Skip to main content

तंदूरी तंगडी / विंग्स

लेखक प्रभो यांनी सोमवार, 26/09/2011 या दिवशी प्रकाशित केले.
रामराम मंडळी, परवा मित्राकडे गेलो होतो. शनिवारी क्रिकेट खेळून आणी दंगा घालून झाल्यावर रविवारी चिकन बनवायचं ठरवलं. मी तंदूर तर मित्र रस्सा बनवणार. हे आपलं ब्याचलरी (अनिवासी) घरात असणारं साहित्य घेऊन बनवलं आहे बरंका. :) नुसतं तंदूर खाणार असाल तर हे खालचं साहित्य एका माणसासाठी....रस्स्यासोबत तोंडी लावायला घेणार असाल तर दोघांसाठी ;) साहित्य : १. ७-८ चिकन ड्रमस्टीक्स/विंग्स २. २ चमचे मीठ ३. १-२ चमचे तिखट ४. १ चमचा काळीमिरी पूड ५. १-२ चमचे तंदूर मसाला/चिकन मसाला ६. २ चमचे आलं-लसूण पेस्ट ७. ४ चमचे दही ८. १ चमचा बटर/लोणी/तूप कृती: १. चिकन धुऊन , तसेच स्कीन नको असल्यास स्कीन काढून घ्या. २. एका भांड्यात दही, आलं-लसूण पेस्ट्,तंदूर मसाला, काळीमिरी पूड,मीठ, तिखट एकत्र करून घ्या. ३. ह्यात चिकन घोसळून मॅरिनेट करा. ४. भांड्यावर झाकण ठेवून रात्रभर फ्रीज मधे ठेवा. ५. दुसर्‍या दिवशी दुपारी तंदूर करायच्या आधी अर्धा तास आधी फ्रीज बाहेर काढून चिकन रूम टेंपरेचरला आणा. ६. ओव्हन मधे अ‍ॅल्युमिनियम चा पत्रा (फॉईल) पसरून घ्या. ७. ओव्हन ४०० F/२००C प्रिहीट करून घ्या. ८. फॉईल वर चिकन पसरून ३० मिनीटे बेक करा. ९. ३० मि. नंतर चिकन वर बटर लाऊन १० मिनीटे बेक करा. १०. १० मि. नंतर चिकन पलटून दुसरी बाजू १५ मिनीटे बेक करा. तयार आहे चिकन तंदूरी...
वाचने 15013
प्रतिक्रिया 52

प्रतिक्रिया

पैसा सोमवार, 26/09/2011
पण खाता येणार नाय! :( कारण आम्ही 'गवत आणि पाला' खातो. (रेवती ऐक: प्रभोसाठी वधूसंशोधन जोरात सुरू करायला पाहिजे आता!)

रेवती सोमवार, 26/09/2011
प्रभो खातय शिव्या....असे छान फोटू दिल्याबद्दल!;) पैसाताई मी कध्धीची म्हणतिये त्याला........माझ्या वधू वर संशोधन केंद्रात नाव नोंदव म्हणून! त्याच्या अटी बर्‍याच आहेत. त्याबद्दल पुन्हा कधीतरी.;)

पिंगू सोमवार, 26/09/2011
>>> ४. भांड्यावर झाकण ठेवून रात्रभर फ्रीज मधे ठेवा. प्रभो, रात्रभर क्रिकेट खेळत होता की काय... :D बाकी तंदूरी तंगडी झकास.. - (व्हेगन) पिंगू

राजेश घासकडवी सोमवार, 26/09/2011
वा वा. आता तुमच्याकडे यायलाच हवं.

मेघवेडा सोमवार, 26/09/2011
ही पाकृ चिकन न घालता कशी करता येईल द्येवानुं?

