शेफाली जरीवाला हीस हृत्शूल झटका आला. त्यात तिचे निधन झाले. लसबळी? -गा.पै.

जरीवाला नावावरून संजीव कुमार आठवला.

त्यांचेही निधन ४८ व्या वर्षी झाले होते.

मनोरंजन व फॅशन क्षेत्रात काम करणार्‍या लोकांचे भांडवल म्हणजे त्यांची शरीरयष्टी, सुंदरता ई. ई. मग वयाचा प्रभाव दिसु नये म्हणुन ईतर उपाय जसे की शस्त्रक्रिया, काही ठरावीक औषधे घेणे, अगदी द्रवीडी प्राणायाम करण्यासारखे डायट घेणे वगेरे वगेरे प्रकार चालतात. त्याचा मग आरोग्यावर विपरीत परीणाम होतो. शेफाली त्याचीच बळी ठरली. स्पर्धा जीवघेणी आहे. अक्षरशः जीवघेणी. तिच्या आत्म्यास शांती लाभो.

एका अशिक्षित प्रधानमंत्रीला घाना देशाने सर्वोच्च पुरस्कार दिला. अशिक्षित व्यक्तीला मिळालेल्या विभिन्न देशांच्या सर्वोच्च पुरस्कारांची संख्या बहुतेक 25च्या जवळपास झाली असावी.

