गूढ कॉस्टींगचे...

ह्म्म्म्म ! बरं बरं... हिशोब करुन सांगतो... थांबा ! क्रमश:

सर्वसाधारणपणे जेवढ्याला पदार्थ मिळतो त्याच्या सरळसरळ निम्माच त्याचा एकूण खर्च असतो आता ह्या हिशोबाने सुरुवात करा. महिन्याचा २ वेळा डबा लावला असेल किंवा खानावळ असेल तर त्याचा खर्च समजा रु. ३००० आहे. तर तुम्ही स्वतः स्वयंपाक सुरु केल्यावर तुमचा वाणसामान, भाजी, मसाले इ. कच्च्या तयारीचा खर्च + गॅस + वाहतूक = साधारण रु.२००० च्या आसपास जात असेल तर तुम्ही फायद्यात आहात(अगदी गेलाबाजार २५०० असेल तरीही फायदाच). शिवाय घरचे अन्न खाल्ल्याने तब्बेत नीट राहील ती वेगळीच. वरच्या पैशांचा सुकामेवा व फलाहार करु शकता! लगेच कॉस्टिंग करु नका दोन ते तीन महिन्यानंतर जास्त अचूक अंदाज येईल. (एका दिवसाचे कॉस्टिंग अवघड जाईल महिन्याची सरासरी सोपी आणी अचूक येते.) (अकाऊंटंट)चतुरंग

वेदश्री जी, कॉस्टींगचा अगदी कीस पाडायचा असेन तर पुढील प्रमाणे वर्गवारी करा म्हणजे छोटेसे बजेटच तयार होईन आणि कुठे किती खर्च करायचा वा वाचवायचा ते पण ठरवता येईन १. मासिक खर्च २. त्रैमासिक खर्च ३. सहा महिन्यांनी येणारा खर्च ४. वार्षिक खर्च १. मासिक खर्च - लाईट बिल - गॅस बिल - टेलिफोन बिल - मोबाईल बिल - क्रेडिट कार्डाचे बिल - पाणीपट्टी - हॉटेल मधे खाण्याचा खर्च - घरभाडे (किंवा प्रॉपर्टी टॅक्स - स्वतःच्या मालकीचे घर असेन तर) - इतर (यात भाज्या, दूध, वर्तमानपत्रे, इस्त्री, किराणा असे गरजेप्रमाणे खर्च वाढवू शकता... २. त्रैमासिक खर्च - विमा पॉलिसीचे हफ्ते - नवीन कपड्यांची खरेदी - एखाद्या कार्यक्रमापोटी येणारा खर्च ( प्रवास, गिफ्ट, इ.) ३. सहा महिन्यांनी येणारा खर्च - विमा पॉलिसीचे हफ्ते - इतर.... (यात तुम्हाला हवे ते खर्च वाढवा) ४. वार्षिक खर्च - यातही तुम्हाला हवे ते खर्च वाढवा) बजेटींगसाठी २-३ एक्सेल शीट्स मायाजालावर उपलब्ध आहेत. त्यांची खरेच मदत होईन तुम्हाला (अवांतर: सखोल कॉस्टींगच्या मागे नका लागू... मोघम बजेट जुळवता आले तरी बरीच बचत होते... असा बंगळुरात मी आल्यानंतरचा माझा तरी अनुभव आहे. आधी मी पण सखोल कॉस्टींग पहायचो... आता नाही :) ) (कॉस्टींगचा विद्यार्थी) सागर

गुगलून काढावे असे कॉस्टिंगमध्ये गहन काहीच नसते. वर लोकांनी खर्च लिहायला सांगितला आहे तेच बरोबर आहे. त्यावरून कॉस्टिंग काढता येईल. (तुम्हाला १ वेळच्या क्ष माणसांच्या जेवणाचे कॉस्टिंग का काढायचे आहे ते कळले नाही. असे कॉस्टिंग करणे फार अवघड आहे कारण कॉमन खर्चापैकी किती जेवणावर झाला याचे अ‍ॅपोर्शनिंग करता येणार नाही) नितिन थत्ते (पूर्वीचा खराटा)

तुम्ही स्वयंपाकात (आणि किराणा आणण्यात, भांडी घासण्यात) जो स्वतःचा वेळ खर्च करताहात, त्याचाही समावेश करा, म्हणजे डबा लावणे स्वस्त आहे, हे कळेल. (शनवारचा अख्हा दिवस गुगलण्यात घालवल्यामुळे त्या दिवसाचाही खर्चात समावेश करा. म्हणजे हाटेलात खाणे परवडेल. इतर अनेक मिपाकरांचा - विशेषतः आमचा - वेळ ह्या काथ्याकुटात खर्च केल्यामुळे फाइव्ह स्टार हाटेलात जेवणे परवडले असते तुम्हाला.) -- मिसळभोक्ता

