Skip to main content

श्री गजानन महारा़ज भव्य प्रगट दिन उत्सव, सनीवेल, कॅलिफोर्नीया अमेरिका

लेखक स्वाजो यांनी शुक्रवार, 16/01/2015 या दिवशी प्रकाशित केले.
॥ गण गण गणात बोते ॥ श्री गजानन महाराज अमेरिका परिवारातर्फे श्री गजानन महारा़ज भव्य प्रगट दिन उत्सवाचे आयोजन केले आहे. हा उत्सव सनीवेल, कॅलिफोर्नीया येथे १४ फेब्रुवारी २०१५ रोजी सकाळी १० ते दुपारी २ साजरा केला जाईल. श्री गजानन महाराज परिवारातर्फे ह्या सोहळ्याचे आपणा सर्वांना मनापासून निमंत्रण आहे. ह्या उत्सवाचे खास वैशिष्ठ्य म्हणजे श्री महाराज पालखी सोहोळा, 'पादुका-दर्शन' (श्री पुंडलीक भोकरे ह्यांना दिलेल्या पादुकांची प्रतिकृती) आणी 'नामस्मरण सत्र'. उत्सवाची सांगता भंडार्‍याने होईल. बे एरीयातील भक्तगणांकडून जमवलेल्या 'शिध्यातून' महाप्रसाद रांधला जाणार आहे. बे एरीयात प्रथमच 'श्री महाराज प्रगट दिन' आयोजीत केला आहे. आपणा सर्वांच्या उत्साही आणी सक्रिय सहभागाने हा उत्सव यशस्वी आणी स्मरणीय होईल. कृपया खाली दिलेल्या दुव्यावर नाव नोंदणी करा. RSVP LINK : http://tinyurl.com/gajanan2015 ॥ जय गजानन ॥ pragat din utsav
लेखनविषय:
लेखनप्रकार
वाचने 11875
प्रतिक्रिया 40

प्रतिक्रिया

सतिश गावडे शनिवार, 17/01/2015
इथल्या पोष्टीनुसार .‘गण गण गणात बोते’, या शब्दाचा अर्थ
‘शेगावचे संत गजानन महाराज हे नेहमी मधून-मधून ‘गण गण गणात बोते’, असा मंत्र म्हणत असत. एका शिष्याने महाराजांंना त्याचा अर्थ विचारला. गजानन महाराज म्हणाले, ‘‘पहिला ‘गण’ म्हणजे जीव किंवा जीवात्मा, दुसरा ‘गण’ शब्द म्हणजे शिव किंवा शिवात्मा आणि तिसरा शब्द ‘गणात’ म्हणजे ‘हृदयात’. ‘बोते’ म्हणजे पहा, बघा. ‘गण गण गणात बोते’, याचा अर्थ ‘हे जीवा, स्वतःच्या हृदयात शिवाला, परमेश्वराला बघ.’ –
हा वरील दुव्यावर दिलेला अर्थ आहे. मला कळलेला अर्थ नव्हे.

आदूबाळ शनिवार, 17/01/2015
हे जीवा, स्वतःच्या हृदयात शिवाला, परमेश्वराला बघ
असं एन्क्रिप्ट न करता म्हणाले असते तर मज पामराला चटकन कळलं असतं. असो. धन्यवाद!

नगरीनिरंजन शनिवार, 17/01/2015
ते एका विशिष्ट उंचीवर पोचलेले होते म्हणून असं बोलायचे. सरळ-सरळ बोलले तर पोचलेल्या माणसात आणि सामान्य माणसात फरक काय राहिला? असो. हा अर्थ त्यांनी कोण्या भाग्यवंताला समजावून सांगितला त्याचे नाव कोणाला माहित आहे का?

सूड सोमवार, 19/01/2015
येप, मला पण भाषा कोणती हे जाणून घ्यायला आवडेल. संस्कृत वाटत नाही, पाली किंवा अर्धमागधी?

नगरीनिरंजन बुधवार, 21/01/2015
मला तर "बोते" हा दुसर्‍या शब्दाचा अपभ्रंश वाटायचा आणि त्या वाक्यात काही अक्षरे मिसिंग आहेत असे वाटायचे. पण शेवटी हा श्रद्धेचा मामला असल्याचे लक्षात आल्यावर मी तो विचार सोडला. आपण अर्थ शोधून काही उपयोग नाही. श्रद्धा असेल तर मुळात असे (किंवा कोणतेच) प्रश्नच पडत नाहीत. तसंही शब्द म्हणजे नुसता अक्षरांचा समूह. आपण देऊ तो त्याला अर्थ. नाही का?

सामान्यनागरिक सोमवार, 19/01/2015
वेगळा अनुभव घ्यायचा असेल तर प्रथम शिर्डीला जा आणी नंतर शेगावला जा. आणि फरक अनुभवा. बाकी सनीवलच्या उत्सवाला शुभेच्चा!

ऋषिकेश बुधवार, 21/01/2015
हो ना! पाचेक वर्षांपूर्वी शेगावच्या संस्थानात आमच्या तत्कालीन ऑफिसने "SAP" सारखी महागडी व आकाराने भली मोठी सिस्टिम इम्प्लिमेंट करून दिली होती तेव्हाच लक्षात आले होते म्हणा

विटेकर शुक्रवार, 16/01/2015
मनुष्यजात सकळ| हें स्वभावता भजनशीळ| जाहलें असे केवळ| माझ्याचि ठायीं ||६७|| या माऊली वचनाची आठवण झाली !!! गण गण गणांत बोते!!