गेल्या अनेक वर्षांपासून चीनने जगाच्या वेगवेगळ्या भागात आपले हातपाय पसरायचे प्रयत्न चालूच ठेवले आहेत. त्या अंतर्गतच पॅसिफिक महासागरात आपले लष्करी तळ प्रस्थापित करण्यावर चीनचा भर आहे. दक्षिण चीन समुद्रातील चीनच्या दादागिरीचा फिलीपीन्स वगैरे आजूबाजूच्या देशांना त्रास होत आहे. त्यापलीकडे जाऊन दक्षिण पॅसिफिकमध्ये आपले सैनिकी तळ असावेत असा चीनचा प्रयत्न आहे. त्याविरूध्द फिजीचे पंतप्रधान सितीवेनी राबुका यांना आपला आवाज उठवला आहे आणि पॅसिफिकमध्ये चीनच्या लष्करी तळांना विरोध केला आहे. मला कधीतरी फिजीला फिरायला जायची इच्छा आहे. त्यामुळे मी तिथल्या घडामोडींवर मधून मधून लक्ष ठेऊन असतो. ब्रिटिश काळात विविध देशांमध्ये उसाच्या मळ्यांमध्ये काम करायला भारतातून कंत्राटी पध्दतीवर मजूर नेले गेले होते. त्यांच्या कंत्राटाचा कालावधी संपल्यावर बरेचसे मजूर तिथेच राहिले आणि त्यामुळे बर्‍याच देशांमध्ये भारतीय वंशाच्या लोकांची संख्या लक्षणीय आहे. त्रिनिदाद-टोबॅगो, सुरिनाम, मॉरीशस आणि फिजी अशी काही उदाहरणे आहेत. आज फिजीमध्ये एकूण लोकसंख्येच्या साधारण ३०% लोक भारतीय वंशाचे आहेत. तिथे पूर्व उत्तर प्रदेश आणि बिहारमधील बरेच मजूर ब्रिटिश काळात गेले त्यामुळे भोजपुरीने प्रभावित हिंदी तिथे बोलली जाते. दक्षिण भारतातूनही तिथे मजूर गेले होते. आज दक्षिण गोलार्धातील सर्वात मोठे हिंदू मंदिर- शिव सुब्रमण्यम मंदिर फिजीमध्ये आंतरराष्ट्रीय विमानतळ असलेल्या नांदी शहरात आहे. आपल्याकडे तामिळनाडूत हिंदू मंदिरांची जशी बांधकाम शैली असते साधारण तशीच त्या मंदिराच्या बांधकामातही वापरली आहे. नांदीहून २०-२५ किलोमीटर उत्तरेला गेले की लौटोका शहरात एक टिळक हायस्कूल आहे- आणि ते टिळक अर्थातच लोकमान्य टिळक. फिजीमधील मोठ्या प्रमाणावर उद्योगधंदे भारतीय वंशाच्या लोकांच्या मालकीचे आहेत. फिजीची राजधानी सुवामध्ये सगळ्यात मोठा मॉल आहे दामोदर सिटी मॉल . त्यांचाच दुसरे एक शहर लंबासामध्ये पण तसाच मोठा मॉल आहे. फिजीत सगळ्यात मोठी रिटेल चेन आहे आर.बी.पटेल ग्रुपची. राजधानी सुवामध्ये कित्येक भारतीयांची रेस्टॉरंट्स आहेत. तिथले गोविंदा हे शाकाहारी रेस्टॉरंट खूप प्रसिध्द आहे. देशातील फार तर ५% उद्योगधंदे मूलनिवासी फिजी लोकांच्या हातात आहेत असे मध्यंतरी वाचले होते. एवढे सगळे रामायण लिहायचा उद्देश हा की आजच्या फिजीच्या पंतप्रधानांची पार्श्वभूमी. बाहेरून आलेल्या भारतीयांनी उद्योगधंदे-व्यवसायांमध्ये इतके पाय रोवले आहेत आणि भारतीय वंशाच्या लोकांची संख्या इतकी जास्त आहे यामुळे मूलनिवासी लोकांमध्ये अस्वस्थता आहे. १९८० च्या दशकात तर भारतीय वंशाच्या लोकांची संख्या अर्ध्याहूनही जास्त होती. ते १९८७ मध्ये सैन्यप्रमुख होते आणि भारतीय वंशाच्या लोकांच्या विरोधात होते. १९८७ मध्ये निवडणुक झाली आणि सत्तेत आले होते टिमोसी बवादरा हे लेबर पार्टीचे पंतप्रधान आणि त्यांचे उपपंतप्रधान होते भारतीय वंशाचे हरीश शर्मा. या सरकारला राबुकांनी उठाव करून सत्तेवरून खाली खेचले. त्यानंतर भारतीय वंशाच्या लोकांविरोधात मोठ्या प्रमाणावर दंगली झाल्या. त्यानंतर मोठ्या प्रमाणावर भारतीय वंशाच्या लोकांनी ऑस्ट्रेलिया आणि न्यू झीलंडला स्थलांतर केले. त्यामुळे आता भारतीय वंशाच्या लोकांची संख्या तिथे ३०% च्या आसपास इतकी कमी झाली. लष्करप्रमुख म्हणून निवृत्त झाल्यानंतर राबुका पहिल्यांदा उपपंतप्रधान आणि मग १९९२ ते १९९९ या काळात पंतप्रधान पदावर विराजमान झाले. १९८७ मध्ये फिजीत लष्करी बंड झाले तेव्हा भारतात राजीव गांधींचे सरकार होते आणि परराष्ट्रमंत्री होते नारायणदत्त तिवारी. फिजीत झालेल्या प्रकारानंतर राबुकांना धडा शिकवायला रॉने तेव्हाच फिजीत ऑपरेशन सुरू केले होते आणि त्यानंतर आलेल्या सरकारांनी ते चालू ठेवले. शेवटी त्या ऑपरेशनला