रुतावे कुठे

जयवी जे न देखे रवी...
न काट्‌यास कळले सलावे कुठे रुतावे कुठे अन्‌ दुखावे कुठे विषाला अता या उतारा नको कळे पूर्ण त्याला भिनावे कुठे बरसता जमावे तळे लोचनी असे पापण्यांनी झरावे कुठे उरी वेदना, हास्य गालावरी अशा सोसण्याचे पुरावे कुठे तिरस्कार झेलून थकलो अता अशा गुंतण्याचे निभावे कुठे तुझे चांदणे गोंदले या नभी निशेच्या नशेने वहावे कुठे सुरांनी तुझ्या कोसळावे पुन्हा असे श्वास द्यावे नि घ्यावे कुठे अवेळी कसा लोपला सूर्य हा रित्या अंबराने लपावे कुठे जयश्री अंबासकर
वर्गीकरण
लेखनविषय:
13 टिप्पण्या 2,385 दृश्ये

Comments

चेतन नवीन

मस्त गझल जमलेयं सुरांनी तुझ्या कोसळावे पुन्हा असे श्वास द्यावे नि घ्यावे कुठे हे खासचं न काट्‌यास कळले सलावे कुठे रुतावे कुठे अन्‌ दुखावे कुठे हे जरा वेगळ वाटलं :? चेतन
बिपिन कार्यकर्ते नवीन

सुंदर.... बरसता जमावे तळे लोचनी असे पापण्यांनी झरावे कुठे आयुष्यात असे 'शोल्डर टू क्राय ऑन' मिळणे ही फार भाग्याची पण तितकीच दुर्लभ गोष्ट आहे. बिपिन कार्यकर्ते
अजिंक्य नवीन

छान गझल. आवडली. पुढील लेखनासाठी शुभेच्छा. अजिंक्य.
मनीषा नवीन

उरी वेदना, हास्य गालावरी अशा सोसण्याचे पुरावे कुठे सुरांनी तुझ्या कोसळावे पुन्हा असे श्वास द्यावे नि घ्यावे कुठे सुरेख !!!
प्राजु नवीन

फारच सुंदर!! बरसता जमावे तळे लोचनी असे पापण्यांनी झरावे कुठे उरी वेदना, हास्य गालावरी अशा सोसण्याचे पुरावे कुठे मस्त! - प्राजक्ता http://www.praaju.com/
प्रा.डॉ.दिलीप बिरुटे नवीन

उरी वेदना, हास्य गालावरी अशा सोसण्याचे पुरावे कुठे आणि अवेळी कसा लोपला सूर्य हा रित्या अंबराने लपावे कुठे सुंदर.....!!!
उन हशरतोंसे कह दो कही और जा बसे इतनी जगे कहा है दिल दागदार में !!
सागरलहरी नवीन

प्रतिक्रियेला कुठ्ल्या २-४ पंक्ती घेताच येईनात अ़ख्खी गजलच फार छान आहे. तरी हे.. विषाला अता या उतारा नको कळे पूर्ण त्याला भिनावे कुठे .. फारच खोल आहे... ज्याला दंश झाला त्याला कळेल... सागरलहरी.
ऋषिकेश नवीन

मस्त गझल ऋषिकेश ------------------
राघव नवीन

निव्वळ क्लास!! खूप आवडली गझल. तुमची शब्द निवड अन आघात यांचा तोल सांभाळण्याची कला खासच आहे. त्यातही आज प्रकर्षानं जाणवली! :) खूप खूप शुभेच्छा!! राघव
मिसळभोक्ता नवीन

"रुतावे" हा विडंबनकारांना आव्हान देणारा शब्द वापरल्याबद्दल अभिनंदन ! मी फक्त सुरुवात करून देतो, बाकी इतरांची मर्जी. न शाळेत जाता, पळावे कुठे *तावे कुठे, अन *गावे कुठे (संदर्भः शाळांमधील स्वच्छतागृहांची दुर्दशा - एक बातमी) -- मिसळभोक्ता (आमचेकडे सर्व प्रकारच्या आनंदांवर विरजण घालून मिळेल.)