रमताराम सोमवार, 26/09/2011
छान प्रश्न विचारलास. चिकन ऐवजी 'डॉग्मॅटिक्स*' च्या आवडीचे वाईल्ड बोऽर् (boar) ची तंगडी वापरली तरी हा पदार्थ चांगला होतो बर्का. चिकनच हवे असे नाही. मुख्य म्हणजे दोघांऐवजी चार जणाना ताव मारता येईल. (त्या चारात एक तू असशील तर तीन जणांना अशी दुरुस्ती वाचावी.) (*डॉग्मॅटिक्स कोण हो? असा प्रश्न विचारणार्‍यांना (परंपरेनुसार प्रथम फाट्यावर मारून मग) सास-बहूच्या मालिका वा अर्धनग्न हिरोंचे चित्रपट न पाहता जरा कार्टून्स वगैरे सुसंस्कृत करमणुकीकडे वळावे असा आगाऊ (दोन्ही अर्थाने) सल्ला देण्यात येतो आहे.

रमताराम सोमवार, 26/09/2011
प्रभ्या लेका तू पण नळी फोडणार्‍यापैकी आहेस? शिव शिव. (बाकी चिकण आपला वुईक प्वाईंट असल्याने फुडल्या येळेला पेश्शल आमच्या हातचे चिकण खायला घालण्याचे आश्वासन देण्यात येत आहे. ही कॉम्प्लिमेंट आहे की शिक्षा असा प्रश्न विचारशील तर प्रसिद्ध 'ज्याची त्याची समज...' हे उत्तर मिळेल.

श्रावण मोडक मंगळवार, 27/09/2011
बाकी चिकण आपला वुईक प्वाईंट असल्याने फुडल्या येळेला पेश्शल आमच्या हातचे चिकण खायला घालण्याचे आश्वासन देण्यात येत आहे.
हं.

चिंतामणी मंगळवार, 27/09/2011
कॉकटेल लाउंज, तंदूरी तंगडी / विंग्स, ड्रंकन उर्फ बीयर बम चिकन, मासे ३४) टोळ , शेझवान पोटॅटो विथ व्हेज हक्का नुडल्स, जवसाची खमंग चटणी, ............................................................ एक नम्र विनंती- एकदा एकत्र सप्रात्यक्षीक रसस्वादाचा अनुभव द्या. म्हणजे सगळेजण पोट(भरल्यावर)भरून दुवा देतील. (ह्या विनंतीस अनेक जण अनुमोदन देतील ही खात्री आहे.):party: :beer:

क्रेमर मंगळवार, 27/09/2011
करण्याचे ठरवले आहे. पहिल्यांदा अनेकदा केलेले असूनही केवळ चित्र पाहून इच्छा होत आहे. पोष्टाने आलेले जंक पसरवून फोटो घेण्याचे काय कारण असावे बरे?

इरसाल मंगळवार, 27/09/2011
डिशच्या मधोमध असणारे दोन तुकडे माझे आधीच सांगून ठेवतो.मग मारामारी नको काय ? बाकी मस्त बनवलेय हो.

परिकथेतील राजकुमार मंगळवार, 27/09/2011
गवताळ असल्याने फक्त फटू बघितल्या गेले. बरे आले आहेत.

श्रावण मोडक मंगळवार, 27/09/2011
मेल्या, तू इथं कसा? इतकी घाई करू नये. तुझा प्रतिसाद सगळ्यात खाली हवा होता. ;)

प्राजु मंगळवार, 27/09/2011
मेल्या घरी येणार होतास ना रे, प्रभो!! आता येच रे.. हे चिकन तुला करावं लागेल. अथर्व ला दाखवला हा फोटो मी, तर म्हणतो 'प्रतिक मामाला करायला सांगेन मी." आता बोल!

रेवती मंगळवार, 27/09/2011
अगं तो पुढच्या रयवारी माझ्याकडे येणार म्हणालाय. आधीही त्याने येतो म्हणून टांग मारली होती. आता कारणं पुढे करेल आणि न आल्याचं समर्थन करेल.

रेवती मंगळवार, 27/09/2011
अगं, कुठली आलिये मदत? आता निदान नुसता तरी ये, भेटायला असे म्हटल्याबरोबर तिकिटाचे पैसे न मागता येतोय. खरा प्रकट होइल तेंव्हा आला असं म्हणायचं. तोपर्यंत नुसत्याच बाता!