यश आले १९९९ मध्ये. याविषयी https://www.youtube.com/watch?v=LXqnjptvhu4 हा युट्यूब व्हिडिओ मस्त आहे. पण त्यानंतर राबुकांना अक्कल सुचली असे दिसते. शेवटी जवळपास सगळे व्यवसाय भारतीय वंशाच्या लोकांच्या ताब्यात असतील तर त्यांना दुखावून चालायचे नाही हे त्यांना कळले असावे. तसाही भारतीय वंशाच्या लोकांचा इतरांना कुठेही त्रास नसतो. आपण बरे आणि आपले काम बरे असेच ते राहतात. मग ते असले तर फिजीच्या मूलनिवासींना खटकण्यासारखे खरं तर काही असू नये. २००६ मध्ये राबुका कुठलाशा शस्त्रक्रियेसाठी अहमदाबादला आले होते तेव्हा त्यांनी १९८७ मध्ये लष्करी उठाव केला आणि भारतीय वंशाच्या लोकांना त्रास दिला ही आपली चूक झाली हे कबुल केले. त्यानंतर ते काही वर्षे राजकीय विजनवासात होते पण २०१४ च्या निवडणुकांमध्ये परतले. तेव्हा फिजी फर्स्ट पक्षाचे सरकार स्थापन झाले आणि फ्रँक बेनमरामा पंतप्रधान झाले. हे महाशय २००६ मध्ये फिजीच्या नौदलाचे प्रमुख होते आणि २००६ मध्ये त्यांनी तत्कालीन सरकारविरोधात उठाव करून ते सरकार उलथवले होते. त्याचे कारण २००० मध्ये फिजीच्या संसदभवनात पंतप्रधान महेंद्र चौधरी आणि सगळ्या मंत्रीमंडळाला ओलीस ठेवायचा जो प्रकार झाला त्यातील दोषींना माफी द्यायची तरतूद असलेले एक विधेयक तत्कालीन सरकारने पास केले होते त्याला बेनमरामा यांचा विरोध होता. बेनमरामा पंतप्रधान असताना सध्याचे पंतप्रधान सितीवेनी राबुका विरोधी पक्षनेते होते. २०१७ मध्ये परत एकदा राबुकांनी १९८७ मधील लष्करी उठावाबद्दल माफी मागितली. २०२२ मध्ये राबुका पंतप्रधान झाले आणि मे २०२३ मध्ये त्यांची भारताचे पंतप्रधान नरेंद्र मोदींशी भेट होणार होती त्यापूर्वी काही दिवस पंतप्रधान कार्यालयातून एक प्रसिध्दीपत्रक जारी करून परत एकदा त्यांनी १९८७ मध्ये भारतीय वंशाच्या लोकांना त्रास दिल्याबद्दल माफी मागितली. इंदिरा गांधी पंतप्रधान असताना त्या १९८३ मध्ये फिजीला गेल्या होत्या. त्यानंतर नोव्हेंबर २०१४ मध्ये म्हणजे सत्तेत आल्यावर सहा महिन्यातच नरेंद्र मोदी ऑस्ट्रेलियाला कोणत्या तरी परिषदेसाठी गेले असताना फिजीच्या भेटीवर पण गेले होते. त्यानंतर इंडो-पॅसिफिक काऊंसिलच्या बैठका मधूनमधून होत असतात आणि स्वतः पंतप्रधान त्यात लक्ष घालतात. त्यात फिजीबरोबरच किरिबाती, तुवालू, वानुआतू वगैरे देश सहभागी होतात. चीनच्या वर्चस्ववादाला शह द्यायला हा भाग आपल्यासाठी महत्वाचा आहे. आणि त्या भागात फिजी हा सगळ्यात महत्वाचा आणि बर्‍यापैकी भक्कम अर्थव्यवस्था असलेला देश आहे. तो देश आणि त्यातूनही एकेकाळी भारतीयांचा द्वेष करणार्‍या पंतप्रधानांच्या नेतृत्वातील सरकार असताना चीनविरोधात जात असेल तर ते चांगलेच होईल. २०२२ मध्ये बेनमरामा यांचा निवडणुकीत पराभव होऊन राबुका पंतप्रधान झाले त्याचे वाईट वाटले होते कारण त्यांची पार्श्वभूमी पाहता त्यांच्यावर फार विश्वास ठेवण्यायोग्य ते आहेत का हा प्रश्न होता. तसे नसेल तर ते आपल्यासाठी चांगलेच आहे. अवांतरः १. कधीतरी फिजीमधील २००० आणि २००६ मधील उठावांवर लिहायला आवडेल. २. २०१४ मध्ये हायवे टू सुवा हा फिजी-हिंदी भाषेतील आलेला फिजीत निर्माण झालेला पहिला हिंदी चित्रपण https://www.youtube.com/watch?v=N_cRnae7Nqo वर बघता येईल. ते हिंदी सगळे समजत नाही त्यामुळे सबटायटल बघावे लागले होते. आपल्या चित्रपटांच्या तुलनेत फिजीचा चित्रपट उद्योग किती मागे आहे हे तो चित्रपट बघून कळेल. ३. फिजी बेटे किती सुंदर आहेत हे २०१२ मध्ये आलेल्या टेबल नं. २१ या हिंदी चित्रपटात बघायला मिळेल. त्या चित्रपटाचे शुटिंग फिजीमध्ये झाले आहे. इतर देशातून निर्मात्यांनी आपल्याकडे येऊन चित्रपटांचे शुटिंग करावे यासाठी तेव्हा फिजीच्या सरकारने काही योजना सुरू केली होती. त्या अंतर्गत टेबल नं. २१ चे शुटिंग फिजीमध्ये झाले.

