करायला अतिशय सोपा, सुटसुटीत व चविष्ट पदार्थ! साहित्य : उकडलेले छोले २ वाट्या (आदल्या रात्री भिजवून - दुसर्‍या दिवशी मिठाच्या पाण्यात कुकरमध्ये व्यवस्थित शिजवून घेणे) १ मोठा कांदा - बारीक चिरून २ टोमॅटो - बारीक चिरून चिरलेली कोथिंबीर फरसाण बारीक तिखट शेव तिखट बुंदी, तिखट दाणे (पर्यायी) चाटमसाला तिखट लिंबाचा रस (पर्यायी) हिरवी (पुदिन्याची) व चिंचेची चटणी दही (पर्यायी) पुदिना चटणी : पुदिन्याची पाने, कोथिंबीर, मीठ, साखर, मिरची (पर्यायी) एकत्र मिक्सरमधून काढणे. चिंचेची चटणी : चिंचेचा कोळ, गूळ, मीठ, तिखट एकत्र करावे व व्यवस्थित मिसळावे. कृती : उकडलेल्या छोल्यांना प्लेटमध्ये घालावे. त्यावर वरील सर्व साहित्य एकेक करून घालत जावे. व्यवस्थित मिसळावे. ताबडतोब फडशा पाडावा. इतर पर्याय : छोल्यांऐवजी हिरवे मूग, चवळी असे पर्यायही वापरता येतात. सर्व तयारी केल्यास अतिशय झटपट होणारा, पोटभरीचा व रुचकर असा हा पदार्थ.