'बाटा' रुते..

वरती एका प्रतिसादात काव्याच्या पहिल्या दोन द्विपदींचा संदर्भ लागत नाही असे मत कळले. त्या अनुषंगाने काव्याचे थोडे अर्थ विवेचन द्यावे असे वाटल्याने हा प्रपंच - पहिली द्विपदी - वाच्यार्थ - बाटाचे पायताण रुतते आणि आक्रंदन होते, आता अनवाणी चालण्याचीच पाळी या पुण्यनगरीत आली आहे . गर्भित - भ्रष्टाचाराची सूज अंगावर बाळगणार्‍यांच्या पायांना बाटाचे आरामदायी पायताणही रुतते आणि एकीकडे समान्यलोकांचे आक्रंदन चालू आहे. त्या भ्रष्ट लोकांनी अनवाणीही चालून बघावे. दुसरी द्विपदी - वाच्यार्थ - पायताणातला खिळा सलतो आहे, सतत नवीन पायताण घेणे हीच योजना बनून राहिली आहे. गर्भित - ह्या संपूर्ण व्यवस्थेमधल्या 'आतल्या गोटातल्या' भ्रष्टाचारी लोकांचा (खिळ्यांचा) मनातला सल/दु:ख कोणाला सांगू? कारण ऐकायलाच कोणी नाही. सातत्याने चालणार्‍या रस्ते दुरुस्तीच्या योजनांचा शाप पाठीस लागला आहे. चतुरंग