उपाय सुचवाल ?

नानाला विचारा !! बरेच बोके आणि नख काढण्यार्‍या मांजरी सरळ केल्यात त्याने ;)

गाडीच्या प्लॅस्टिक अंथरुन त्यावर फेव्हिकॉल लावुन ठेवा आणि कव्हर टाका. बोका त्यावर बसला कि त्याला चिकट चिकट काहीतरी जाणवेल. मग तिथुन निघुन तो जिथे बसेल, तिथे चिकटुन राहिल. शिवाय पुन्ह कधी बसायाला/झोपायला येणार नाही , बाईकवर!

हरकत नाही. एकदा शेजार्‍याला सडकून बघा. ;)

तुम्ही मांजर पाळा ;)

गाडी विका.

कव्हरखाली पाण्याने भरलेले दोन टब ठेवत चला सीटवर. आठवडाभर असं केल्यावर बोका फिरकणार नाही याची खात्री बाळगा.

एक दिवस पाण्याची बादली घेवून लपून / दबा धरून बसा. बोका येउन गाडीच्या कव्हरमधे जाऊन झोपला, की हळूच पुढे जाऊन एका हातानी त्याला कव्हरमधेच जाम धरून ठेवा, आणि दुसर्‍या हाताने बादलीतले पाणी त्याच्या अंगावर ओता. :) :) :) सलग २/३ दिवस हाच नित्यक्रम चालू ठेवा. मग परिणाम पहा.

पहिले गाडीला कवर घट्ट बांधा जेणेकरून बोका आता शिरणार नाही. त्यानंतर गाडीच्या टाकीवर आणि सीटच्या भागावर,दुधवाले दुधाच्या पिशव्या ठेवायला वापरतात तसल्या लाम्बुकळे टाक्या पाणी भरून ठेवा. बोका पाण्यात बसूच/ झोपू शकणार नाही ! करून तर पहा !

कुत्रा पाळा.

वरील प्रमाणे जलतत्वाचे उपाय करून झाल्यावर दुसर्‍या दिवशी सकाळी गाडीवर बसण्यापूर्वी रेनकोटची पँट वापरायला विसरू नये. नाहीतर बोक्याच्या ऐवजी आपलीच फजिती व्हायची :) हलकेच घ्या ... :)

प्रकाटाआ

वाचनीय धागा पुढच्या भागाच्या प्रतीक्षेत

डांबर गोळ्या ठेवा,(napha balls/ odonil)

शेजार्याला एकदा बोच्कारा !!!!!!!!!!!!!!!

तुमच्या गाडीचे कवर एकदा त्यांच्या गाडीला घाला

अ)गाडी साईड स्टँडवर लावा. बोका पडेल. किंवा ब)बोक्याची नखे कापा.

चुचु पण डु आय डी घेऊन आली आहे की तिने ******क धाग्यांचे क्लासेस चालू केले आहेत? (नाहीतरी बुटिक, किराणा मालाचे दुकान नि हाटेलाचे दिवाळे काढल्यावर काही नवा रोजगार चालू केल्याचे ऐकिवात नाही.) हल्ली अशा धाग्यांचे प्रमाण बरेच वाढले आहे असे निरीक्षण आहे.

>>गाडीवर कव्हर टाकणे अत्यावश्यक आहे. (नाहीतर पेट्रोल गायब) हे कव्हर असे कसे काय आहे? कव्हरला कुलूप देखील लावता येते हे माहीत नव्हते. असो. बोक्याला मांजरीचे आमिष दाखवून पार्लर मधे घेऊन जा आणि (त्याची) सगळी नखे कापून घ्या.

असे करा... तुम्ही एकदा शेजार्‍याचा पलंगावर जावुन झोपा.

हे कव्हर असे कसे काय आहे? कव्हरला कुलूप देखील लावता येते हे माहीत नव्हते. आणि समजा जर कव्हरला कुलूप असेल तर बोका कसा आत घुसु शकतो?? Point to be noted mylord. आणि हे लिहीता लिहीता सुचले कि,एखादे कुलूप वाले कव्हर मिळत असेल तर बघा.

