राहाण्याच्या सोयींबाद्दल काही माहिती आहे का ? काही कॉन्टॅक्ट नंबर किवा वेबसाईट चे नाव वगैरे.

१. आवास मध्ये करमरकरांचे सुन्दर शिल्प दालन आहे (मराठी शाळेपासून साधारणतः १ कि. मी.) २. आवास मध्ये बीच पुर्ण रिकामा असतो. ३. जोगळकर कॉटेज पण राहण्यासाठी चांगले आहे. (त्यांच्याकडे सोलकढी आणि कोकम सरबत उत्तम मिळते) --- राहुल ---

मी स्वतः अलिबागमधे पाचेक वेळा, नागावमधे एकदा, आक्षीत एकदा, काशिदला सहासात वेळा इ इ अशा रितीने राहिलेलो आहे. एका दिवसात जाऊनयेऊनही ही ठिकाणं केली आहेत. या भागाचा भरपूर अनुभव असल्यानेच तुम्हाला स्पष्टपणे बजेट विचारलं आणि घरगुतीविषयीचे गैरसमजही दूर करता यावेत यासाठी त्याविषयी सवाल केला. इथे अगदी पाचशेपासून दीड दोन हजारात घरगुती राहण्याची सोय होऊ शकते. मीही अनेकदा घरगुतीत राहिलो आहे. पण सर्व पर्याय पाहता एकदाच मजा करायला जायचं तर जरा खर्च करुन परफेक्ट अघरगुती तारांकित रिसॉर्टमधे जावंत असं मनापासून सांगतो. अगदीच दुर्गंधीयुक्त, वासाड चादरींचं आणि डासांनी भरलेलं अंधारं घर नको असेल तर साध्या पण चांगल्या अकोमोडेशनलाही इथे २ - २.५ हजार तर लागतातच. पुन्हा जेवण सेपरेट. दोन मोठे आणि दोन लहानगे यांच्या जेवणाचा खर्च २४ तासात (ब्रेकफास्ट, लंच, दुपारच्या चहानाश्ता,डिनर धरुन) २००० किमान होतो. जराजरी स्टँडर्ड हॉटेल घेतलं तर हजार आणखी वाढतात. म्हणजे राहण्याखाण्यावर मिळून तसे ६ -७ हजार जातातच. नऊ हजारच्या दरम्यान खर्च केलात तर प्रकृती रिसॉर्ट्स काशिद इथे तुम्हाला उत्तम ५ स्टार हेरिटेज रिसॉर्टमधे वीकेंडला राहता येईल. (शनिवार चेक इन रविवार चेक आउट). यामधे सर्व जेवणे इन्क्लुडेड. रिसॉर्टमधेच अफलातून मल्टिक्विझिन जेवण, लहान मुलांनासुद्धा भरपूर चॉईस असलेले डिनरचे वीसतीस पदार्थ (डायनिंग सेक्शनमधे), लाईव्ह पास्ता कॉर्नर, ब्रेकफास्टलाही मोठे लोक आणि पोरं तृप्त होतील इतकी व्हरायटी. सर्व अनलिमिटेड.. संध्याकाळी चहा आणि बारीकसा नाश्ता.. दोन उत्तम प्रतीचे अत्यंत मेंटेन केलेले स्विमिंग पूल्स, लहान मुलांसाठी सुरक्षित किड्स पूल. रिसॉर्टचं आवारच मैलोगणती पसरलेलं आणि अप्रतिम सुंदर.. बागा इतक्या उत्कृष्ट मेंटेन केलेल्या पहिल्यांदा पाहिल्या. प्रशस्त बागा, त्यात हॅमॉक्स.. आणि खोल्या तर इतक्या झकास की बाहेर पडू नये.. सगळीकडे फिरायला सतत चालू असलेल्या गोल्फ कार्ट्स. प्रायव्हेट बीच, पब्लिकच्या गराड्यापासून दूर.. रिसॉर्टवरुन तिथे जायला कायमची बैलगाडी.. रात्री जेवणासोबत लाईव्ह गाण्यांचा कार्यक्रम.. जास्त पैसे देऊन का होईना, पण त्याच्या दुप्पट वसुली होते याची खात्री. इतकं टंकन करण्यात माझा काडीचाही फायदा नसतानाही या रिसॉर्टची स्तुती करत सुटलोय यातच सर्व आलं. कुटुंबासाठी सुंदर मेमरीज पैशात मोजता येत नाहीत. तस्मात जर बजेट काढणं शक्य असेल तर तीनचार हजाराच्या फरकासाठी प्लीज कॉम्प्रमाईज करुन एखाद्या घरगुती बंगल्याच्या वळचणीला डास मारत अन लिमिटेड थाळी खात वीकेंड घालवू नका ही विनंती..

तुम्हाला "अलिबाग से आयेला है क्या ?" असा प्रश्न कधीही विचारु शकतात. :)

तुम्हाला "अलिबाग से घुमके आयेला है क्या ?" असा प्रश्न कधीही विचारणार नाहीत ?

+१ वरसोली खुपच छान आहे, आवडलं मला.