मराठी साहित्य, संस्कृती आणि लेखनाचे व्यासपीठ

गिलक्याचे भरीत

मीरसिका · · पाककृती
गिलक्याचे भरीत कसे करतात ते कोणी सांगू शकेल काय? वांग्याचे भरीत जसे करतात तसेच गिलक्याचे पण भरीत करतात काय?

वाचने 9533 वाचनखूण प्रतिक्रिया 23

जागु गुरुवार, 10/21/2010 - 13:31
अच्छा घोसाळे. मी लावलेल्या वेलीवर सध्या एकतरी रोज घोसाळे मिळते. घोसाळ्याची भजी चांगली होते. मी अजुन घोसाळ्याचे भरीत कधी केले नाही. कुणीतरी लवकर रेसिपी टाका.

नरेशकुमार गुरुवार, 10/21/2010 - 13:38
गिलके वांग्यात भरा. वांग्याचा भरीत करा. झालेल्या भरतातून वांगी वेगळे काढा. उरलेले गीलाक्याचे भरीत सोप्प्पाय. नंतर मला फोने करून खायला बोलावा. नंबर तुला माहितीये.

मनि२७ गुरुवार, 10/21/2010 - 13:45
कृती :- गिलकी अगदी बारीक चिरून घेणे... शेंगदाणे भाजून थोडे जाडसर वाटून घेणे... मग एका भांड्यात तेल टाकणे(तब्येतीनुसार )... जिरे ची फोडणी देणे, त्यात कडीपत्ता , लसून आणि कांदा घालून छान परतणे , कांदा छान गुलाबी झाला कि मसाल्याचे जिन्नस घालून परतवणे.... मसाला तेलात छान भाजायला हवा.. मग त्यात गीलीकीचे बारीक केलेले तुकडे टाकून देणे.. आपल्या आवडीप्रमाणे मीठ आणि किंचित गुळ घालून परतवणे... शेवटी दाण्याचा कुट घालून मस्त पैकी वाफ येऊ देणे... झाल कि गिलक्याचा भरीत... !!! माझी आई अश्या पद्धतीच साध आणि सोप भरीत करते आम्ही हे भरीत ज्वारीच्या भाकरी बरोबर खातो !!! ह्यापेक्षा काही वेगळी कृती असेल तर माहित नाही... हि भाजी म्हणून पण खूप लोक्स करतात... पण आम्ही भरीत असाच करतो बुवा.... :-)

मनि२७ गुरुवार, 10/21/2010 - 13:46
साहित्य :- १ पाव गिलकी (घोसावळे ) भाजलेले शेंगदाणे अर्धा वाटी (अर्धवट कुटून घ्यावे) कडीपत्ता पाने लहान कांदा, लसून ४-५ पाकळ्या ठेचून. जिरे, हळद, तिखट गरम मसाला , मीठ आणि थोडा गुळ( आपल्या आवडत्या प्रमाणात)

मनि२७ गुरुवार, 10/21/2010 - 14:38
@ जागू ताई, खोबर्याचा कधी प्रयोग केला नाही ... पण तेही छान लागेल... @ अवलिया काका, चालायचच हो... निवांत व्हा नाही तर डोळे पाणावतील परत ;-)

कच्ची कैरी गुरुवार, 10/21/2010 - 14:40
माहित अस्लेले भरित ह्याप्रमाणे- साहित्य-गिलके मोठ्या आकाराचे २ कान्दा १ टोमॉटो-१ आलं-लसुण पेस्ट -१चमचा मिरचिच ठेचा १-२चमचे कोथिंबिर तेल जीरं,मोहरी,हलद ,हिंग क्रुती- एका भांड्यात पाणी गरम कर त ठेवावे त्यावर चाळ्णी ठेवावी व त्यावर गिलके वाफवुन घ्यावे. वा फवलेल्या गिलक्यांन मॅश करुन घ्यावे .कढइत तेल गरम करवे त्यात जीर मोहोरि हिन्ग्ची फोड्णी द्यावी , बारिक चिरलेला कान्दा घालवा तसेच टोमॅटो घालावा व चान्गले परतुन घ्यावे नंतर त्यात आलं -लसुण पेस्ट घालावी तसेच मिरचिचा ठेचा घालावा व परतुन घ्यावे व मॅश केलेले गिलके घालावित वएकजीव करुन घ्यावे चविनुसार मीठ घालावे व कोथिंबीरिने सजवावे.