१) बोक्याच्या गळ्यात घंटा बांधा.. त्यामूळे बोका आलेला कळेल.. २)पहारा करा ३) नेमबाजी शिकुन घ्या..बोक्यावर दगड मारायला उपयोग होइल ४) "बोक्या सातबंडे" चा सल्ला घ्या... ;)

पाहुन मन व्याकुळ झाले.गाडी पार्किग करण्यासाठी जागा नसताना कशासाठी गाडी घेतलीत? सदर शेजारी देखिल सरकारी निवास्थानात राहत असेल तर सरकारी निवास्थानात पाळीव प्राणी पाळता येतात का ह्याची चौकशी करा. बोक्याचा त्रास होत असेल तर पाजंरपोळात जावुन तक्रार करा व बोका पकडुन नेण्याची व्यवस्था करा.तसे नसेल तर बोका पकडुन खाणारे लोक तुमच्या गावात/शहरात कुठे राहतात ह्याचा शोध घ्या व त्याना सुपारी द्या.

एक काम करा... उद्या संध्याकाळी भेटा. मी चार पाच मैतर गोळा करतो आमचे मिपावाले. त्यांना घोट घोट पाजा.. बोका आणि बोक्याचा मालक दोघांचा त्रास संपवतो. वेळ पडली तर तुमचा पण अवतार संपवतो ;)

तिथे पुपा लावा ' बोक्यांना बसायला सक्त मनाई आहे. बसल्यास **वर चटके देण्यात येतील (हवा काढण्यात येईल या धर्तीवर).(चटके कसे द्यायचे त्यासाठी वेगळ्या धाग्याचे पैसे पडतील). बोका जर साक्षर असेल तर तुमचा प्रश्न तडीस जाईल.

त्या बोका पकडुन न्या म्हणण्याचा अवकाश लगेच येवुन जाळे लावुन जातात. पारधी लोक देखिल बोके पकडुन नेतात.

यावरून नरेशकुमारांचा 'बायकोला काय भेटवस्तू द्यावी' धागा आठवला. त्यांनी प्रत्येक सल्ल्याला भिरकावलं होतं तसेच हे 'उगाच काहीतरी' पण करत आहेत.. बाकी, अशा धाग्यांकरता मालकांनी खिशातले (पदरचे पैसे म्हटलं नाहीय) पैसे खर्चून खफची सोय केली आहे असं ऐकिवात आहे.. खरं खोटं नीलकांत जाणे.

पुढील उपाय करून पहा उपाय एक : १) एक टोपली घ्या. २) नंतर एका बाजूने टोपली उचलून ती एका काडीच्या सपोर्टवर उलटी ठेवा. ३) अशा एका काडीच्या सपोर्टवर असलेल्या उलट्या टोपलीत एका बशीत दुध ठेवा. ४) काडीला दोरा बांधा आणि त्या दोर्‍याचे दुसरे टोक पकडून लांबवर लपून रहा. ५) बोका दुध प्यायला आत शिरला की त्या दोरीने काडी ओढून बोक्याला उलट्या टोपलीत पकडा. ६) नंतर आतमध्ये हात घालून बोक्याकडून थोडे बोचकरून आणि चावून घ्या. या बेसिस वर पोलिसाकडे तक्रार करा आणि शेजारी आणि बोक्याला पोलिसांच्या ताब्यात द्या. उपाय दोन : १) बोका जेथे झोपतो तेथे रोज नवनवीन मांजरीचे चित्र लावा. २) काही दिवसांनी मग बोक्याला ओकं बोकं वाटायला लागेल. मग तुम्हीच मांजराचे कातडे पांघरा. २) बोक्याला वरील कातडे पांघरून भुलवा. (पुढची जबाबदारी तुमची...) उपाय तीन : १) टॉम आणि जेरी मधील जेरीला बोलवा. तो आपोआप बोक्याला बदडेल. २) टॉम आणि जेरी मधील बाकीची कॅराक्टर्स (सिंह, हत्ती, कुत्रा वगैरे...जे जेरीचे मित्र असतात) त्यांना बोलवा आणि त्यांचे बोक्याशी भांडण लावून द्या. ३) ट्विव्टी बर्ड ला बोलवा. उपाय चार : तुम्हीच एक बोका पाळा. त्याचे वरील बोकाळलेल्या बोक्याशी भांडण लावून द्या. तुमच्या बोक्याला वरील बोक्याची झोपायची जागा allocate करा आणि मजा पहा.

