मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

एकात एक...

गवि · · जनातलं, मनातलं
मुक्तक
जीवनमान
राहणी
भूगोल
लेखनप्रकार
प्रकटन
विचार
प्रतिसाद
आस्वाद
भात लावायचाच ना भांड्यात.. मूठभर डाळ त्यातच टाकू.. होऊन जाईल एकात एक.. भेकरटाप्रमाणे चहाच्या कपावर धरलेलं ओलंगिच्च बिस्कीट.. लपलपत पत्तकन चहात पडण्याची वाट पाहताना पुन्हा चटका मिळणार म्हणून शहारलेलं.. ते पडल्यानंतरही इकडे पेपरात रुतलेली बुबुळं तिथेच भिरभिरत राहतात.. चहासोबत पेपरही संपवू.. होऊन जाईल एकात एक.. आईची एकसष्ट पूर्ण झाली.. विधीबिधीवर विश्वास नाही पण सगळ्यांना बोलवायला हवंय एकदा....गेट टुगेदर.. रविवार बघून एकदाच एकत्र..बाहेरच कुठेतरी थाळी घालू सगळ्यांना..थाळी म्हणजे फिक्स बिल.. नव्या फ्लॅटची पार्टी, गाडीचीही मागताहेत साले कधीचे... आणि एकसष्टीपण.. होऊन जाईल एकात एक.. बायकोसोबत एरवी एकांत कुठला मिळायला... गणपतिपुळ्याला जाऊ.. समुद्राकाठी रिसॉर्ट...व्हरांड्यात बियरमधून दिसणारा सोनेरी समुद्र..अन डोळ्यांना थंडावा.. दगदगीतून अनवाईंड व्हायला हवं...स्वतःला शोधायला हवं.. ....देऊळही आहे.. जोडीने दर्शनही करु.. होऊन जाईल एकात एक.. पैसा.. बायकोपोरं..कामधंदा..मरातब.... लाँग ड्राईव्हज, वीकेंड गेटवेज.. पॉवर पॉईंट अन कॉन्फरन्सेस.. वर्क लाईफ बॅलन्स.. इंटरपर्सनल इफेक्टिव्हनेस.. आर्ट ऑफ लिव्हिंग... प्लेझर ऑफ गिव्हिंग.. आहारनियंत्रण.. योगासनं.. डूईंग डिफरंट थिंग्ज...आणि डूईंग थिंग्ज डिफरंटली.. उपवास आणि श्वासोच्छवास.. या सर्वांच्या गजबजाटात जगणंही उरकू ...हसत हसत.. लाफ्टर थेरपी.. होऊन जाईल.. एकात एक..
वाचने 15145 वाचनखूण प्रतिक्रिया 61

मी-सौरभ Wed, 03/07/2012 - 18:09
मस्त जमलयं (नेहमीप्रमाणे) :) (एकात अजून एक असावा असे दिसणार्‍या गविंचा पंखा)

तिमा गुरुवार, 03/08/2012 - 12:03
असेच म्हणतो, छान गवि टच!

चिमी Wed, 03/07/2012 - 18:24
मस्तच तुमच्या पंख्यांमधे अजुन एक -चिमी :-)

प्रास Wed, 03/07/2012 - 18:43
मस्त लिहिलयस रे!
पैसा.. बायकोपोरं..कामधंदा..मरातब.... लाँग ड्राईव्हज, वीकेंड गेटवेज.. पॉवर पॉईंट अन कॉन्फरन्सेस.. वर्क लाईफ बॅलन्स.. इंटरपर्सनल इफेक्टिव्हनेस.. आर्ट ऑफ लिव्हिंग... प्लेझर ऑफ गिव्हिंग.. आहारनियंत्रण.. योगासनं.. डूईंग डिफरंट थिंग्ज...आणि डूईंग थिंग्ज डिफरंटली.. उपवास आणि श्वासोच्छवास.. या सर्वांच्या गजबजाटात जगणंही उरकू ...हसत हसत.. लाफ्टर थेरपी..
हे तर मनाला जास्त भिडलं. "बाकी होऊन जाईल... एकात एक" हे जर धृवपद मानलं तर एकूण लिखाणाचा बाज या गाण्यासारखा वाटतोय - *
काय बोल्तो? ;-)

अन्या दातार Wed, 03/07/2012 - 18:55
कॅमेरा असलेलाच मोबाईल घेऊ दुसरा कॅमेरा घ्यायची गरज नाही. होऊन जाईल एकात एक या सगळ्या एकात एक करता येणार्‍या गोष्टींना मिपा किंवा तत्सम मराठी संस्थळे अपवाद असावीत. कुठेही प्रतिसाद व लेख एकात एक आढळणार नाहीत

तर्री Wed, 03/07/2012 - 19:03
गवि घरण्याला साजेसे लेखन. कविता करित होतोत की लेख ? जमले आहेच एकात एक .