बिग ब्युटीफुल बिल पास झाले. बजेट डेफिसीट बद्दल बोलण्यात सगळे रिपब्लिकन पुढे असतात. पण डेफिसीटचा डोंगर नेहमी रिपब्लिकन उभे करतात. न्यू यॉर्क सिटी महापौर उमेदवार ममदानीला डिपोर्ट करण्याची धमकी ट्रम्प देत आहे. इतकेच काय, त्याच्या बिलावर एकेकाळचा दोस्त इलॉन मस्क टीका करतोय तर त्याच्यावर पण तपास करावा असे ट्रम्प म्हणतोय.

दोन बातम्या ऐकण्यात आहेत १) शी जिन पिंग सध्या दिसेनासे झाले आहेत. त्यांच्या वावर कुठे दिसत नाहिय्ये. चीन चा इतिहास पाहिलाअ तर असे दिसते की शी जिन पिंग हे लवकरच पदावरून पाय उतार झालेले दिसतील. २) मार्क जुकरबर्ग ला ओव्हल ऑफिस मधील एका मिटींग मधून बाहेर घालवून देण्यात आले.

देशभर विविध क्षेत्रात दिवसेंदिवस भ्रष्टाचार वाढतच चालला आहे, तिकडे डीआरडीओचे संचालक पाकिस्तानला गोपनिय माहिती पुरवली म्हणून जेलात आहे, आता नव्याने त्यांनी जामिनीसाठी अर्ज केला आहे, पाकिस्तानला पुरवलेली माहिती गोपनिय नव्हती म्हणून जामीन मिळवण्याच्या प्रयत्नात आहे. अरे भावड्या, पण शेण खाल्लेच कशाला. अर्थात कायद्यातून सुटतील जामीन वगैरे मिळेल. दुसरीकडे, देशातील वैद्यकीय शिक्षणातील गैरव्यवहार आणि भ्रष्टाचाराचे मोठे रॅकेट सीबीआयने शुक्रवारी उघडकीस आणले. धक्कादायक बाब म्हणजे या गैरव्यवहारात केंद्रीय आरोग्य मंत्रालय, राष्ट्रीय वैद्यकीय आयोगाच्या अधिकाऱ्यांसह मध्यस्थ आणि खासगी वैद्यकीय कॉलेजांच्या प्रतिनिधींचे जाळे सहभागी असल्याचे उघड झाले आहे. सर्व गैरव्यवहारांची पाळेमुळे केंद्रीय आरोग्य मंत्रालयापर्यंत पोहोचलेली आहेत. चौकशी होईल, आणि पुन्हा अगा जे घडलेच नाही. गोबरयुगात हे असं चालायचंच. सर्वांना आषाढी एकदाशीच्या हार्दिक शुभेच्छा. -दिलीप बिरुटे

उद्धव आणि राज एकत्र राहावेत असं बाळासाहेबांचं स्वप्नं कधी होतं? तसं असतं तर "नवा पक्ष काढून नकोस इथे सेनेत राहा" असा प्रयत्न केला नसता का? "जे बाळासाहेबांना जमलं नाही ते फडणवीसांनी करून दाखवलं"- राज आजच्या वरळीच्या सभेतील भाषणात.

