कदाचित अवांतर होईल पण त्या एकामागोमाग एक ठेवलेल्या रिकाम्या ग्लासांकडे पाहुन त्यांना माणसाशी रिलेट करता येईल, असे सहजच वाटून गेले. पहा ना आपण मानव पण असे एकामागोमाग एक येतो रिकाम्या ग्लासांसारखे. ना कोणता रंग, ना कोणते लेबल, ना कोणी पहिला ना कोणी दुसरा. त्यांची किंमत पण ठरते ती ह्या रिकाम्या ग्लासांत कोणता द्रव्य ओतला जाईल त्यावरुन. आपण मानव मात्र आपणा सार्‍यांमध्ये असलेली ही समानता सोडून फुका एकमेकांना वेगवेगळी लेबल आणि विशेषणे लावत बसतो आणि बसतो भांडत. ग्लासांना कदाचित हे कळलं असेल तर आपल्याला फिदीफिदी हसत असतील.