सीटला, टाकीला ओरखडे पडले /पडतात. याचा अर्थ बोका एकटा झोपत नाही.टाकीवर पुरेशी पकड (ग्रीप)न मिळाल्याने ओरखळे उठतात. काही दिवसानी ओरखळ्यांची नवलाई संपली की तो गपगुमान झोपून राहील. या बाबतीत दुय्यम स्वरुपाचे असे काही प्रश्न मनात येतात. तो झोपण्यापूर्वी वेगवेगळे आवाज काढतो का ? तसे असेल तर प्रकरण नविन आहे. आवाज नसेल तर भाटी जुनीच आहे असे समजा. सिटवर सकाळी केस मिळतात का ते बघा. कदाचीत भाटी येत नसेल पण बोका दाढी करत असेल .केस आढळले नाहीत तर तो बोका नसून भाटी आहे असे समजा .भाटी बोक्यापेक्षा वस्ताद असते आणि तिची नखे तिक्ष्ण असतात. नखांवरून भाटी आहे की बोका ते समजते. अंगपरीक्षा करावयाचा प्रयत्न करू नये.काहीवेळा गळ्यापर्यंत उडी मारून जुगुलर का काहीशा नावाची नस पकडते.जुगुलरचा आणि जुगण्याचा काही संबंध नाही.त्या नसा वेगळ्या . त्यांची नावे एखाद्या हुशार विद्यार्थ्याला विचारावी. पराचा अभ्यास बरा आहे असे म्हणतात बॉ. पूर्वी धम्याला पण मांजरी पाळण्याचा षौक होता म्हणे. पण त्याला नोकरी लागली .त्याखेरीज मिपावर एक कृष्णमार्जार प्रेमी नावाचा मुलग्या आहे. त्याला विचारा. तूर्तास त्या मार्जारावर लक्ष ठेवा . ते आत झोपले की वरून मच्छरदाणी घाला. नंतर सिटवर (गाडीच्या ) पाणी ओता. हे पाणी ओतण्यापूर्वी कोसला नावाची एक कादंबरी वाचा. त्यात मांजर हाकलण्या/पकडण्यासाठी एक आख्खा धडा आहे. ह्या धड्यामुळे ते लेखक अजूनही बोक्यासारखी मिशी ठेवतात. हां तर मी सांगत होतो ते पाणी ओतण्यासाठी .पाणी ओतले की कुत्र्याचा पण मूड जातो.पूर्वी असं काही आमच्या घराच्या समोर असं काही आलं की आमचा गडी पाणी ओतायचा ते आठवलं. हां तर मच्छरदाणी. काळ्या रंगाची नको. फार पूर्वी गिरणगावात एकाच रुम मध्ये दोन कुटुंब राहयची तेव्हा काळ्या मच्छरदाणीचा वापर केला जायचा. मांजराला संकोच नसतो. त्यामुळे पांढरी वापरली तरी चालेल. पाणे ओतल्यावर मार्जार बाहेर येईल .त्याची नखे मच्चारदाणीत अडकतील .मग मच्छरदाणीमें मांजर. त्यानंतर पुण्यात असाल तर लकडीपुलावर जा. लकडीपूल माहीती नसेल तर मिपावर एक लेख आला होता लकडीपूलाचा तो वाचा. तो वाचल्यावर तुमच्या लक्षात येईल की दुचाकी वाहनाला प्रवेश नाही. नो प्रॉब्लेम तुम्ही सरकारी नोकर आहात. तुम्हाला कोणीच प्रश्न विचारणार नाही. तुम्हाला प्रश्न पडला तर तर ....मिपावर पुढचा धागा टाका.

त्या बोक्याला मुरक्कू द्या खायला... संदर्भ : http://www.misalpav.com/node/13560#comment-220153