Skip to main content

पिकलेल्या आंब्याचा मुरांबा.

लेखक रेवती यांनी शुक्रवार, 19/06/2009 या दिवशी प्रकाशित केले.
मिपाच्या सदस्या 'मस्त कलन्दर'ह्यांनी काही दिवसांपूर्वी पिकलेल्या आंब्याच्या मुरांब्याची कृती विचारली होती. माझ्या कृतीबरहुकूम मुरांबा केल्यावर पाक थोडा घट्ट झाल्याने पाककृती मनाजोगी जमली नाही; त्यामुळे इथल्या ग्रोसरी स्टोअरमधे मिळणार्‍या हापूससदृश आंब्याचा मुरांबा करुन बघितला. साखर आणि आंब्याच्या फोडी ह्यांचे प्रमाण बदलून बघितल्यावर हवा तसा मधाळ मुरांबा जमल्यासारखे वाटते. पहा बरे मंडळी! :) साहित्य - आंबे सोलून मोठाल्या फोडी, फोडींच्या दीडपट मापात साखर, साखरेच्या ३०% पाणी (आंबे खूपच रसाळ होते म्हणून, अन्यथा साखरेच्या निम्मे पाणी घ्यावे), ३ लवंगा व थोडा लिंबूरस. कृती - साखर व पाणी एकत्र करून दोनतारी पाक करावा. लगेच आंब्याच्या फोडी व लवंगा घालाव्यात. आंब्याच्या रसामुळे पाक पुन्हा पातळ होइल. मध्यम आचेवर मुरांबा उकळत राहूद्या. मधूनच ढवळायला विसरू नये. आता इतकेच चट द्यायचे आहेत की पुन्हा दोनतारी पाक व्हावा. थंड झाल्यावर पाक आणखी घट्ट होतो हे लक्षात ठेवून थोडी लवकर आच बंद करावी. मुरांबा साधारण कोमट झाला की त्यात पाव चमचा लिंबाचा रस घालावा म्हणजे साखरेचे कण तयार होत नाहीत. पाक फार गरम असताना लिंबूरस घातल्यास पाक कधीकधी कडू लागतो. भरपूर प्रमाणात मुरांबा करायचा असल्यास प्रिझर्वेटिव म्हणून १/८ चमचा पोटॅशियम मेटाबायसल्फेट घालावे. रेवती
वाचने 14738
प्रतिक्रिया 35

प्रतिक्रिया

समिधा शुक्रवार, 19/06/2009
खुप मस्त दिसतोय गं. लगेच खावा वा॑टतोय. समिधा (चांगल्या मैत्री सारखे सुंदर दुसरे काही नाही.)

Nile शुक्रवार, 19/06/2009
संपाद्कः हा पाकृ विभाग बंद करा राव! काय तरास आहे! धागा उघडल्याशिवाय राहवत नाही, उघडल्यावर तर अजुन तरास! आम्ही कसे बसे रामन नुडल्स वर जगतोय इथे. :( (वरील वाक्य आम्हाला पार्सल ने पदार्थ पाठवा असे वाचावे ही कळकळीची विनंती (; )

विसोबा खेचर शुक्रवार, 19/06/2009
रेवती, असेच जर जुलुम करणारे फोटू वरचेवर टाकून जीव ज्ळवणार असशील तर लौकरच तुझे नाव मिपावरून कमी करण्यात येईल. मग खुद संपादक भावजीही तुला वाचवू शकणार नाहीत! :) असो, मुरांबा जबराच! आपला, (मुरलेला) तात्या.

चित्रा शुक्रवार, 19/06/2009
रंग मस्त आला आहे..

सहज शुक्रवार, 19/06/2009
काय रंग आहे! भारी..

परिकथेतील राजकुमार शनिवार, 20/06/2009
मी आधी चुकुन रंगा मस्त आला आहे असे वाचले ;) बाकी मुरांबा फोटोवरुनच चव कळावी इतका जबर्‍या दिसत आहे. º°¨¨°º© परा ©º°¨¨°º© फिटावीत जरा तरी जगण्याची देणी, एक तरी ओळ अशी लिहावी शहाणी... आमचे राज्य

शितल शुक्रवार, 19/06/2009
रेवती, पाककृती एकदम सुरेख.. :) फोटो तर अप्रतिम. :)

यशोधरा शुक्रवार, 19/06/2009
रेवती, कस्सले जबरी फोटो गं! मस्त :)

सोनम शुक्रवार, 19/06/2009
ही पाककृती आणि फोटु छान आहे. :) :) इस मुरंबे ने मार डाला :( येऊद्या अशाच छान छान पाककृती. =D> =D>

टारझन शुक्रवार, 19/06/2009
च्यामारी !! हे सगळे लोकं पुण्यामुंबैत का नाहीत ? एकदा हजेरी लावली असती झिरो मिंटात ..

