मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

पाउस..!

उपटसुंभ · · जे न देखे रवी...
लेखनविषय:
गझल
Taxonomy upgrade extras
प्रकटन
खिडकीपाशी तुझ्या किती घुटमळला पाउस..! छत्री घेऊन निघता तू हळहळला पाउस..! मला न सुचले बोलायाला तेव्हा हसला. तुझ्यापुढे अन स्वतः किती अडखळला पाउस..! कधी उगाचच रुसला, क्षितीजामागे दडला. मल्हाराने तुझ्या पुन्हा विरघळला पाउस..! अवचित ओल्याचिंब स्मृतींची वीज तळपली. रक्तासोबत धमन्यांतुन सळसळला पाउस..! कधी सरीतून निघता जखमांवरची खपली. स्वतःच त्या जखमांसाठी तळमळला पाउस..! तुझ्या अंगणी शब्दशब्द हा आज बरसला. कितीकदा मी लिहिला अन चुरगळला पाउस..! -- अभिजीत दाते
वाचने 5180 वाचनखूण प्रतिक्रिया 14

प्रितम गुरुवार, 07/24/2008 - 10:40
तुझ्या अंगणी शब्दशब्द हा आज बरसला. कितीकदा मी लिहिला अन चुरगळला पाउस खुप सुन्दर प्रितम ज्ञा. पाटिल

अनिल हटेला गुरुवार, 07/24/2008 - 13:02
कधी सरीतून निघता जखमांवरची खपली. स्वतःच त्या जखमांसाठी तळमळला पाउस..! एकदम जबरा !! येउ देत अजुन कवितेचा पाउस !!!! -- ऍनयू उर्फ बैल ~~~ आमची कोठेही शाखा नाही~~~

इनोबा म्हणे गुरुवार, 07/24/2008 - 13:21
कविता लय आवडली आपल्याला... तुझ्या अंगणी शब्दशब्द हा आज बरसला. कितीकदा मी लिहिला अन चुरगळला पाउस..! हे तर खासच..! कर्मण्ये वाधिकारस्ते | मां फलकेशू कदाचनं : कार्यकर्त्यांनी कर्म करीत रहावे,आपल्या नावाचे फलक लागतील अशी अपेक्षा करु नये. -इनोबा म्हणे -मराठमोळे वॉलपेपर

बेसनलाडू गुरुवार, 07/24/2008 - 15:21
चुरगळलेला आणि पहिला घुटमळलेला पाऊस लै लै आवडला. कल्पना चांगल्या आहेत; पण त्यांच्या जोडीला जमिनीची मशागत व्हायला हवी चांगली म्हणजे मगच दणदणीत बरसेल पाऊस. (ओलाचिंब)बेसनलाडू

निल गुरुवार, 07/24/2008 - 16:27
"छत्री घेऊन निघता तू हळहळला पाउस.." हे तर एकदम मस्त!!!!!!!!

विसोबा खेचर गुरुवार, 07/24/2008 - 18:07
खिडकीपाशी तुझ्या किती घुटमळला पाउस..! छत्री घेऊन निघता तू हळहळला पाउस..! वा! अतिशय सुंदर काव्य! तात्या.

प्रा.डॉ.दिलीप बिरुटे गुरुवार, 07/24/2008 - 19:10
खिडकीपाशी तुझ्या किती घुटमळला पाउस..! छत्री घेऊन निघता तू हळहळला पाउस..! मस्त !!! तुझ्या अंगणी शब्दशब्द हा आज बरसला. कितीकदा मी लिहिला अन चुरगळला पाउस..! ओहो, क्या बात है !!! अभिजीत दाते आवडला पाऊस आपल्या कवितेतला, और भी आने दो !!!
प्रा.डॉ.दिलीप बिरुटे

मनीषा Fri, 07/25/2008 - 00:18
पाउस आवडला... कधी सरीतून निघता जखमांवरची खपली. स्वतःच त्या जखमांसाठी तळमळला पाउस..! सुंदर

मदनबाण Fri, 07/25/2008 - 10:27
अभिजीतराव फारच सुंदर कविता,,फार आवडली.. (ये रे ये रे पावसा तुला देतो..) मदनबाण..... "First, believe in the world-that there is meaning behind everything." -- Swami Vivekananda

राघव१ Fri, 08/08/2008 - 13:37
सुंदर लिहिलेत :) खिडकीपाशी तुझ्या किती घुटमळला पाउस..! छत्री घेऊन निघता तू हळहळला पाउस..! अवचित ओल्याचिंब स्मृतींची वीज तळपली. रक्तासोबत धमन्यांतुन सळसळला पाउस..! तुझ्या अंगणी शब्दशब्द हा आज बरसला. कितीकदा मी लिहिला अन चुरगळला पाउस..! हे विशेष आवडलेत. शुभेच्छा! -राघव.