दीपा माने Fri, 10/22/2010 - 00:03
इथे अमेरिकेत झुकिनी म्हणून जी फळभाजी मिळते ती घोसाळ्या सारखीच चवीला लागते. इथे ती नुसतीच कापुन खातात किन्वा सालाडमधे नाहीतर नुसतीच वाफावुन साईड डीश म्हणून खातात. आणखीही क्रुती आहेत.

In reply to by दीपा माने

बेसनलाडू Fri, 10/22/2010 - 02:12
झुकिनी आणि घोसाळे (रिज गोअर्ड/लुफा) या दोन वेगळ्या गोष्टी (भाज्या?) आहेत. मात्र त्यांच्या रंगरूपात साम्य आहे, हे खरेच. चू.भू.द्या.घ्या. (माहीतगार)बेसनलाडू

In reply to by बेसनलाडू

पिवळा डांबिस Sat, 10/23/2010 - 10:29
झुकिनी आणि घोसाळे (रिज गोअर्ड/लुफा) या दोन वेगळ्या गोष्टी (भाज्या?) आहेत. सहमत! झुकिनी कशी एकदम लॅटिन अमेरिकन डार्क पण सेक्सी वाटते... पण घोसाळे? हे एकदम (बेसनलाडूसारखं)डार्क पण देशी वाटतं..... :)

priya_d Fri, 10/22/2010 - 04:26
मीरसिका, आपण लाल भोपळ्याचे जसे भरीत करतो तसेच गिलक्याचेही करतात. गिलके वाफवून किंवा उकडून घ्यावे. थोडेसे निवल्यावर कुसकरुन घ्यावे. त्यात दही , शेंगदाण्याचे कुट, मीठ, चवीला थोडी साख्रर घालावी. तुपाची किंवा तेलाची सुकी लाल मिरची, जिरे, मोहरी, हिंग, कढीपत्ता घालून फोडणी करावी. त्यात बारीक चिरलेली हिरवी मिरची घालावी. ही फोडणी कुसकरलेल्या गिलके-दह्याच्या मिश्रणात घालावी.. थोडी चिरलेली कोथिंबीर घालून ढवळून घ्यावे. झाले भरीत तयार. आवडत असल्यास फोडणीत बारीक चिरलेली किंवा ठेचलेली लसूण घालावी. ह्यात शेंगदाण्याच्या कुटाऐवजी भिजवून जाडसर कुटलेली हरभरा डाळही घालतात. प्रिया

In reply to by प्राजु

मराठमोळा Fri, 10/22/2010 - 04:57
>>घोसाळ्याचे भरीत होते ही माहिती आजच समजली खरं आहे ग प्राजुतै, मला पण आजच समजलं. पण आवडेल कि नाही शंका आहे. वांग्याचं भरीत तांदळाच्या भाकरीबरोबर एकदम झकास लागते. आणि फार आवडते. :) अजुनही न ऐकलेले प्रकार वाचायला मिळाले होते मध्यंतरी एका पुस्तकात. जसे, चिकन/मटणाचे/वाळवलेल्या मास्यांचे लोणचे, पेरुची/काकडीची/कच्च्या केळाची भाजी, वांग्याची, कारल्याची, उकडलेल्या अंड्याची भजी. दुधात शिजवलेली चिकन बिर्याणी. हिरव्या मिरचीची शेंगदाण्याचा कुट घालुन केलेली भाजी (ही विदर्भात करतात), अजुन आठवेल तसं..

चटोरी वैशू Fri, 10/22/2010 - 14:29
आवडली तर बघा... गिलके कापुन घ्या... शेगडीवर कढई ठेवा ...१ टे. तेल टाका... कापलेली गिलके त्यात टाका... झाकुन ठेवा... गिलक्यांना थोडे पाणि सुटेल त्यानंतर झाकण काढुन टाका... तेवा पाणि जसे आटेल तस तसे गिलके मस्त वाफेत शिजेल... मग ते वाफवलेले गिलके... ठेचुन घ्या जसे वाग्यांना करतो.... त्यात हिरवी मिर्चिचा ठेचा घालुन मिक्स करा... मग कढईत थोडे तेल टाकुन जिरे तडतडू द्यावे थोडे शेंगदाणे घालावे.... गिलक्यांचे मिक्स घालवे...चवीनुसार मिठ घालावे... थोदि कोथिंबिर घालवे .. दणदणीत वाफ आणावी.... झाले गिलक्याचे भरीत तय्यार....