Skip to main content

रंगावली प्रदर्शन २०११ (गिरगांव रंगावली ग्रुप) भाग १

लेखक मदनबाण यांनी गुरुवार, 03/11/2011 या दिवशी प्रकाशित केले.
माझे मनोगत :--- दिवाळी आली की विविध गोष्टी पहायला मिळतात्,मग त्या डिझायनर पणत्या असोत्,नव्या आकाराचे कंदील असोत वा दिवाळी अंक असोत...याच प्रमाणे दिवाळीत आवार्जुन पहायला मिळते ते म्हणजे रांगोळी प्रदर्शन. :) मला स्वतःला रांगोळी,पेंटींग्स यांच्या प्रदर्शनाला जायला आवडते...संधी मिळताच अशा ठिकाणी मी हजेरी लावतोच... :) असेच एक रांगोळी प्रदर्शन मला या वेळी पाहता आले. मी पाहिलेल्या रांगोळ्यांना जमेल तसे टिपण्याचा प्रयत्न केला आहे. स्थळ :--- भारतीय विद्या भवन,डॉ.क.म. मुन्शी मार्ग,चौपाटी,मुंबई ४०० ००७ गिरगांव रंगावली ग्रुप. (हौशी फोटुग्राफर) :) मदनबाण.....
विशेष
दिवाळी २०११
वाचने 35868
प्रतिक्रिया 32

प्रतिक्रिया

प्रचेतस गुरुवार, 03/11/2011
अतिशय सुंदर रांगोळ्या बाणा. गणपतीच्या रांगोळीत तर त्रिमितीचा आभास होत आहे.

मदनबाण गुरुवार, 03/11/2011
गणपतीच्या रांगोळीत तर त्रिमितीचा आभास होत आहे अगदी खरयं... त्यांनी तशीच काढली आहे ती रांगोळी. :)

कच्ची कैरी गुरुवार, 03/11/2011
एकाहुन एक सरस आहेत रांगोळ्या पण त्यातल्या त्यात मला बालगंर्धव आणि जग्गजेता ह्या २ रांगोळ्या सगळ्यात जास्त आवडल्या.

पैसा गुरुवार, 03/11/2011
रांगोळी हा नाशिवंत प्रकार असूनही हे कलाकार एवढ्या मोठमोठ्या कलाकृती साकारतात, याला काय म्हणावं कळत नाहिये... अप्रतिम सुंदर. आमच्या ऑफिसातल्या नरेश माणगावकर नावाच्या कलाकाराने लतादीदी पणजीच्या कला अकादमीत आल्या होत्या तेव्हा काढलेली ही रांगोळी. latadidi

नरेंद्र गोळे गुरुवार, 03/11/2011
ही रांगोळी आणि प्रकाशचित्रही अत्यंत वास्तव आणि सुबक आहे. मला माझ्या http://srujanashodha.blogspot.com/ सृजनशोध ह्या अनुदिनीवर लावायला आवडेल. मिळू शकेल काय?

नरेंद्र गोळे रविवार, 06/11/2011
अशा अद्वितीय कलाकृतीस होईल तितक्या अधिक लोकांपर्यंत पोहोचवायला हवे. त्यात मलाही वाटा उचलता येतो आहे, ही आनंदाची गोष्ट आहे. त्याकरता धन्यवाद, तुमचेही आणि माणगावकरांचेही!

पैसा रविवार, 06/11/2011
त्याने वेळोवेळी काढलेल्या रांगोळ्यांचे आणखी काही फोटो माझ्याकडे आहेत. लवकरच एक धागा काढीन त्याची ओळख करून देण्यासाठी.

पूनम ब गुरुवार, 03/11/2011
खरेच रेवती ताई..रांगोळ्या आहेत यावर विश्वास च बसत नाही..सर्वच रांगोळ्या अप्रतिम आहेत..एकापेक्षा एक..

मदनबाण शुक्रवार, 04/11/2011
धन्यवाद मंडळी... :) खरं तर हे फोटो काढणे मला जरासे कठीण गेले आहेत, कारण जवळपास प्रत्येक रांगोळीच्या वर प्रकाश योजना केली होती, त्यामुळे तो दिवा चुकवुन रांगोळीचा विषय, तसेच रांगोळी काढणार्‍या कलाकाराचे नाव फोटो मधे येण्यासाठी बरेच प्रयत्न करावे लागले. पुढचा भाग लवकरच टाकला जाईल.

गवि शुक्रवार, 04/11/2011
कमालीची कला आहे या कलाकारांच्या हातात. बघून थक्क व्हायला होतं आणि त्याच वेळी असाही विचार येतो की हे सगळं क्षणभंगुर आहे. कितीतरी कष्टाने काढलेली ही कलाकृती केराप्रमाणे साफ केली जाणार.. :( कॅनव्हासवरच्या चित्रकलेइतकीच तोडीस तोड कठीण आणि कस लावणारी कला असूनही कलेच्या क्षेत्रात रांगोळीला तो मानमरातब अजून नाही..

राजहंस शुक्रवार, 04/11/2011
फारच सुंदर रांगोळ्या काढल्या आहेत. तुमच्या या कलेला सलाम माझा :).

शिल्पा ब रविवार, 06/11/2011
अप्रतिम. . काय पण कला असते एकेकाच्या अंगी!! चेहेर्‍यावचे भाव, सुरकुत्या सगळं अस्सल अगदी रंगवल्यासारखं दिसतंय. मला मेले ठीपकेसुद्धा एका ओळीत काढता येत नैत.. रांगोळी पक्षाघात झाल्यासारखी दिसते. :(

गणेशा सोमवार, 07/11/2011
अपतिम .. निव्वळ अप्रतिम.. मस्त वाटल्या रांगोळ्या पाहुन ... एकाच कलरचा मस्त वापर करुन केलेला गणपती.. आणि भगव्या कलर ची उढळन करत केलेला साधु बाबा खुपच छान काढले आहेत ..

स्मिता. सोमवार, 07/11/2011
या सर्व रांगोळ्या आहेत यावरही विश्वास ठेवायला पटत नाही... सगळी चित्रच वाटतात. काय कला असते एकेकाच्या हातात. सगळ्या रांगोळ्या छानच, 'यशवंत संगीत' आणि 'सर्वेश्वरा' जास्त आवडले. पैसाताईंनी दिलेले लतादिदींची प्रतिमाही खूपच रेखीव, फोटोसारखी वाटतेय.

दीपा माने बुधवार, 09/11/2011
रांगोळ्यांच्या दर्शनाने एक वेगळाच आनंद मनाला मिळतो. ह्या रांगोळी कलावंतांचे मनःपुर्वक अभिनंदन.

चिगो शुक्रवार, 18/11/2011
अप्रतिम सुंदर... शब्दच नाहीत. प्रचंड मेहनत आणि कला आहे ह्या सर्व कलाकृतींच्या मागे.. लतादिदींची रांगोळीतर अप्रतिम आहे. वर दादा बोलले आहेत तसंच, असा फोटोही काढता येणं मुश्कील आहे, रांगोळी तर अशक्यच..