गेल्या महिन्यात अनिल अंबानींच्या रिलायन्स डिफेन्स ह्या कंपनीने जर्मनीच्या एका संरक्षण कंपनीबरोबर मोठा करार केला. भारतिय सैन्याला रिलायन्स डिफेन्स terminally guided munitions (TGM) पुरवणार आहे. रत्नागिरीतील वातड येथे हा प्रकल्प उभारला जाणार आहे. कोकणवासियांचे त्याबद्दल मनःपूर्वक अभिनंदन.! https://www.business-standard.com/companies/news/reliance-defence-diehl-partnership-india-ammunition-manufacturing-125061001129_1.html ही बातमी वाचुन आनंदात मग्न असताना परवा दुसरी बातमी आली. Anil Ambani says SBI slapped ‘fraud’ tag on Rcom loan acct without hearing him https://www.livemint.com/industry/banking/anil-ambani-responds-to-sbi-s-fraud-tag-on-reliance-communications-loan-account-shocked-to-receive-the-order-11751462719805.html दोन्ही कंपन्या वेगळ्या आहेत पण अनिल अंबानींच्याच. असो.

बॉलीवूडमधील नामवंत कोरिऑग्राफर फराह खानच्या घरच्या स्वयंपाकघरात झुरळांचा सुळसुळाट झाला होता. त्याचे कारण तिच्या स्वयंपाकघरातील कॅबिनेट्स लाकडी होती आणि लाकडी कॅबिनेट्स ओली झाल्यावर झुरळांना मोकळे रान मिळते हे तिला कळले. म्हणून मग तिने लाकडी कॅबिनेट्स बदलून स्टिलची कॅबिनेट्स करून घेतली आहेत असे समजते. तुमच्या घरी पण अशी झुरळे वाढली असतील तर काय करायचे याचे मार्गदर्शन फराह खानने सगळ्यांना केले आहे. अधिक माहिती- https://marathi.indiatimes.com/lifestyle-news/home-decor-hacks/farah-khan-small-changes-in-her-kitchen-that-all-the-cockroaches-disappeared/articleshow/122289123.cms?story=3 वर

रात्रि झोपताना झुरळे असतील तिथे टाकावी. घर बंद असेल तेव्हा सर्व झुरळे लपतील अशा ठिकाणी टाकावी .. वास वाईट असतो . गुण नक्कि येतो .

जेन स्ट्रीटने चुकीच्या पद्धती वापरून भांडवली बाजारातील इंडेक्स ऑप्शन्समध्ये ४३ हजार कोटी रुपयांपेक्षा जास्त नफा कमावल्याच्या सिक्युरिटीज अँड एक्स्चेंज बोर्ड ऑफ इंडिया (सेबी) आरोपांदरम्यान, लोकसभेतील विरोधी पक्षनेते राहुल गांधी यांनी सोमवारी भांडवली बाजारावर नियंत्रण ठेवणाऱ्या 'सेबी' या सर्वोच्च संस्थेच्याच पारदर्शकतेवर प्रश्नचिन्ह उपस्थित केले. जेन स्ट्रीट आणि संबंधित संस्थांनी बँक निफ्टी निर्देशांकात कृत्रिमरीत्या चढ-उतार करण्यासाठी 'इंट्रा-डे ट्रेडिंग स्ट्रॅटेजी' आखल्याचे सेबीने म्हटले होते. -दिलीप बिरुटे

राहुल गांधी ? मग ठीकच आहे

राहुल गांधींचं मत सोडून द्यायचं? मग कुणाचं घ्यायचं? केजरीवाल? पवार साहेब? ममता? अखिलेश? लालू कि उठा /राठा? ता पण एकदा सांगून टाका

राहुल गांधी याना स्वतःचे मत आहे का? त्याचा करता करविता वेगळाच आहे. केवळ गांधी घराण्यात जन्माला आला एवढे सोडले तर काहीही कर्तृत्व नसलेला माणूस. आणि त्याच्या पुढे लोटांगण घालणारे काँग्रेसी सगळेच धन्य आहेत. परदेशात जाऊन भंपक बोलणारा हा माणूस. सिंगापूर मध्ये जाऊन काय बोलला? तर सारी एम आर आय मशिन्स जोडली कि भारताची आरोग्यसेवा सुधारेल. ते कसे ते विचारले तर त्याचे उत्तर देता येईना असली आचरट मते परदेशात व्यक्त करणाऱ्या बिनडोक माणसाला सेबी काम कसे करते हेही माहिती असणे शक्य नाही. सेबी बरोबर कि चूक हा मुद्दा मुळात अलाहिदा आहे.