धन्या Wed, 03/07/2012 - 19:38
मस्त...
डूईंग डिफरंट थिंग्ज...आणि डूईंग थिंग्ज डिफरंटली..
आताच फुड कोर्टमधलं अक्षरधाराचं पुस्तक प्रदर्शन पाहून आलो. ढीगांनी दिसली अशी पुस्तकं. :)

मिसळ गुरुवार, 03/08/2012 - 01:03
थोड्या शब्दात बरच काहि सांगून जाणारं!

नंदन गुरुवार, 03/08/2012 - 01:31
नेहमीप्रमाणेच अप्रतिम. मोजके, थेट शब्द; नेमकी वाक्यं. (या स्फुटावर कोणी '+१' असा प्रतिसाद दिला, तर तो काव्यगत न्याय म्हणावा लागेल :))

पप्पु अंकल गुरुवार, 03/08/2012 - 08:11
तुम्ही लिहीत रहा आम्ही वाचतोय नव्हे आवडीने वाचतोय……

नगरीनिरंजन गुरुवार, 03/08/2012 - 08:31
कमीतकमी शब्दांत बरोबर नस पकडण्याची हातोटी विलक्षण आहे! आवडले. या एकात एकच्या मागे सतत पैसा वाचवणे हा उद्देश असतो का? भरभरून जगण्याऐवजी आपण सतत कॅल्क्युलेटीव्ह का असतो वगैरे. बरेच दिवस हा विषय छळत होताच.

वपाडाव गुरुवार, 03/08/2012 - 14:42
या एकात एकच्या मागे सतत पैसा वाचवणे हा उद्देश असतो का?
ननि, पैश्यासोबतच वेळही वाचत असावा म्हणुन कदाचित...
भरभरून जगण्याऐवजी आपण सतत कॅल्क्युलेटीव्ह का असतो वगैरे
सहमत...

सहज गुरुवार, 03/08/2012 - 08:44
फारच सुंदर कविता गवि!! फारएन्डची क्रांती, चिगोची ईशान्य फॅक्ट फाईल, विमुक्ताचे पुनरागमन, मितानतैंच्या महत्त्वाच्या विषयावर सुरु झालेल्या लेखांची सुरवात, मिपाकर बंदा-खुर्दांना सगळ्यांनाच दंडवत , क्या बात क्या बात क्या बात, ग्रँड सॅल्युट द्यायचा होता. होउन जाउ दे एकात एक! सहज चक्रवर्ती डान्स मिपा डान्स!

फारएन्ड गुरुवार, 03/08/2012 - 12:39
त्या "म्हणून" प्रमाणेच ही ही आवडली. तेथेही कोणीतरी लिहीले होते त्याप्रमाणे कमी शब्दात जबरी इफेक्ट!

गवि गुरुवार, 03/08/2012 - 14:19
खूप दिवस आपलं चर्चेचं गुर्‍हाळ चाललंय.. शनिवार-शुक्रवार-रविवार..कधी ना कधी भेटू.. पण आलीच नाही वेळ अजून.. बोलायचंय बसून याची खात्री बाळगा.. आता असं करा ना... काढा एखादं काम माझ्या गावी...मग त्यानंतर बसू रात्री.. कामही होईल..बसणंही होईल.. होऊन जाईल एकात एक.. :)

विजुभाऊ गुरुवार, 03/08/2012 - 14:27
जिंदगी मै तुमसे कभी रूबरू मिलना चाहता था. तुम राह देखती रही... मै अपना आशियां बसाता रहा. जिंदगी जीने केलीये होती है ये भूल गया जीने की तैय्यारीयो मे सारी जिंदगी बीत गयी

विजुभाऊ गुरुवार, 03/08/2012 - 14:27
जिंदगी मै तुमसे कभी रूबरू मिलना चाहता था. तुम राह देखती रही... मै अपना आशियां बसाता रहा. जिंदगी जीने केलीये होती है ये भूल गया जीने की तैय्यारीयो मे सारी जिंदगी बीत गयी

स्मिता. गुरुवार, 03/08/2012 - 14:21
छान लिहिलंय. आजकाल सगळ्याच गोष्टी जेवध्या एकात एक होतिल तेवढ्या करयाची सवयच लागलीये.

कपिलमुनी गुरुवार, 03/08/2012 - 14:35
तुमच्या प्रतिभा ज्या सहजतेने विहारत गगनी पोचली आहे ते बघुन गगन विहारी या नावाची आठवण झाली ..

