कोलंबीचे लोणचे

कोलंबीचे लोणचे साहित्य १/४ किलो कोलंबी १ टी स्पून तिखट १/४ टी स्पून हळद १/४ टी स्पून मेथी पावडर १ टी स्पून मोहरीचे कुट १/४ टी स्पून हिंग २ टी स्पून आलं, किसून १/२ टी स्पून मोहरी २ टी स्पून विनेगर १ टे. स्पून तेल मीठ चवी प्रमाणे कृती कोलंबी साफ करुन त्याला हळद आणि तिखट लावून अर्धा तास मुरवत ठेवा. कोलंबी मुरली की एका भांड्यात तेल गरम करत ठेवा. तेल चांगले तापले की त्यात मोहरी टाका. मोहरी तडतडली की त्यात आल्याचा किस घालुन १ मिनिट परता. मोहरी कुट, मेथी पावडर, हिंग घाला. विनेगर घालून ढवळा. कोलंबी घालून झाकण ठेवा. ३-४ मिनिटानी ढवळून आचेवरुन खाली उतरवा. चवी प्रमाणे मीठ घाला. गार झाल्यावर कोरड्या बाटलीत भरुन फ्रीज मधे ठेवा. ८-१० दिवस छान टिकते. आमच्या कडे २ दिवसातच संपते.