ग्लोबल व्हीलेज च्या आऊट्सोर्सिंग च्या कॉन्सेप्ट मध्ये असे म्हंटले आहे की तुमची ज्यात कोअर कॉम्पिटन्सी असेल त्यावर्च लक्ष्य द्या. उगाच प्रत्येक गोष्ट स्वतः करण्याचा अट्टहास धरु नका. म्हणजे तुम्ही स्वैपाक जेवढ वेळ घालवता तेवढ्या वेळात तुम्ही ज्यात तज्ञ आहात अशा कामवर लक्ष्य केंद्रीत करा. स्वैपाक ही अ‍ॅक्टीव्हीटी आऊट्सोर्स करा. (ते काम ज्यात तुमची कोअर कॉम्पिटन्सी नाही असे काम करण्यात वेळ आणि कष्ट वाया घालवु नका) असे केल्याने प्रॉडक्ट ची क्वालीटी आणि प्रॉडक्टव्हीटी मेन्टेन करता येते) पास हा शब्द जर इंग्रजी असेल तर नापास हा शब्द कोणत्या भाषेतला आहे

एकट्याच रहात असाल तर बाहेर खाणे/जेवणाचा डबा हे सर्वात स्वस्त पडते. एक बदल म्हणून कधीतरी घरी स्वयपाक करू शकता परंतु एका माणसाकरीता ते कधीच स्वस्त पडत नाही. मी स्वतः १० वर्षे एकटा राहून हे सर्व प्रकार करून पाहिलेले आहेत. ह्याबद्दल माझे निरिक्षण असे. १. एकट्या करीता जरी स्वयपाक करणार असाल तरी ब-याच गोष्टी जमवाव्या लागतात.त्यात बरेच भांडवल खर्ची पडते. जसे गॅस, भांडी, कुकर, ताटे,पॅन,....... २. लागतील म्हणून बरेचसे पदार्थ खरेदी केले जातात जसे साबुदाणा, पोहे, रवा, भाजणी, तांदुळ, गव्हाचे पीठ, मैदा,तुर डाळ्,चणा डाळ,मुग डाळ ........ ३. ह्यातल्या ब-याचशा गोष्टी पुर्ण पणे वापरल्या जात नाहीत. त्या एकतर खराब होउन वाया जातात, वा तशाच पडून राहून शेवटी फेकून दिल्या जातात. ४. हे करून पाहू- ते करून पाहु वगैरे विचार करून बरेचसे मसाले/पदार्थ घेतले जातात जसे पावभाजी मसाला,फिश करी मसाला,पास्ता, .... ह्यापैकी प्रत्यक्षात फारच कमीवेळा ह्यांचा वापर केला जातो. ५. घरीच स्वयपाक आला की मग भांडी घासणे आले, तो खर्च आला. ६. घरात जरी स्वयपाकाचे नाना पदार्थ असतील तरी आळसामुळे वा वेळेअभावी बहुतांश वेळा "मॅगी" वा "ब्रेड-ऑम्लेट" वरच काम भागवले जाते. ७. बहुतांश वेळेला जेवण झाल्यावर स्वयपाक उरतोच व ९०% वेळेला तो फेकुन दिला जातो. ८. चहाला लागते म्हणून मग दुध वगैरे आणले जाते. बहुतांश वेळा हे दुध शिल्लक राहून नासतेच. ९. मुख्य खर्च म्हणजे "वेळ". ह्या सर्व प्रकारात बराच वेळ मोडतो. जसे भाजी आणणे, स्वयपाकाची तयारी करणे, स्वयपाक करणे, जेवण झाल्यावर परत तिथली साफसफाई करणे,भांडी घासणे वगैरे ठिकाणी बराच वेळ वाया जातो. हे सर्व अनुभव घेतल्या नंतर एका माणसाकरीता जेवायचा पर्याय विचाराल तर बाहेर जेवणे हे सर्वात उत्तम.अर्थात जिथे जेवणार असाल ते हॉटेल चांगले असेल हे अपेक्षित. अभिज्ञ. -------------------------------------------------------- पॉझिटिव्ह थिंकिंग....? अजिबात जमणार नाहि.

बजेटींगसाठी २-३ एक्सेल शीट्स मायाजालावर उपलब्ध आहेत. काही दुवा महित आहे का ?

माझ्याकडे आहे बजेटींगसाठी एक्सेल फाईल ! कुणाला हवे असेल तर rj.jain@gmail.com मेल करा ! समाजसेवक ! राजे ;)

समान म्हणजे किरणा सामानच ना?

