन सुशिंच्या कुठल्याशा कादंबरीतील नायकाने विवाहित नायिकेला उद्देशून म्हटलेल्या ओळी आठवल्या:
तुझं येणं जाणं तुझं हसणं तुझं रुसणं तुझ्या नुसत्या असण्यानं माझं जीवन समॄद्ध केलं तेव्हढं एक सांगायचं राहूनच गेलं...
छान लिहित आहात. मात्र प्रत्येक लेखनामध्ये किमान दोन तीन दिवसांचा अवधी द्या. लोकांना तुमचे लेखन वाचू द्या. त्यावर चर्चा करु द्या. असा अवधी दिल्याने तुमचे लेखन अधिक चांगल्या पद्धतीने लोकांपर्यंत पोहोचेल.

Hrushikesh Marathe गुरुवार, 04/06/2015
ऑफिस मधल्या नवीन रुजु झालेल्या कलीगला उद्देशुन कविता आहे. त्यात तो काम करत असतो आणि ती नवीन रुजु झाल्यामुळे तिला फारसे काही काम नसते.... अशा काहीशा अर्थाने

पैसा गुरुवार, 04/06/2015
आता मी नोकरी सोडलीय. तेव्हा भेटले असते तर माझं काम त्यांच्या गळ्यात घालून माझ्या नवर्‍याबरोबर भटकले असते ना! =))

अजया गुरुवार, 04/06/2015
मी करावे काम अन् तु फक्त करावा आराम >
हे फारच आवडल्या गेले आहे!

अन्या दातार गुरुवार, 04/06/2015
प्रत्येक प्रतिक्रियेला उत्तर देण्याचे काम तुम्हाला कुणी आउटसोर्स केलंय काय? इमानेइतबारे करताय म्हणून विचारले. ;)

सूड गुरुवार, 04/06/2015
असं प्रत्येक प्रतिक्रियेला उत्तर देत बसू नये, एकाच प्रतिसादात सगळ्यांच आभारप्रदर्शन, उट्टं काढणं वैगरे उरकून टाकावं. हापिसात शष्प काम नसेल तर मात्र चालू द्या.