Skip to main content

'निवृत्ती'

लेखक विशाल कुलकर्णी यांनी शुक्रवार, 17/07/2009 या दिवशी प्रकाशित केले.
आयुष्याच्या वळणावरचा.. अन्तिम टप्पा सार्थकतेचा! पुर्णतेचा, परिपुर्णतेचा.. शुचितेचा, सुख-प्राप्तीचा.. उन्नतीचा...निवृत्तीचा ! आयुष्याच्या वाटेवरची... सर्वोच्च पावती तृप्ततेची! सुखाची, समाधानाची.. गोडी आगळी कर्तव्यपुर्तीची.. जाणीव सुखाची...निवृत्तीची! मार्ग जिवनाचा, तृप्त मनाचा.. ऐहिकतेच्या विलोपनाचा! भौतिकाच्या निरोपाचा.. पारमार्थिक प्रारंभाचा.. वेध तो अद्वैताचा..अनंताचा! ज्ञानराज माऊली म्हणतसे.. मी वेडा 'सोपान' 'मुक्तीचा'.. हरीने कथिला मज.. मार्ग सुखाचा.. तो एकमेव ...निवृत्तिचा !! विशाल.
लेखनविषय:
वाचने 3884
प्रतिक्रिया 8

प्रतिक्रिया

प्राजु शुक्रवार, 17/07/2009
क्या बात है!! ज्ञानराज माऊली म्हणतसे.. मी वेडा 'सोपान' 'मुक्तीचा'.. हरीने कथिला मज.. मार्ग सुखाचा.. तो एकमेव ...निवृत्तिचा !! सुंदर आहे हे कडवे.. ज्ञानराज, सोपान, मुक्ता आणि निवृत्ती.. सगळेच आले. :) - (सर्वव्यापी)प्राजु http://praaju.blogspot.com/

ठकू शनिवार, 18/07/2009
वाचताना अतिशय शांत शांत वाटत होतं. -ठकू www.mogaraafulalaa.com गुण गावे गाढ वाचे, पाय धरावे बा येकाचे

अनिरुध्द शनिवार, 18/07/2009
छानच 'निवृत्ती' घेतल्येय तुम्ही. कविता आवडली.

पक्या शनिवार, 18/07/2009
सुंदर कविता. समजायलाही सोपी

हवालदार रविवार, 19/07/2009
विशालराव, तरुण वयात एकदम निव्रुत्तिचे वेध का? कविता मात्र एक्दम झक्कास. हवालदार

विसोबा खेचर रविवार, 19/07/2009
सुरेख रे..! तात्या.

विशाल कुलकर्णी सोमवार, 20/07/2009
सगळ्यांचे मनःपुर्वक आभार! काही दिवसांपुर्वी, आम्ही माझे वडील ति. आण्णांची एकसष्ठी साजरी केली, त्यानिमित्त ही कविता केली होती आण्णांसाठी. धन्यवाद ! सस्नेह विशाल ************************************************************* मज पिसे लागलेले सुखांचे गे हलकेच धुके ओसरते आहे...