मत्सर ...

विशाल कुलकर्णी जे न देखे रवी...
चांदण्याने ओंजळ भरली चंद्र नयनी सामावला मत्सराने धुमसणारा, तो... सुर्य सखे मी पाहीला पसरले पंख मयुराने उन्मुक्त सुखे तो नाचला थांबला नभी खगराज पाहता नर्तन कोमेजला विठ्ठल विठ्ठल निनाद पंढरी भागवतींचा हर्ष गर्जला कमरेवरती हात ठेवूनी विठू सावळा हिरमुसला तुझे आहे ते तुझ्याचपाशी हेवा मना हवा कशाला? तुझ्यासारखा तुच राजा मत्सर का मनी आला ? विशाल. ०२/१२/२००९
वर्गीकरण
लेखनविषय:
10 टिप्पण्या 2,415 दृश्ये

Comments

ज्ञानेश... नवीन

कविता आवडली. आणि त्यातला मेसेजही. विठ्ठल विठ्ठल निनाद पंढरी भागवतींचा हर्ष गर्जला कमरेवरती हात ठेवूनी विठू सावळा हिरमुसला हे समजले नाही. विठू का हिरमुसला?
प्रा.डॉ.दिलीप बिरुटे नवीन

विठू का हिरमुसला? असो, तरीही कविता आवडलीच. -दिलीप बिरुटे
मनीषा नवीन

विठू का हिरमुसला? मला वाटतं, हर्षभराने नाचणार्‍या , गाणार्‍या भक्तांना पाहून-- आपल्याला मात्र २८ युगांपासून एका विटेवर नुसते उभे रहावे लागते अशा विचाराने विठू हिरमुसला .. असे असावे .
प्रा.डॉ.दिलीप बिरुटे नवीन

हर्षभराने नाचणार्‍या , गाणार्‍या भक्तांना पाहून-- आपल्याला मात्र २८ युगांपासून एका विटेवर नुसते उभे रहावे लागते अशा विचाराने विठू हिरमुसला .. असे असावे अरे वा ! एकदम पटण्यासारखे. थँक्स.......! -दिलीप बिरुटे
विशाल कुलकर्णी नवीन

धन्यवाद मनीषा ! अगदी हाच अर्थ अभिप्रेत आहे मला. देवाची भक्ती करणं, त्याच्या ठायी सर्वस्व अर्पण करणं यासारखा आनंद, समाधान, त्यातली तृप्ती आणखी कशातच नाही. तो आनंद फक्त भक्तांनाच मिळतो, प्रत्यक्ष परमेश्वरालाही नाही. या भावनेने देवही हिरमुसला. :-) सस्नेह विशाल ************************************************************* आम्ही इथेही पडीक असतो "ऐसी अक्षरे मेळविन!"
प्रभो नवीन

मस्त ..आवडली --प्रभो ----------------------------------------------------------------------- काय सांगावे स्वतः विषयी,आहात तुम्ही सूज्ञ !! एका सारखे एकच आम्ही,बाकी सगळे शून्य !!
३_१४ विक्षिप्त अदिती नवीन

कविता आवडली. मनीषाताईंच्या स्पष्टीकरणामुळे समजायला मदत झाली. अदिती
विसोबा खेचर नवीन

पसरले पंख मयुराने उन्मुक्त सुखे तो नाचला थांबला नभी खगराज पाहता नर्तन कोमेजला वा!