वारली चित्रकला

माझ्या मुलानी घराच दार उघडल्या उघडल्या जी भिंत दिसते ती फुल्ल रंगवुन ठेवली आहे.. (बाकी पण प्रत्येक भिंतीवर रेघोट्या आहेतच..पण हा त्याचा १०-१५ मि. सलग चालु असलेला मुक्त आविष्कार होता!! ) आता मला छान आयडिया मिळाली आहे.. रंगवुन टाकु..हाय काय न नाय काय!!

नंबर वन ! चांगलाच हात बसलाय तुमचा !!

खासकरुन ते पहिलं चित्र. नमुन्यादाखल रफ पेपेर वर लगेच एक / दोन चित्र काढुन पाहिली आहेत. जमतायेत. दिसतायेत तेवढि कठिण नाहि. ह्या विकेंडला आणखी प्रयत्न करुन जमलं तर ते चित्र ईथे डकवतो. धन्यवाद.

सुरेख चित्रे!

आवड भरपूर आहे. अजून काही जुनी पेंटिंग मिळतील तर अपलोड करतो. यु ट्यूब आणि नेटवर बघून बरेच साहित्य खराब करून शिकलो. हल्ली कामामुळे वेळ मिळत नाही. खरे तर जे जे स्कूल ऑफ आर्ट ला जायचे होते. पण……

अनुमोदन! सदस्यानं आणखी काही चित्रं अपलोड करुन, स्वतंत्र पोस्ट टाकली तर मजा येईल.

घरी नेहमीसारखा डिस्टम्पर मारला होता. त्यावर पांढऱ्या ओईल पेंट चे चार ते पाच हात दिले. एशिअन अप्कोलाइट त्यातल्या त्यात घट्ट असतो. रंगामध्ये डायरेक्ट केरोसीन/टर्पेण्टैन न टाकता फक्त ब्रश केरोसीन मध्ये बुडवून घ्या. चार ते पाच पातळ हात दिल्यावर पृष्ठ भाग तयार झाला. या साठी दोन दिवस गेले. मग जे चित्र काढायचे होते ते आधी पेन्सिल ने काढून घेतले (ओईल पेंट वर साधी पेन्सिल चालत नाही म्हणून ग्लास मार्किंग पेन्सिल वापरावी. सफेद व लाल रंगात बाजारात उपलब्ध असतात. तीही नसेल तर मुलांसाठी क्रेयोन चे खडू वापरतो ते सुद्धा चालतात.) एकदा मनासारखे स्केच झाले कि दुसऱ्या रंगाने ते स्केच भरून घ्यावे. हेच काम आपण पाण्याचे रंग वापरून देखील करू शकतो. पण मग ती भिंत साफ करताना जपावी लागते. ओईल पेंट मधील चित्र आपण नेहमी ओल्या फडक्याने साफ करू शकतो.

म्हणजे मातीच्या कच्च्या विटा. या भाजलेल्या नसतात. आणि आकाराने बर्‍याच मोठ्या असतात. अर्थात ही घरे उन्हाळ्यात थंड आणि हिवाळ्यात आतून उबदार असली तरी तेवढीशी मजबूत नसतात. कोकणातल्या गावांत चिरे परवडत नसतील ते लोक अशी घरे बांधतात. माझे आईवडील शिक्षक म्हणून एका गावात नोकरी करायचे तेव्हा आम्ही अशा एका घरात महिना २५ रुपये भाड्याने रहात होतो!