मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

नेहमीसारखेच - ३

मिसळलेला काव्यप्रेमी · · जे न देखे रवी...
लेखनविषय:
प्रेमकाव्य
काव्यरस
करुण
नेहमीसारखेच - १ नेहमीसारखेच - २ नेहमीसारखेच - ३ आजही मावळतीला ढग काळवंडले... अगदी नेहमीसारखेच... आजही तुझ्या स्मरणाने डोळे पाणावले... अगदी नेहमीसारखेच... कसे सांगावे तुला गं... रोज पहाटेसह निघतो मी... मला अर्ध्या वाटेवर सोडून... पहाट, सकाळ, मध्यांन्न सगळे जातात परतुनी... पण तरी मी चालत राहतो... तुझ्या शोधात वणवण फिरतो... कुठ जाऊन दडतेस गं... अखेर मी तसाच...शरीर थकवून...घरी परततो... बिछान्यावर अंग टाकून...शुद्ध हरपतो... अन् मग...तू स्वप्नात येऊन विचारतेस.... कुठे असा भटकत होतास वेड्यासारखा...कधीची वाट पाहतेय... तेही नेहमीसारखेच....अगदी नेहमीसारखेच.... |- मिसळलेला काव्यप्रेमी -| (०९\०३\२०११)
वाचने 2212 वाचनखूण प्रतिक्रिया 5

गणेशा Wed, 03/09/2011 - 12:53
अन् मग...तू स्वप्नात येऊन विचारतेस.... कुठे असा भटकत होतास वेड्यासारखा...कधीची वाट पाहतेय... तेही नेहमीसारखेच....अगदी नेहमीसारखेच.... मस्त एकदम .. कवितेला एकदम वेगळेच वळण लावणार्‍या ओळी

अथांग गुरुवार, 03/10/2011 - 04:01
आज खूप दिवसांनी मिसळपावला भेट दिली, आणि बरेच वाचन केले...पाहुणी बनुन. पण तुमची ही व आधीच्या दोन्ही कविता वाचल्या आणि अभिप्राय दिल्यावाचून रहावेना, म्हणून मग शिस्तीत साईन-इन करुन हे लिहीतेय. फारच छान आहे ओघवती भावना आणि कवितेची भाषासुद्धा ! मुक्तछंदाचा आभास - पण तरीही एका वेगळ्या बंधात गुंतवून ठेवणारी ही कविता. लिहीत रहा, वाचायला आवडेल... -अथांग.