शितल शुक्रवार, 19/06/2009
>>>>च्यामारी !! हे सगळे लोकं पुण्यामुंबैत का नाहीत ? एकदा हजेरी लावली असती झिरो मिंटात .. म्हणुनच ते साता समुद्रा पार आहेत. कमीत कमी केलेल्या पदार्थाचे फोटो तरी काढायला आणि आम्हा मिपाकरांना बघायला मिळोत म्हणुन. ;)

टारझन शुक्रवार, 19/06/2009
घाबरू नका !! किती दिवस वाचणार आहात .. सात समुद्र पार करून आम्ही तिकडे पोचूच ... मग पहा , नाय मालन्युट्रिशनचे बळी सापडले तिकडे तर !! (प़ळापळ माजवणार मामा कंस) टारझन

मराठमोळा शुक्रवार, 19/06/2009
रेवती तै, काय पण फोटु टाकलाय. एकदम जीवघेणा!!!! पाककलेबरोबर फोटोग्राफीची कला फ्री मधे देतो काय परमेश्वर? सगळेच रोजच छळतात असे फोटो देऊन... :) पाकृ एकदम मस्त!!!! आपला मराठमोळा. कोणत्याही गोष्टीचा ताप येईपर्यंत ठीक असते, पण तिचा कर्करोग होऊ देऊ नये!!

रेवती शनिवार, 20/06/2009
मराठमोळासाहेब, आपली प्रतिक्रिया आवडली. रेवती

शाल्मली शुक्रवार, 19/06/2009
आहाहाहा... क्या बात है!!!! लईच भारी! कधी पुढे-मागे आपण भेटलोच तर तुझ्याकडे बरेच खाद्यपदार्थ उधार आहेत हे लक्षात ठेव बरंका!! :) --शाल्मली.

रेवती शनिवार, 20/06/2009
कधी पुढे-मागे आपण भेटलोच तर तुझ्याकडे बरेच खाद्यपदार्थ उधार आहेत हे लक्षात ठेव बरंका!! कधीही ये, आमंत्रण आहेच! कोणते पदार्थ हवेत ते सांग. रेवती

श्रीयुत संतोष जोशी शुक्रवार, 19/06/2009
मुरांबा झकास दिसतो आहे. एकदम मस्त. हे राज्यं व्हावे ये तो श्रींची इच्छा.

अवलिया शुक्रवार, 19/06/2009
काय बोलु ? शब्दच संपले ! --अवलिया तुझे भास फ़ेनफ़ुले, ओंजळ ही माझी रिक्त खारवले स्वप्न माझे , नि आसवेही अव्यक्त सौजन्य - प्राजु

क्रान्ति शुक्रवार, 19/06/2009
काय मस्त फोटो आहे! अवांतर - डोळ्यांना खिलवून पोट भरणार आहे का? खादाड मांजरी क्रान्ति अग्निसखा

संदीप चित्रे शुक्रवार, 19/06/2009
असं वाटलं की छानपैकी गरम चपाती आणि हा मुरांबा घेऊन बसावं... बास बाकी काही नको :)

श्रावण मोडक रविवार, 21/06/2009
त्या पाकृ टाकून चिडवतात, फोटूही टाकतात. वर तुम्ही चाटून पुसून खाल्ल्याचं लिहून जळवा. पण लक्षात ठेवा, कधीतरी कुठंतरी भेट होईल तेव्हा परतफेड होईल. :)

मस्त कलंदर शुक्रवार, 19/06/2009
माझा मुरांबा पण नंतर चांगला झाला होता.. तेव्हा अधिक काही वाईट वाटून नका घेऊ.. पुन्हा एकदा कृती टाकल्याबद्द्ल धन्यवाद.. या रविवारीच पुन्हा एकदा प्रयत्न करते... पाककृती जमणे नि सुगरणीचं कौशल्य जमणं यात फरक आहे.. नि सरावानं.. नि तुमच्यासारख्यांच्या मार्गदर्शनानं नक्कीच जमेल.. ( सध्या बर्‍याच पोटांना गिनिपिग बनवणारी)मस्त कलंदर.. अवांतरः @टारझण.. जेणला पाठवा.. तिलाही पाककृती बिघडवून लोकांची पोटं कशी बिघडवायची याचं मोफत प्रशिक्षण देऊ.... ;) नीट आवरलेलं घर ही घरचा संगणक बंद पडल्याची खूण आहे!!!!

धनंजय शुक्रवार, 19/06/2009
सुंदर दिसतो आहे मुरंबा.

रेवती शनिवार, 20/06/2009
सर्व प्रतिसादकर्त्यांचे आभार! आपल्या प्रतिसादांनीही पदार्थाची चव वाढत जाते याची कृतज्ञ जाणिव आहे. पुन्हा धन्यवाद! रेवती

स्वाती दिनेश शनिवार, 20/06/2009
मुरांबा झक्कास! स्वाती

लिखाळ शनिवार, 20/06/2009
अरे वा ... फोटो आणि पाकृ एकदम मस्त :) मुरांब्यावर थोडेसे खमंग साजुक तूप आणि गर्रम गरम फुलके... वा वा वा... :) -- लिखाळ. या प्रतिसादासाठी एकदा जोरदार टाळ्या झाल्या पाहिजेत !!! - लिखाळ जोशी :)

मेथांबा सोमवार, 22/06/2009
लिंबु पण पिळायचं खाताना. चव अजुन खुलते. ^^^^ किसान मजूर उठतील, कंबर लढण्या कसतील एकजुटीची मशाल घेउनि पेटवतिल हे रान

नेहमी आनंदी रविवार, 01/11/2009
काय करणार आंब्याचा सिझन गेला ना आता. फोटु पाहुन गप बसाव लागतय. तरि सुद्धा जीभ चाळवली गेली तर दोष कुणाला देणार?