अभिज्ञ शी सहमत..... अन्न नासाडी हा प्रमुख भाग आहे... पण हा हळू हळू समजतो व टाळता येतो........ त्यामुळे लगेच पहिल्या महिन्यात खर्चाचे एक्सेल मान्डायच्या फन्दात पडू नका..... तसेच टिपिकल पाच पन्नास पदार्थ असलेले ताट विसरा.... सिन्गल आयटम फूड वर लक्ष केन्द्रीत करा, निदान सकाळी तरी... सन्ध्याकाळी पोळी, भाजी, कोशिम्बीर असा थाट्माट कदाचित जमवू शकाल... गेला एक महिना प्रयोगानन्तर मला दुपारच्या डब्यासाठी चान्गली डिश तयार करता आली... १. भात करा.. त्यातच ( रात्रभर भिजवलेली) कुठलीही डाळ टाका, आवश्यकतेनुसार भाज्याही टाका आणि हे सर्व उकडून घ्या. फक्त मीठ घाला.. २. नन्तर दही ( इथे योगर्ट मिळते) घालून दही भात करा... ३. फोडणी गरम करून मिसळा.... २०- २५ मिनिटात डबा तयार होतो..... याचा एक फायदा म्हणजे दुपारी गरम करायला लागत नाही.... गार भात, भाज्या, वरण खाववत नाही मला तरी. ओवनसाठी ऑफिसमध्ये झुम्बड असते.... .. पण हा दही भात असल्याने प्रॉब्लेम नाही... बरोबर गाजर, काकडी, एखादे फळ , लोणचे पुरेसे आहे... डाळ, कडधान्ये भाताबरोबरच स्वाहा होतात... न्यूट्रीशन महत्वाचे आहे, विसरू नका... सकाळी सन्ध्याकाळी चहा घरी असेल( म्हनजे ऑफिसमध्ये नसेल तर) ब्रेड एक दोन स्लाईस... एवढे ब्रेड तुम्ही ऑफिस मध्येही नेऊ शकाल.. हे दिवस भर पुरेसे ठरते.... रात्री उपलब्ध वेळेनुसार पहा.. मला पिठले भात, वरण भात, कढी भात योग्य वाटते.बरोबर एक ग्लास दूध... . ( मालदीव मध्ये बेसन पीठ मिळत नाही... :( .. मी महिनाभर वण वण करत आहे, त्यासाठी .. अजून नाही मिळाले मला :( ...) शक्यतो अन्न नासवू नका... शिजवलेले अन्न पूर्ण सम्पवावे या मताचा मी आहे.. कमीच असावे... पूर्वी खेड्यात अचानक येणारे पाहुणे, साधू, शेवटची गाडी चुकली म्हणून राहिलेले मित्र.. असले प्रकार असायचे म्हणून अन्न जास्त शिजवावे, हे समजू शकते... असे रात्री उरलेले अन्न खायला भिक्षेकरी, कुत्री, गायी असे पर्यायही दुसर्‍या दिवशी खेड्यात मिळायचे व हे अन्न रोजच्या रोज त्यानाच दिले जायचे... पण शहरात ही जास्त अन्नाची परम्परा साम्भाळायची आणि दुसर्‍या दिवशी पुन्हा शिळे अन्न आपणच खायचे , ही मेन्टॅलिटी मला न समजणारी आहे... अचानक आलेल्याला फळे, दूध, बिस्किटे, ब्रेड असे पर्याय असतातच की! आमच्या ऑफिस मध्ये मुलीनी राईस कुकर ठेवला आहे... त्यात दुपारी त्या भात करतात १० ते १५ मिन. लागतात .आणि सॅलड.. बाहेरून फक्त चिकन्/फिश करी आणतात... स्वता स्वयपाक केल्याने खर्च कमी येतो, हे निश्चित आहे... पण हे वाचलेले पैसे फळे आणि दूध यात गुन्तवणे हे भविष्याच्या दॄष्टीनी चान्गले आहे.. ( मी डॉक्टर आहे, पण मी इन्शुरन्स कम्पनीत मेडिक्लेम सेक्शन मध्ये काम करतो... त्यामुळे लोक निरोगी राहण्यात माझा जास्त फायदा आहे.. तेवढेच भविष्यात क्लेम कमी होतील !)

मॅडम, ज्याला डब्यातले जेवण आवडते त्याने कधीही घरी स्वयंपाक करू नये. कशाला करायचा? मी तरी असे कधीही करत नाहीं. कारण भांडी घासणे वगैरे गोष्टी स्वयंपाकापेक्षा भयंकर असतात. तुम्ही नोकरी करत असाल आणि एकट्या रहात असाल तर भांडी घासायला मोलकरीण येणार कधी असाही प्रश्न येतोच. पण डब्यातले जेवण आवडत नसेत तर करावा आपला-आपला स्वयंपाक! तो प्रॉब्लेम नसेल तर आरामात दुसर्‍याने रांधलेले जेवण जेवावे. खर्च हा महत्वाचा मुद्दा नाहीं. ते. रा.

तुमचा पुढचा काथ्याकूट काय असणार त्याचे अंदाज : १. मोलकरीण की डिशवॉशर २. नाक्यावरचा फळवाला की मार्केटयार्ड ३. वरण फोडणीचे करावे की भात फोडणीचा करावा ४. भात करपला तर तो अनुभवांच्या डायरीत नोंदवावा का हिशेबाच्या

त्याच्या पुढचा काथ्याकूट... झुरळ, माश्या, उन्दीर यानी खाल्लेल्या अन्न्नाचे एक्सेल कसे ठेवावे.. ? :)