पुरुषांचेही नियम- ही घ्या उदाहरणे

आज एक खूप फनी फॉरवर्ड आली. त्यात एक ऍटॅचमेंट आहे त्यात लिहीले आहे- "आम्ही स्त्रीयांनी पुरुषांसाठी घालून दिलेले नियम बऱ्याचदा ऐकलेत; आता वेळ आली आहे पुरुषांनी काही नियम करण्याची." पुढे काही नियम आहेत ते भाषांतर करुन त्यातील मासलेदार नमुने येथे दिली आहेत- १. तू जाड झाली आहेस असे तुलाच वाटत असेल तर तू सरळ जाडी कमी करायला सुरुवात करावीस; आम्हाला विचारु नये की, "मी जाड झाली आहे का?" २. डोकेदुखी सलग १७ महिने असेल तर जनरली डॉक्टरला दाखवतात ३. तुला जर काही सांगायचे असेल तर ते कमर्शियल ब्रेकमधे सांगावेस ४. कोलंबसला कोणत्याही दिशादर्शकाची गरज पडली नाही, आम्हालाही ती नसते ५. आम्ही जर विचारले की, "काही प्रॉब्लेम आहे का?" आणि तुझे उत्तर "काही नाही" असे असेल तर आम्हाला काही घेणे नाही. आम्हाला माहिती असते की, तू खोटे बोलत आहेस पण एकदा तू तसे म्हणाल्यानंतर त्या भानगडीत आम्हाला नाक खूप्सायला आवडत नाही. ६. तू जर असा प्रश्न विचारला असशील की ज्याला उत्तर तुलाच नको असेल तर तुला न आवडणारे उत्तर ऐकायची सवय कर ७. आपल्याला जेव्हा बाहेर जायचे असेल तेव्हा खरतर तू जो काही कोणताही ड्रेस घातलेला असशील तो खरच चांगले असतोच. ८. माझा बांधा शेपदार आहे; गोलाकार हा ही एक शेपच आहे. काही U/V-18 ला साजेसे नियम मी अनुवाद केले नाहीत. खरडवहीतून देण्यात येतील. मला खात्री आहे की, मिपाकर पुरुष असे नियम करायला सरसावून पुढे येतील म्हणून आपल्या सेवेसी हे वरील नियम दाखल. फ़्रायडे नाईटला थोडासा विरंगुळा!