रेवती मंगळवार, 27/09/2011
वाट बघ पैसाताई! त्याची मदत दुसर्‍याप्रकारची असते.;) काहीही लुडबूड न करता! प्राजुकडे प्रभो आणि लंबूटांग घरात फूट्बॉल खेळत होते. मला विचार ना!

jaypal मंगळवार, 27/09/2011
उमेद्वारी जाहीर केलीस की काय? नेट प्रेक्टीस जोरात चालु आहे ती. चिकन एकदम टेंप्टिंग आहे हे मात्र खर

प्रभो मंगळवार, 27/09/2011
धन्यवाद मंडळी... >>बाकी चिकण आपला वुईक प्वाईंट असल्याने फुडल्या येळेला पेश्शल आमच्या हातचे चिकण खायला घालण्याचे आश्वासन देण्यात येत आहे. धन्यवाद... पण या वयात ही सगळी धावपळ सोसेल का? ;) >>पोष्टाने आलेले जंक पसरवून फोटो घेण्याचे काय कारण असावे बरे? टेरेस वर खात असल्याने खाली उष्टे सांडल्यास कष्ट कमी व्हावेत म्हणून. :)

चित्रा मंगळवार, 27/09/2011
प्रभोला एक मुलगी शोधून द्यारे कोणीतरी (त्याने आधीच शोधली नसल्यास).

रेवती बुधवार, 28/09/2011
तसं मी कुण्णाला सांगणार नव्हते पण आता तू इतका आग्रह करतियेस तर सांगते.;) १)त्याला आयटीवाली मुलगीच बायको म्हणून हवी आहे. २)लग्नानंतर तो जॉब करणार नाही. घर सांभाळणार. ३)लग्नानंतर तो शाकाहारी, अल्पोपहारावर राहणार असल्याने बायकोनेही तसेच रहावे म्हणजे जास्त स्वयंपाक करावा लागणार नाही. ४)दाखवण्याच्या/बघण्याच्या कार्यक्रमाला मुला चालून दाखव, गाणं म्हण असले प्रकार चालणार नाहीत. पुरुषमुक्ती संघटनेचा आजिवन कार्यकर्ता आहे ना तो! ५)एकतारी पाक, दोन तारी, पक्का पाक शिकल्याशिवाय लग्नाला उभा राहणार नाही. ६) सुधांशु, स्पा यांना करता येणार्‍या पदार्थांशी तुलना केलेली चालणार नाही. अजूनही अटी आहेत पण त्या नंतर सांगीन.

Nile बुधवार, 28/09/2011
काय जीवावर उठल्यात ह्या काकवा!! मरतंय प्रभ्या लवकरच.. ;-) बाकी चिकन भारी रे.. ते काकवांपासून सुटका हवी असेल तर ये तडक इकडं वेस्ट कोस्टावर. ;-)

चित्रा बुधवार, 28/09/2011
बरोबर. वरील वाक्य 'ओ काकू, मी पण, मी पण!' असेही वाचता येईल. प्रभो- वेस्ट कोस्टाला गेलास तर दुसर्‍या काकवा मागे लागतील. त्यापेक्षा पहिल्याच बर्‍या म्हणण्याची वेळ येईल. म्हणून निळेंचा सल्ला जरा बेतानेच घे. @ रेवती - अरेच्चा. प्रभोला अशी मुलगी बहुदा पसंत व्हावी. काळीसावळीच आहे, पण स्मार्ट आणि कर्तबगार आहे. शिवाय अलिकडे सिंगल आहे असे ऐकते आहे.

