दाल बाफला

तुरीची डाळ १ वाटी हळद, तिखट, मीठ चवी नुसार, (ओल खोबरं एक तुकडा, २ चमचे दाणे, २ कांदे, ४ लसुण पाकळया, १ इंच आले), हे साहित्य मिक्सर मधुन बरिक करून घ्यावे. कोथिंबिर, मिरच्या ४,हिंग, २ बारिक चिरलेला टोमटो फोडणीला तेल जाड दळलेली गव्हाचे पीठ, मोहनासाठी,तेल, साय्,मीठ, चिमुट्भर हळद, आणि सगळे भिजवायला पाणी. तुरीची डाळ कुकर मधे चांगली शुजवून घ्यावी. रगडून घ्यावी. आता कढईत तेल घालून त्यात चिरलेल्या हिरव्या मिरच्या, हिंग टाकून त्यावर मिक्सर मधून काढलेला मसाला घालावा.तो शिजत आला की बारिक चिरलेले टॉमटॉ टाकावे. तेल सुटायला लागले कीतिखट टाकुन शिजवलेली डाळ टाकावी,मीठ हळद चवी नुसार घालून एकजीव करून वरून पाणी घालावे. उकळले की कोथिंबीर घालावी. ही दाल थोड्या वेळाने घट्ट होते त्यामुळे पाण्याचे प्रमाण जास्त राहु द्यावे. आता जाड कणकीत मुठ बांध्ल्या जाईल इतपत तेल घालावे, २ चमचे साय घालावी, चिमुट्भर हळद घालावी. चवी नुसार मीठ घालावे आणि पाण्याने घट्ट्सर भिजवून घ्यावे, त्याचे छोटे छोटे गोळे करून घ्यावे, आता एका जाड तळाच्या भांड्यात पाणी घालुन वर चाळणी ठेवून हे गोळे वाफवून घ्यावेत. आणि थंड झाल्यावर तुपात तळूण घ्यावेत.