मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

ऑरेंज चीली आईसक्रिम

दिपक.कुवेत · · पाककृती
Final 1 साहित्यः १. संत्री - ५ ते ६ २. लिक्वीड क्रिम - २५० मिलि ३. साखर - संत्र्यांच्या गोडिनुसार कमी / जास्त ४. टँग च अर्ध पाकिट (चित्रात आहे ते १०२ ग्रॅम चं आहे) ५. सुख्या लाल मिरच्या - २ किंवा चीली फ्लेक्स १/२ चमचा (कश्या तिखट आहे त्या प्रमाणात) ६. ऑरेंज कलर - १/२ चमचा ७. एका लिंबाचा रस (to cut the sharpness of chilli) ८. लिंबाची/संत्र्याची किसलेली साल - प्रत्येकि १ चमचा ९. सजावट आपल्या आवडिप्रमाणे Sahitya कॄती: १. लिंबु आणि सत्र्यांच साल किसुन घ्या Zest २. सत्र्यांचा ज्युस काढुन घ्या. थोडा पल्पहि वेगळा ठेवा. सालं फेकुन देउ नका. सालींचा पांढरा भाग दिसेस्त ती चमच्याने स्कुप करुन घ्या आणि पाण्यात घालुन ठेवा जेणेकरुन सुकणार नाहित. फायनल स्टेप ला आपल्याला आईसक्रिम ह्यातच सेट करायचं आहे Juice Cups ३. लिक्वीड क्रिम मधे चवीप्रमाणे साखर घालुन व्हीप्ड करुन घ्या. मिक्सर मधे मिरच्या भरडसर वाटुन घ्या vipped cream Chilli ४. आता क्रिम व्हिप्ड केलेल्या भांड्यात अनुक्रमे ऑरेंज ज्युस+पल्प, ऑरेंज+लेमन झेस्ट, लिंबाचा रस, टँगचं अर्ध पाकिट आणि ऑरेंज कलर घालुन हलक्या हाताने मिक्स करा. लहान मुलांचा पोर्शन वेगळा काढुन बाकिच्या मिश्रणात भरडसर वाटलेल्या मिरच्या घालुन मिक्स करा. Mix all added chilli flakes ५. प्लॅस्टिक फॉईल लावुन फ्रिजर मधे सेट होण्यास ठेवा. एक ३-४ तासानी सेट झालं कि बाहेर काढुन परत एकदा चमच्याने मिक्स करुन सेट होण्यास ठेवा. हिच स्टेप अजुन २ वेळा रीपीट करा. असं केल्याने आईस क्रिस्टल्स फॉर्म होत नाहित. set cups repeat mix ६. चौथ्या वेळी पाण्यात घालुन ठेवलेले ऑरेंज कप्स पेपर टॉवेल किंवा टिश्युनी हलक्या हाताने पुसुन घ्या. सेट झालेलं आईसक्रिम ह्या रीकाम्या कप्स मधे भरुन कप्स परत सेट होण्यास ठेवा. ७. आईसक्रिम पुर्ण सेट झालं कि मस्त आंबट, गोड, तिखट ईनोव्हेटिव्ह ऑरेंज आईसक्रिम तितक्याच ईनोव्हेटिव्हली पेश करा. Final 2 टिपा: १. सजावटिसाठि सर्व करण्याआधी भरलेल्या ऑरेंज कप्स मधे एक छोटासा खड्डा करुन त्यात संत्र्याचे गुच्छ / पुदिना पान लावुन सर्व करु शकता. माझ्याकडे चेरीज होत्या त्या मी अर्ध्या करुन डेकोरेट केल्या २. सर्व करतेवेळि ह्या कप्सच्या खाली टिश्यु पेपेर किंवा पेपेर टॉवेल ची घडि करुन द्यायला विसरु नका अन्यथा कप्स प्रचंड थंड असल्या कारणाने हात बधीर होतील ३. ऑरेंज ईसेंन्स असेल तर जरुर घाला
वाचने 10896 वाचनखूण प्रतिक्रिया 50

मधुरा देशपांडे Mon, 07/07/2014 - 17:01
आली का नवीन पाकृ. चिली फ्लेवर च्या आइस क्रीम बद्दल फक्त ऐकले आहे. कधी खाल्ले नाही. हे बरेच वेळखाऊ काम वाटते आहे तेव्हा करून बघेन वगैरे असे काही म्हणत नाही. पण सादरीकरण आणि फोटो फारच भारी.

प्रभाकर पेठकर गुरुवार, 07/10/2014 - 11:57
दाढ काढली म्हणून एव्हढ्याशा मिरच्यांनी कांही होत नाही. (मी मिरच्यांचे लोणचे खाल्ले होते, ते असो.) आईस्क्रिम मुळे उघडलेल्या रक्तवाहिन्या बंद व्हायला मदत होईल. मिपावर कोणी दंतवैद्य असतील तर सांगतीलच.