मराठमोळा गुरुवार, 03/08/2012 - 16:20
मुक्तक आवडलं.. मध्यम वर्गीयांच्या ठराविक रक्कम महिन्याकाठी मिळणार्‍या चौकटीतल्या आयुष्यात असेच प्रसंग वारंवार येत राहतात. (आता एकात एक करुन मध्यम वर्गीय कोन यावर दंगा झाला नाही म्हणजे मिळवली ;) )

चौकटराजा गुरुवार, 03/08/2012 - 16:32
गवि नि कवि हे ही एकात एकच आहे की ! विधाता कोब्रा असला पाहिजे त्याने एकाच माणसात दोन वल्ली निर्माण करून म्हटले पृथ्वीवर झाली गर्दी माणसांची ना पार्कींगला जागा घाई वहाने उचलण्याची गवि नावाचा लेखक निर्मावा त्याच वेळी कविला त्यात सामावावा म्हणजे साधले की नाही एकात एक ??

विजुभाऊ गुरुवार, 03/08/2012 - 19:46
क्यालेंडर + ऑर्गनायझर + एम पी ३ प्लेयर + एफ एम रेडियो +इंटरनेट ब्राउजर + क्यामेरा + पेन ड्राईव्ह + ब्याटरी = अलार्म घड्याळ + एस एम एस + एम एम एस + व्हिडीऑ प्लेअर + फोन. चालायच. होऊन जातं एकात एक

मराठे गुरुवार, 03/08/2012 - 22:06
मल्टी टास्कींगचा जमाना आहे. वेळ कमी काम जास्त. त्यामुळे 'एकात एक' चालायचंच. कधी तरी मात्र एकच एक गोष्ट करावी पूर्ण मन लाऊन आणि ती करण्याचाच आनंद अनुभवावा.

चौकटराजा Fri, 03/09/2012 - 16:21
अरे माझ्या दोस्तानो ! ( माझा कंपू बनला नसला म्हणून काय झाले ? ) इथे कुणीतरी वैलचुलीचा फोटु टाकता का ? ती एकात एक चे जुन्या जमान्यातले उदाहरण आहे !

चौकटराजा Fri, 03/09/2012 - 16:22
अरे माझ्या दोस्तानो ! ( माझा कंपू बनला नसला म्हणून काय झाले ? ) इथे कुणीतरी वैलचुलीचा फोटु टाकता का ? ती एकात एक चे जुन्या जमान्यातले उदाहरण आहे !

चौकटराजा Fri, 03/09/2012 - 16:24
अरे माझ्या दोस्तानो ! ( माझा कंपू बनला नसला म्हणून काय झाले ? ) इथे कुणीतरी वैलचुलीचा फोटु टाकता का ? ती एकात एक चे जुन्या जमान्यातले उदाहरण आहे !

रघु सावंत Sun, 03/11/2012 - 21:19
गवि घरण्याला साजेसे लेखन केलतं असे सारेजण म्हणत आलेत . मी हे प्रथमच तुमचं लिखाण वाचतोय. माझी प्रतिक्रीया म्हणाल तर ती संसारिक माणसाची प्रतिमा असावी असे वाटते.एकच सुट्टी कामं अनेक .एकच मनं पण कल्पना अनेक .तुमचं इतरही लेखन मी वेळातवेळ काढुन वाचेन .प्रथम तुमच्या बद्दल मी रामदास काकां कडून माहिती घेईन सवड काढून भेट घेईनचं रघू सावंत

विश्वनाथ मेहेंदळे Mon, 03/12/2012 - 00:05
कमीत कमी शब्दात बरेच काही सांगायचे तुमचे कसब लाजवाब आहे. बऱ्याच दिवसात आपले बोलणे झाले नव्हते. म्हटले इथेच प्रतिसाद देऊन टाकू. होऊन जाईल एकात एक !!! :-)

यकु Tue, 03/13/2012 - 05:55
पैसा.. बायकोपोरं..कामधंदा..मरातब.... लाँग ड्राईव्हज, वीकेंड गेटवेज.. पॉवर पॉईंट अन कॉन्फरन्सेस.. वर्क लाईफ बॅलन्स.. इंटरपर्सनल इफेक्टिव्हनेस.. आर्ट ऑफ लिव्हिंग... प्लेझर ऑफ गिव्हिंग.. आहारनियंत्रण.. योगासनं.. डूईंग डिफरंट थिंग्ज...आणि डूईंग थिंग्ज डिफरंटली.. उपवास आणि श्वासोच्छवास.. या सर्वांच्या गजबजाटात जगणंही उरकू ...हसत हसत.. लाफ्टर थेरपी.. होऊन जाईल.. एकात एक..
कळस आहे! ______/\______!! शेवटी एकाचा दोन, अर्थात क्रॅक झालो. ;-)