रेवती बुधवार, 28/09/2011
अलिकडे सिंगल आहे असे ऐकते आहे अलिकडे? अग्ग्ग्ग्ग्ग्ग! बघा ब्वॉ! मला चालेल अशी नातसून. हिला निदान कॉर्पोरेट की कुठल्याश्या शिनेमात काम केल्याचा अनुभव आहे. पण मिपावरील जॉनच्या फ्यान बघता हिचे कसे होणार? जुन्या आठवणी येत रहाणार की काय अशी एक आपली शंका!;) कोंबडीच्या तंगडीच्या धाग्यावर अवांतर चर्चा चाललिये की काय असे वाटून घेवू नये. प्रभोचे पाय ओढणंच चालू आहे.;)

Nile बुधवार, 28/09/2011
संभाव्य नवर्‍यामुलापेक्षा (म्हणजे अर्थातच प्रभ्या!) त्याच्या काकवांनाच जास्त घाई अन हौस दिसतीए! चांगलं आहे, पण घाईत घोटाळे करू नका हो! नाही, तुमच्याच वयाची सून* गप्पा टप्पा करायला मिळाली तर तुम्हाला आवडेल हे माहित आहे, पण प्रभ्याला ती म्हातारी नाय होणार? जरा त्याचा विचार पण करा!! ;-) आणि हो, एकवेळ प्रभ्याचा बळी दिला तरी चालेल पण आमच्यावर दया करा! :P (* सर्व काकवांना मी बिपाशा बासू इतक्या तरण्या असे म्हणालो आहे याची नोंद घेणे. इतर वाक्यांचा विपर्यास करू नये! ;-) )

श्रावण मोडक बुधवार, 28/09/2011
प्रभ्या नायल्यापासून सावध रे. "तुमच्याच वयाची सून* गप्पा टप्पा करायला मिळाली तर तुम्हाला आवडेल हे माहित आहे. पण प्रभ्याला ती म्हातारी नाय होणार?" हे वाक्य "* सर्व काकवांना मी बिपाशा बासू इतक्या तरण्या असे म्हणालो आहे याची नोंद घेणे" या स्पष्टीकरणासोबत वाच. 'म्हातारी' आणि 'तरण्या' या शब्दांवर अशी कसरत मुरलेली आणि स्वहितप्रधान मंडळीच करू शकतात. तो तुलाही चुचकारतोय (बियर वगैरेची सोय) आणि त्या काकवांनाही (नंतरच्या चिकनची सोय) खुश ठेवतोय. ;)

श्रावण मोडक बुधवार, 28/09/2011
प्रभोला अशी मुलगी बहुदा पसंत व्हावी. काळीसावळीच आहे, पण स्मार्ट आणि कर्तबगार आहे. शिवाय अलिकडे सिंगल आहे असे ऐकते आहे.
अलिकडे सिंगल आहे हे ठीक. पलिकडे? ;)

चित्रा बुधवार, 28/09/2011
माहिती काढू पलिकडली. नीट माहिती काढल्याशिवाय लग्न नाही करून द्यायचं. बाकी निळेला इस्ट कोस्टाच्या काकवांच्या वयाची का उठाठेव? जब मियां बिवी राजी तो क्या करेगा काजी.

सानिकास्वप्निल मंगळवार, 27/09/2011
मस्तचं :) आत्ताच चिकनची तंगडी उचलून खावीशी वाटत आहे :)

सोना-शार्वील बुधवार, 28/09/2011
झकास! पण नवरात्र चालु झाले ना, दसरा झाल्यावर नककी करेन.

सविता बुधवार, 28/09/2011
ते त्या चिकन ला जरा सुरी ने चिरा दिल्या असत्या तर मॅरिनेट कमी वेळात आणि अजून जास्त चांगले मुरेल असे वाटते. काहीसे असे बाकी पाकॄ मस्त! फोटो जालावरून साभार!

रेवती बुधवार, 28/09/2011
तुमचं बरोबर आहे तै! आमचं पोरगं जरा नवीन आणि लहान आहे अजून्.........तेवढं सांभाळून घ्या!;) पुढच्यावेळी तो सुरीने चिरा देईल्........चिकनला..........देशील ना रे प्रभो? असंच वागत राहिलास तर माहेरी काही शिकवलय की नाही असं वाटायचं!