अर्धवटराव शनिवार, 17/01/2015
हे सर्व उत्सव वगैरे का करतात पब्लीक... बाकि महाराजांच्या कृपेची अनुभुती आलेले (आणि तसा दावा करणारे) शेकड्याने सापडतील. मला पर्सनली जे अनुभव आले ते नेमके काय आणि कसे होते हे अजुनही कळलं नाहिए.

मुक्त विहारि शनिवार, 17/01/2015
हा प्रश्र्न म्हणजेच एक मोठा काथ्या-कुटाचा विषय आहे.... आमची बायको गजानन महाराजांची भक्त तर आम्ही मिसळ-पाव भोक्ते. ती त्यांचा प्रकट-दिन साजरा करते तर आम्ही चार मिपाकरांना जमवून कट्टा साजरा करतो. ती प्रसाद भक्षण करते तर आम्ही पक्षी-तीर्थ. थोडक्यात काय तर मनुष्य हा समाज-प्रिय प्राणी. कूणाला साधू-संतांच्या मेळाव्यात आनंद वाटतो तर कुणाला समविचारी जनांच्या बरोबर संवाद करण्यात. बघा पटत असेल तर, नाहीतर सोडून द्या. पटत असो किंवा नसो, एखादा कट्टा करायला तर तुमची हरकत नसावी.

सिद्धार्थ ४ बुधवार, 21/01/2015
गजानान महाराज म्हणजे पेशव्यांच्या घरातील एक सदस्य म्हणे.

सुनील बुधवार, 21/01/2015
माझ्या ऐकीव माहितीप्रमाणे, गजानन महाराज हे विख्यात मराठी कवी नारायण मुरलीधर गुप्ते उर्फ कवी Bee यांचे बंधू. कुणी अधिक माहिती दिली तर बरे. बाकी चर्चेत भाग घेण्याची पात्रता नाहीच! ;)

प्रा.डॉ.दिलीप बिरुटे बुधवार, 21/01/2015
गजानन महाराज थेट क्यालिफोर्नियात गेले... व्वा. आनंद वाटला. आता कोण नावं ठेवणार आमच्या देशाला. :) देवा, गजानना सुख, समृद्धी मान सन्मान, संपती, माझं प्रेम, हाय फाय भारी बंगला येऊ दे भो. बोलो गजानन महाराज की जय. (संक्षी दिसत नै तो पर्यंत देव देव करुन घेतो, नै तर प्राध्यापकांनी असे देव देव करणं कसं चुकीचं आहे, यावर पन्नास उपप्रतिसाद दिले असते. संक्षी या लवकर) -दिलीप बिरुटे

अत्रुप्त आत्मा बुधवार, 21/01/2015
@संक्षी या लवकर>> =)) संक्षिप्त प्रतिक्रीया! =)) पां डुब्बा! ... बोलिव रे लवकर तुझ्या सरांना! :D पांडूनी बोलिवलं की येतात- ते! =))

vikramaditya गुरुवार, 22/01/2015
निदान काहीतरी मुद्दा घेवुन वाद तरी घालत राहतात (की रहायचे?) पण वरील बरेचसे चेष्टेखोर प्रतिसाद पाहुन साधारण तोच प्रकार वाटला. असो - मि पा च्या भाषेत " चालु द्या." (कॄपया वैयक्तिक घेवु नये.)

प्रा.डॉ.दिलीप बिरुटे शुक्रवार, 23/01/2015
संक्षीची मी कधीच चेष्टा करत नै, त्यांचे काही वाद प्रतिवाद मला नेहमीच आवडतात. -दिलीप बिरुटे

अमोल केळकर शुक्रवार, 23/01/2015
माझ्यामते प्रकट दिन ११ फेब्रुवारीला आहे, सदर लिंक मधे तारिख १५ फेब्रुवारी दर्शवते अमोल केळकर

आजानुकर्ण शुक्रवार, 23/01/2015
भारत-अमेरिका प्रवासाचा कालावधी लक्षात घेता भारतापेक्षा वेगळा दिवस असण्याची शक्यता नाकारता येत नाही. शेगाव-मुंबई प्रवास, नंतर विमानोड्डाण, सिंगापूर्मार्गे वेष्ट कोष्टात आगमन. जेटलॅग व विश्रांतीकाळ असे सर्व लक्षात घेता १४-१५ तारीख योग्य वाटते.

श्रीरंग_जोशी शुक्रवार, 23/01/2015
अमेरिकेतील भारतीयांचे सार्वजनिक उत्सव वीकांताला साजरे केले जातात. उद्या आमच्या स्थानिक मंडळाचा संक्रांतिनिमित्त कार्यक्रम आहे. स्थानिक गणेशोत्सवात स्थापना जरी गणेश चतुर्थीला (जो वार असेल तो) संध्याकाळी होत असली तरी विसर्जन वीकांतालाच केले जाते. कालावधी विषमसंख्या ५ / ७ / ९ राहील याची काळजी घेतली जाते.

कॅप्टन जॅक स्पॅरो बुधवार, 11/02/2015
निगडी प्राधिकरण येथील गजानन महाराज प्रकटदिन सोहळा. फोटोमधे उत्सवमुर्ती नीट दिसत नाहीयेत कारण समोरच्या बाजुने अतिशय प्रखर प्रकाश होता. आणि माझा फोटोग्राफीचा आनंदी आनंद आहे Gajanan Maharaj q paalakhi गजानन महाराजांची पालखी a सौ. स्वाती पाटील आणि सौ. उमा नाचोणकर ह्यांनी काढलेली अतिशय सुंदर रांगोळी.