ज्ञानोबाचे पैजार Wed, 07/09/2014 - 14:43
कातिल पाक कृती. पण या दिपकशेठच्या पाक कृती घरी दाखवायची चोरी असते. ते हापुस अंब्याचे आईस्क्रीम माझ्यावरच बुमरँग झाले होते. दिपकशेठ तुम्ही नाव बदला. सध्यातरी तुमचे पदार्थ आम्हाला फोटोत बघुन मिटक्या माराव्या लागतात. पैजारबुवा,

सूड Wed, 07/09/2014 - 15:44
आलं लिंबू आणि मिरची अशा दोन फ्लेवरचं आईस्क्रीम आमच्या बदलापूरात आनंद (आताचं चितळे आईस्क्रीम) आईस्क्रीममध्ये मिळत असे एके काळी!! आता का बंद केलंनीत देव जाणे.

भाते Sun, 07/13/2014 - 09:39
सुमारे १० वर्षांपुर्वी ठाण्याला राम मारुती रोड वर टेम्पटेशन मध्ये आलं लिंबू , मिरची आणि शहाळ्याच्या स्वादातले आईसक्रिम मिळायचे. शहाळ्याचं आईसक्रिम खाल्याचं आठवतंय. तेव्हा मिरची वैगरे खायची हिंमत झाली नाही. अजुनही तिकडे हे स्वाद मिळतात का याची कल्पना नाही.

दिपक.कुवेत गुरुवार, 07/10/2014 - 18:48
दर वर्षी भारतवारी प्रमाणे आता मध्यवर्ती डोंबोलीची वारीहि ठरलेली आहे. सो यायच्या आधी व्यनी करुन फक्कडसा बेत करुच.

स्वाती दिनेश गुरुवार, 07/10/2014 - 00:20
मस्त...आइसक्रिम छानच दिसते आहे, लगेच उचलून खावेसे वाटते आहे. -असे संत्र पोखरुन त्यात संत्र्याचे आइसक्रिम, लिंबू, अननस इ. पोखरुन ते ते आइसक्रिम तर करवंटीत टेंडर कोकोनट आइसक्रिम ही फिरेन्सच्या गिलेटोरियांची खासियत! स्वाती

दिपक.कुवेत Sat, 07/12/2014 - 14:54
ईथेहि एक दोन हॉटेलात असं त्या त्या फळांचं त्या त्या फळांमधे भरलेलं आईसक्रिम पाहिलयं. प्रेझेंटेशनच्या दृष्टिने एकदम कातील दिसतं ते!

शिद गुरुवार, 07/10/2014 - 15:57
जबरा पाकृ. पण ह्या वेळी पाकृमध्ये आंबा वगळल्यामुळे धन्यवाद. ;)

इशा१२३ गुरुवार, 07/10/2014 - 17:20
मला दिसलेला हा धागा कोरा आहे.काळ्या ट्रे मधले सुंदर तीन ओरेंज मला दिसतच नाहियेत.चिलि घातलिये का चेरी सज वलिये ...काय नाविन्यपुर्ण रेसेपी आहे ..काहि म्हणजे काहिच दिसत नाहिये. मी सुखी आहे.. *wink*

दिपक.कुवेत गुरुवार, 07/10/2014 - 18:55
जळजळ होतेय का??? लगेच एक ऑरेंज कप उचल...नक्कि जळजळ थांबेल आणि हो, हा १००% सुरक्षीत आणि आरोग्यदायी उपाय आहे बरं!!!

दिपक.कुवेत गुरुवार, 07/10/2014 - 18:53
पाकृ थोडिशी खटपटिची / वेळखाउ असली तरी एकदा तरी नक्कि करुन बघा. आखीर अच्छा खाने के लीये कुछ मेहनत तो करनी पडती हहै भाई| मस्त रिफ्रेश व्हायला होतं आणि खाताना जो मिरचीचा मधुनच हलका झटका लागतो....अहाहा वर्णन करुन उपयोग नाहि तो अनुभव घ्याच.

मदनबाण Fri, 07/11/2014 - 07:24
अफलातुन ! कुठेतरी वडा आईसक्रिम पाहिल्याचे आठवत, बेसनच्या पिठात आईसक्रिमचा गोळा टाकुन तो तळुन खाण्याचा काहीतरी अजब प्रकार होता तो ! मदनबाण..... आजची स्वाक्षरी :- Ishq Samundar :- Kaante

रमेश आठवले Sat, 07/12/2014 - 23:37
पाककृति आणि फोटो छान आहेत. अमेरिकेत गार्लिक नावाची हॉटेल्स ची चेन आहे. त्यांच्याकडे सर्व पदार्थ लसुण घातलेले मिळतात . मी सानफ्रांसिस्को मधील त्यांच्या हॉटेल मधे या स्वादाचे आईसक्रिम खाल्ले आहे.

त्रिवेणी Mon, 07/14/2014 - 14:25
हे पहा तुम्ही गोडच्याच पाककृती देता नेहमी. पण आम्हा तिखट आवडणार्यांचाही विचार करावा ही विनंती. पाकृ मस्तच पण हल्ली ईतक्या खटपटीच्या पाककृती नाही जमत वयोमानामुळे.