कारवाई

मी आजपर्यंत मिपाचे प्रत्येक धोरण लक्षात ठेवूनच लिखाण करत आलोय. मी कोणावरही कोणत्याही लेखात अथवा प्रतिक्रीयेत वैयक्तिक टीका केलेली नाही. त्याउपर काही चुकले असल्यास उदाहरण द्यावे म्हणजे पुढे काळजी घेता येईल.

आंगाआश्शी... यांनी पार वावरं उलगावली हायत. सरपंच यान्ला पहिल्यांदा कोंडवाड्यात घाला. बाया पाहिनात का माण्सं पाहीनात. तिज्यायला. एक सदस्य म्हणुन माह्यावाला पाठींबा.

अशी कारवाइ करावी लागावी ह्याचं वाइट वाटतय. कारवाइ केलिये हे इथे जाहिर करण्याचं काय प्रयोजन असेल बुवा? --मनोबा

जो हुआ ठिक नही हुआ किसीको अस बेदखल करायला नको मुआफ कर दो और जो हुआ उसे भुलकर नया सिरेसे चालू करो छोड दो यार ! जिंदगी खत्म व्हायला एक पल नाही लागत तिथ तुम्ही आठ दिनांची बात करता ठिक नाही लगता

माझ्यावर केलेली कारवाई पक्षपातीपणाची होती असे मला वाटते असा खुलासा मी करू इच्छितो. कुठले वर्तन असभ्य होते? याप्रश्नाला मला व्यवस्थापनाकडून कुठलेही उत्तर आजवर आलेले नाही. जाहीर धागा काढून कुणावर असभ्यतेच्या ठपका ठेवला जातो तेव्हा किमान तो दावा सिद्ध तरी करावा अशी अपेक्षा वाजवी पेक्षा जास्त नसावी. मिपावरील एक विद्वान सदस्य 'निनाद मु.पो....' यांच्या "विद्वत्तापूर्ण" प्रतिसादांना उत्तर देताना मी सभ्यतेचे उल्लंघन केले असे मला मोघम सांगण्यात आले. म्हणुन मी माझे प्रतिसाद जाऊनन तपासले असत त्यात मलातरी कुठला प्रतिसाद असभ्य होता हे कळाले नाही. मिपावरील दुसर्‍या एका विद्वान सदस्याने माझ्या एका प्रतिसादाबाबत नोंदवलेला आक्षेप आढळला. पण त्या प्रतिसादात मी वापरलेले शब्द तर मिपावर रोज वापरले जातात असे त्या शब्दाचा शोध घेता आढळले(दुसर्‍याच दिवशी, क्रिकेट संबंधीच्या एकाच धाग्यावर तोच शब्द इतक्यावेळा वापरला गेला आहे, की मिपावरतरी त्या शब्दाच्या वापराला असभ्य समजत असावेत असे वाटत नाही.) आणि जरी तो प्रतिसाद असभ्य होता असे मानले तरी, आमच्यावर कारवाई होउन अनेक तास लोटल्यानंतरही तो प्रतिसाद तसाच होता. म्हणजे तो प्रतिसाद नसावाच! बाकी अजुन एका शोधात मी वापरलेल्या शब्दांपेक्षा कित्येक असभ्य प्रतिसाद मिपावर सदस्यांनी, अगदी व्यवस्थापनाच्या काही सदस्यांसमवेत, सापडले. कारवाई तर सोडाच ते संपादितही झालेले नाहीत म्हणजे हे असभ्य शब्दांचे जे काही नियम आहेत ते माझ्याच बाबतीत कठोर करण्यात आले असे म्हणायला मला वाव आहे. त्याशिवाय, इतर अनेकवेळा, व्यवस्थापन सदस्यांवर कारवाई करायच्या अगोदर 'वॉर्निंग' देते अशी ग्वाही व्यवथापनाने दिलेली मिपावरील इतर कारवायांसंबंधित धाग्यात मी वाचलेली आठवते. अश्या प्रकारची कुठलीही वॉर्निंग मला कारवाई अगोदर देण्यात आलेली नाही. कारवाई करण्यात दाखवलेली तत्परता आणि आठ दिवसांची कारवाईची मुदत संपूनही खाते अनब्लॉक करण्यात दाखवलेली 'तत्परता' माझ्या पक्षपातीपणाच्या दाव्यास सुसंगतच आहे. माझ्यावर कारवाई करुन इतरांना सुचित करण्याचा प्रकार म्हणजे, मला 'बळीचा बकरा' करण्याचा प्रकार आहे असेच माझे मत यामुळे झाले आहे. त्याशिवाय, मिपावरील व्यवस्थापकांचा माझ्या सभ्यासभ्यतेचे परिक्षण करण्याइतका वावर आहे का नाही हे स्वतःच्या पुष्कळ वावराने मला ठावुक आहेच. काही संपादकांच्या दाखवुन दिलेल्या चुकांमुळेही माझ्यावर कारवाई करण्यास विशेष इंटरेस्ट निर्माण झाला असु शकतो असे मला वाटते. असे नाही असे मात्र व्यवस्थापनातर्फे मला सांगण्यात आले आहे. असो. माझा हा खुलासा जर संपादीत झाला तर पक्षपातीपणाच्या माझ्या दाव्यांना दुजोराच मिळेल. मात्र, मूर्खांमुळे माझ्यासंबंधित काहीतरी घडावे, मग ती कारवाई का असेना, ही जाणीव आनंददायक नक्कीच नाही. तस्मात, इथुन पुढे मिसळपाववर किती सहभाग ठेवावा याबाबतीत मी साशंक आहे. तरी कमी झालेला सहभाग कुणी असभ्य वर्तनाची कबुली मानू नये म्हणून हा खुलासा. तळटीपः सदर प्रतिसाद सभ्यतेच्या गाळणीतून गाळून मगच प्रकाशित केला आहे याची कृपया नोंद घेणे अन्यथा असभ्य म्हणून संपादित व्हायचा! अर्थात, आमच्यावर सदर कारवाई केल्यामुळे आम्ही मिसळपावावरुन ब्यान झालेल्या थोर हुतात्म्यांच्या पंगतीत जाउन बसू शकलो याबद्दल मिसळपाव व्यवस्थापनाचे तहेदिलाने आभार मानतो.

जेव्हा असे जाहीर धागे काढून आरोप केले जातात तेव्हा स्पष्टीकरण पण जाहीरच असावे अशी माफक अपेक्षा. वर माझेही नाव आलेले आहे कोठेही कोणावरही वैयक्तिक चिखलफेक केलेली नसताना. पहिल्याच प्रतिसादात किमान एक उदाहरण दाखवा असे लिहीले होते पण बहुधा सापडले नसावे कारण मी प्रत्येक लेख व प्रतिसाद मिपाची धोरणे लक्षात ठेवून पूर्ण विचारांतीच लिहीलेला असतो. तसे पहिल्या गेले तर हा धागाच एक वैयक्तिक चिखलफेक आहे उपरोल्लेखित सदस्यांवर. मला कोणाच्या काडीचेही तथ्य नसलेल्या आरोपांनी फरक पडतो असे नाही. तसेच मला स्वत:ला निर्दोष सिद्ध करायचीही गरज वाटत नाही. पण हे तत्वत: चूक आहे एवढेच नमूद करू इच्छितो.