सच्याचे शंभर.........

क्रिकेट जगणारे आणि क्रिकेट तज्ञांच्या मताला तुमच्या आमच्या सारख्यांच्या मतापेक्षा अधिक किंमत आहे, यात काही वाद नाही. सचिन व्हि. रिचर्ड्सच्या मताचा त्याचमुळे आदर करतोय. ( असे सांगत सुटला) क्रिकेट जगणारे क्रिकेट पाहतात. क्रिकेटचे तज्ञ क्रिकेट पाहतात. क्रिकेट समालोचक क्रिकेट पाहतात आणि पोहचवतात त्याचबरोबर तुमच्या माझ्यासारखे हौशी लोकही क्रिकेट पाहतात. प्रत्येकाची आपली एक सच्याच्या खेळाकडे पाहण्याची दृष्टी आहे. आणि त्या आधारावर कोणी बोलत असेल तर फार महत्त्वाचे नसेलही परंतु प्रत्येकानं या निमित्तानं आपल एक मत व्यक्त केलं आहे, करताहेत. सचिनला झाल्या शतकामुळे आपल्या भाषेत मणामणाचं ओझं कमी झाल्यासारखं वाटतंय त्याचा अर्थ असाही आहे की, सच्यालाही लोकभावना आणि काही तज्ञांची मतं कळताहेत. लोकांच्या प्रचंड अपेक्षा त्याच्याकडून असतात हेही त्याला ठाऊक आहे. आता या लोकभावना आणि तज्ञांची काय काय मत आहेत आणि त्याचे अर्थही काय आहेत हेही त्याला उत्तम कळतं. म्हणून तर त्याच्या भविष्यकाळाच्या खेळासाठी तो व्हि. रिचर्ड्सच्या मताचा दाखला देतो आणि माझ्यातला क्रिकेटचा फॉर्म अजूनही उत्तम आहे. आत्ता तर मी कुठे चांगला खेळतोय प्रत्येक वेळी लक असेलच असे नाही म्हणतो म्हणजे त्याच्या खेळातली भूक अजूनही खूप आहे ''मला अजून खेळवा'' असेच त्याला या महाशतकानिमित्तानं म्हणायचं आहे. आपण कितीही म्हटलं त्यानं खेळलं पाहिजे आणि कितीही म्हटलं की आता त्याने नव्यांना जागा करुन दिली पाहिजे. तसंही, आपल्या मताला कोणतीच किंमत नाही. आपल्या हातात फक्त पाहणे आणि सोसणेच आहे. -दिलीप बिरुटे