मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव मराठी माणसांचे ऑनलाईन व्यासपीठ

आनंद - कार्लसन डाव ६

चतुरंग · · जनातलं, मनातलं
क्रीडा
लेखनप्रकार
आस्वाद
काल पहिला पाडाव झाला! आज काय होणार? आधीच्या दोन्ही वेळा २०१० आणि २०१२ मधे एक डाव हारल्यावर ताबडतोब पुढच्या डावात आनंदने वचपा काढला होता. गेल्फंडला तर त्यने केवळ १७ खेळ्यात हरवले होते. चमत्कार पुन्हा होईल का? विशेषतः कार्लसनला हरवणे हे कितपत कठिअण आहे? चला बघूया.
वाचने 21480 वाचनखूण प्रतिक्रिया 115

रमताराम 16/11/2013 - 19:43
पण राजाच्या मदतीने प्यादे पार होईल नि आनंदला हत्तीचा बळी द्यावा लागेल. आनंदचा राजा एच पट्टीत दाबून धरल्याने आनंदला दुसरा काही पर्याय उरलेला नाही. आनंदचा पराभव नक्की झालाय. :(

चतुरंग 16/11/2013 - 19:41
हत्ती जी ६ मधे न्यायला लागला. काळ्याचे एफ प्यादे मात्र अजूनही धोकादायक आहे. त्याचा बंदोबस्त कसा करणार आनंद हे बघायला हवे.

अमेय६३७७ 16/11/2013 - 19:48
रूक ए ४ मुळे घोळ झाला असं सुसान म्हणतेय. नवीन जगज्जेता मिळनार बहुतेक. बाकी सहा सामन्यात तीन विजय अशक्य वाटत आहेत. पोरग्याची तयारी जबरी आहे. किंग एफ ३ जबरदस्त मूव्ह होती. आनंद वाईट खेळलेला नाही पण प्रत्येक सामन्यात त्याने काहीतरी चूक केलीच आहे. मॅग्नसने मात्र दबावातही चूक केलेली नाही.

रमताराम 16/11/2013 - 19:54
हे पोरगं लै भारी आहे. हॅट्स ऑफ मॅग्नस.

प्रा.डॉ.दिलीप बिरुटे 16/11/2013 - 19:59
>>>>> हॅट्स ऑफ मॅग्नस. ह्म्म आनंदचा सचिन होतोय असं फक्त म्हनू नका प्लीज वाटलं तरी -दिलीप बिरुटे

चतुरंग 16/11/2013 - 19:55
आनंद रिझाईन्ड!!!!!!!!!!!! :((( फारच वाईट ..आता ४-२ चा लीड दिलाय कार्लसनने! फारच अवघड आता सामना. परंतु आज मी श्रेय कार्लसनला न देता आनंदच्या मध्य डावातल्या घाण खेळाला देईन!!

रमताराम 16/11/2013 - 20:02
आणखी एक धोका आता आनंदला ध्यानात घ्यावा लागेल तो म्हणजे त्याने डावाच्या मध्यावर दोन पांढर्‍यांची जी सोय केली ती अंगाशी आली आहे, कारण आता शेवटचा बारावा गेम मॅग्नसला पांढर्‍या मोहर्‍यांचा फायदा देणार आहे.

प्रा.डॉ.दिलीप बिरुटे 16/11/2013 - 19:56
च्यायला, डोक्याला ताप :( -दिलीप बिरुटे

सुहासदवन 16/11/2013 - 20:09
सचिनने बऱ्याच वेळा समोरच्या गोलंदाजाची भिती घेऊन सुमार खेळ केला त्याने. अरे पण समोरच्या गोलंदाजाने देखील तुझी भिती घेतलीये ते पहा ना. अनेक वेळेला सुरेख मोहोऱ्या आणि चाली असून देखील केवळ स्वतःचा बचाव भक्कम करण्याच्या नादात आनंदने दोन्ही डाव गमावले. मुळात कार्लसन हा फक्त आनंदच्या बचावाशी समांतर खेळतोय. एक छोटीशी फट दिसली की लगेच छाताडावर बसायचं.

चतुरंग 16/11/2013 - 20:12
जाम चिंतेत आहे हे नक्की. लागोपाठ दोन सामन्यात मार खाऊन पुढे जाणं अवघड आहे. उद्या विश्रांतीचा दिवस. हे पत्रकार काय प्रश्न विचारतात राव? मूर्ख लेकाच्चे आनंद म्हणाला "नाऊ आय हॅव टुडू माय बेस्ट, गोईंग फॉर्वर्ड!" तर तो गाढव विचारतोय "वॉट डू यू मीन बाय डुइंग युर बेस्ट?" आनंद जवळपास चिडलाच होता "डुइंग युर बेस्ट इज डुइंग युर बेस्ट, व्हाय डोंट यु अंडरस्टँड इंग्लिश?"

रमताराम 16/11/2013 - 20:17
आणखी एक धोका आता आनंदला ध्यानात घ्यावा लागेल तो म्हणजे त्याने डावाच्या मध्यावर दोन पांढर्‍यांची जी सोय केली ती अंगाशी आली आहे, कारण आता शेवटचा बारावा गेम मॅग्नसला पांढर्‍या मोहर्‍यांचा फायदा देणार आहे.

चतुरंग 16/11/2013 - 20:27
नाही. तसेच असते. पहिले सहा डाव जे रंग असतात त्याच्या उलट पुढच्या सहात असतात. तसा नियमच आहे. पण या नियमाचा त्याला उलट फायदा व्हायला हवा होता. लागोपाठ दोन पांढरे डाव आल्यावर किमान एक (आणि जमल्यास दोन्ही) जिंकणे अनिवार्य होते जर सामन्यात राहायचे अस्ले तर. पण आता अवघड दिसते आहे. एकच आहे, आता आनंदने सुलतानढवा करायला हवा. जो होगा सो होगा, तसंही दोन गुणांनी मागे आहे. फुलबाज्या लावून खेळला, नैसर्गिक गेम तर काही तरी शक्यता आहे लढत निर्माण व्हायची अन्यथा नवीन चँपिअन दिसायला लागलेला आहेच!!

चतुरंग 18/11/2013 - 00:00
मला वाटलं होतं टॉस कार्लसनने जिंकला म्हणून! ही स्ट्रॅटेजी अंगावर येते आहे म्हंटल्यावर आता त्याला प्लान बी अ‍ॅक्टिवेट करायलाच हवा. अजून सहा डावात बरोबरी साधायची म्हंटली तरी चमत्कारच करायला पाहिजे त्याला!

अग्निकोल्हा 16/11/2013 - 20:39
पोरगं लै भारी आहेच. अन उरलेल्या 6 पैकी 3 डाव आनंद नक्कीच जिंकणार नाही. Today we have new champion only MG.

जेपी 16/11/2013 - 21:36
चतुरंग , रमताराम , आणी इतर मिपाकर या समालोचानासाठी . एकदम झक्कास!!!!!!