कॉफीचं कॅथार्सिस अर्थात चिडचिड-ए-सोमवार
अरबट कॉफी चरबट कॉफी |
कागदाच्या कपात करपट कॉफी ||
डोक्याची ग्रेव्ही, इनबॉक्सचं मटण |
कॅफेनची किक, बुळबुळीत बटण |
पहिला ढकलतोय, चारच बाकी |
कागदाच्या कपात करपट कॉफी ||१||
परीट घडी, टायचा बावटा |
आकड्यांची उसळ, एक्सेल पावटा |
बॉस निकम्मा, टीम पापी |
कागदाच्या कपात करपट कॉफी ||२||
पायांची घडी, मांडीवर पोट |
अप्रेझल मीटिंग, बोका भोट |
परफॉर्मन्स मदिरा, रेटिंग साकी |
कागदाच्या कपात करपट कॉफी ||३||
गारगिट्ट पोळ्या, बकाबकाबका |
सिग्रेटचा धूर, फकाफकाफका |
पगार, पीएफ, बोनस टॉफी |
कागदाच्या कपात करपट कॉफी ||४||
वाचने
8039
वाचनखूण
प्रतिक्रिया
29
जबरा.
अशोककुमारांची 'रेलगाडी' आठवली.
In reply to जबरा. by प्रचेतस
आणि मर्ढेकारी थाट्सुद्धा !
बाकी, इतकी वर्षे कॉफी पितेय पण कधी अरबट चरबट किंवा करपट नाही बॉ लागली.
अरभाटच लागली प्रत्येक वेळी !
In reply to अगदी अगदी ! by सस्नेह
तुमचं नशीब थोर - मशीनजन्य कॉफी प्यावी लागत नसावी...
आवडेश.
-दिलीप बिरुटे
लैच भारी :)
कविता आवडली .
पण कुणतरी वहीपेन घेऊन या .
आवडलं!!
छान कविता लिहिली आहे, मर्ढेकरी बाज वाटला.
नकळत मोठ्या आवाजात चाल लावत बसलो..
मस्त, चिडचिड पोहोचली.
- (फिल्टर कॉफी पिणारा) सोकाजी
भयानक्,हास्य, करूण सगळे रस अगदी नीट उतरलेत!
होई सायंकाळ, ऑफिस खलास|
रिचवा रेडवाईन, हातात ग्लास||
रंगबेरंगी ढग, हवेत गारवा|
फ्रेश होऊन आता, ऐका मारवा||
डोक्यावरून फिरेल मायेचा हात|
वाईट परिस्थिती वर कराल मात||
सुख दु:ख हे असेच येईल अन जाईल|
जन्म जन्मांतर हे नाते टिकून राहील||
आपला मिपास्नेही :आयुर्हीत
सोल्लिड. :)
तुफ्फा....न!
बॉस निकम्मा, टीम पापी | अप्रेझल मीटिंग, बोका भोट |अगदी, अगदी! :D
आवडली.
सर्व वाचकांचे आणि प्रतिसादकांचे आभार!
कमीत कमी ओळींत जास्तीत जास्त चिडचिड ठासण्याच्या नादात थोडी दुर्बोध झाली - तथास्तु यांची सूचना रास्त आहे!
लैच भारी झाले आहे. हे लिहीताना पण हातात "अरबट कॉफी चरबट कॉफी" चाच कप आहे. क्याफिन धोसल्या शिवाय डोक्याची चक्रे फिरतच नाहीत.
मंडे सीकनेस मस्त पकडलाय.
बरे झाले सोमवारी सकाळी कविता वाचली नाही...डोक्याची मंडई झाली अस्ती. (कृ. ह. घ्या)
अवांतर-- कोणत्यातरी ऐटी कंपनीत काम करता काय?
In reply to है शाब्बास by राजेंद्र मेहेंदळे
कोणत्यातरी ऐटी कंपनीत काम करता काय?येवढी कुठली आमची ऐट?
झकास झालीये. टोटल भा.पो.
ना लांबड ना क्रमशः ची जिल्बी सगळ एका झटक्यात (थेट)...
"तुमचं आमच सेम असते"
अॅप्रेझल दिंडीतला "वारकरी"
मस्त.
(तो मायेचा हात कुणाचा, तेवढं सांगा).
In reply to मस्त. by चित्रगुप्त
अर्थात आपल्याला समजून घेणाऱ्या प्रिय व्यक्तीचाच !(ती प्रिय व्यक्ती कोण हे प्रत्येकाने आपल्या categery प्रमाणे ठरवावे!)
सहीच... !!
आवडली..
मर्ढेकरांचे उंदीर "पिपात मेले" आणि आपले "कपात मरताहेत" .. हाच काय तो फरक !
आयुष्य " आयटी" असले तरीही "बेकेलायटी" आहे हेच जास्त खरे आहे !
उत्तम !
लय भारी.
बॉस निकम्मा, टीम पापी | कागदाच्या कपात करपट कॉफी ||२||हे जास्त
मर्ढेकरी बाज पर्फेक्ट पकडलाय. बॉस निकम्मा टीम पापी वाली ओळ सर्वांत जास्त आवडली.
आवडली.
टाय सूट काढा नि जीन्स शर्ट हेल्मेट घाला.
नॉन ऐटी असूनही सहमत.
- 'आप बहुत ज़्यादा होपलेस काम कर रहे हो' चं पालुपद सगळ्यांना ऐकवणार्या बुडबत पांडेचा सबार्निडेट
जबरा.