स्टार प्रवाहवर लवकरच नवीन मालिका सुरू होत आहे. त्या नव्या मालिकेचा प्रोमो उद्या म्हणजे १० जुलै रोजी येणार आहे. त्या प्रोमोची झलक म्हणून 'तुमची आवडती खलनायिका परत येत आहे' असा प्रचार स्टार प्रवाहने केला आहे.

View this post on Instagram

A post shared by Star Pravah (@star_pravah)

ही आवडती खलनायिका कोण असेल याविषयी रसिकांमध्ये तर्क लढविले जायला सुरवात केली जात आहे. अनेकांनी रूपाली भोसले असेल असे म्हटले आहे तर काहींनी माधवी निमकर असेल अशी अपेक्षा केली आहे. ही खलनायिका कोण असेल असे तुमचे मत आहे?

मस्तच एकदम. मागे एकदा एका अशाच खासदार गायकवाडांनी कर्मचार्‍याला मारले म्हणून त्यांना विमानप्रवासबंदी करुन माज उतरवला होता म्हणे. आता दुसर्‍या एका आमदार गायकवाडाने आमदार निवासातल्या कॅन्टीनचे अन्न खराब होते म्हणून नेसत्या टोवेल बनियानवर जाउन कॅन्टीनवाल्याला हाणले. तूर्तास सदरहू आमदाराला निदान अन्नबंदी तरी करुन माज उतरवावा व आम्ही कसे वेगळे आहोत हे दाखवून द्यावे.

आज गुरुपोर्णिमा. 'विश्वगुरु' यांनाही गुरुपोर्णिमेच्या शुभेच्छा. आज आपण नसता तर, भारतीय जनता कोणत्या तरी बेटावर कंदमुळे खात खितपत पडली असती. आपण समस्त जगाला आपल्या अमोघ वाणीने ज्ञान देऊन तृप्त केले आहे. आपणास गुरु पोर्णिमेच्या खुप शुभेच्छा. -दिलीप बिरुटे

त्यांच्यात ( राहुल गांधींमध्ये)

कुछ तो गुरू है,कुछ गुरू घंटाल, बुझो तो ग्यान है वरना जी का जंजाल.... ऐसे सभी गुरू और गुरूघंटालोको शिष्योत्तम का प्रणाम.

काही नाही शी जिनपिनगचया वरचढ कोणी झायावर ते खरोखरच नाहीसे झालेले असण्याची शक्यता जास्त आहे . चीनमधे पार्टीचे लोक जास्तविचार न करता शूट at साईट ही असते , ङोईजड झाला एखादा कार्यकर्ता की शूट हे असते. जॅक maaचे पुढे काय झाले हे त्याना एकदाच विमानाचा जिना चढताना दाखवले अर्थात जुना फोटो . नन्तर अजूनही त्या बद्द्ल काहीच आलेले नाही वर्त़मानपत्रात.. निरीक्षण करत ठेवणे या चिनी लोकान्चे हेच आपण करु शकतो. जे जे होईल ते पहात राहणे.

आणि आपल्या देशाने सीमेवर शस्त्र सज्ज रहाणे व आपण एकजुटीने सरकार लष्कर सैनिकान्चया पाठीशी रहाणे सरकारचे मनोधैर्य वाढविणे व बळ देणे हेच करू शकतो..

महाराष्ट्राचा उद्याचा नेता आपणच असणार आहोत असा दावा अभिजीत बिचुकले यांनी केला आहे. आधी काँग्रेस होती आता भाजप आहे आणि उद्या अभिजीत बिचुकलेच असणार आहे असेही ते म्हणाले. मी कोणाबरोबरही जाणार नाही तर माझ्याबरोबर इतरांना यायचे आहे असेही ते म्हणाले.तसेच शिवाजी महाराजांच्या गादीचा वैचारीक वारसही आपणच आहोत आणि आपण छत्रपतींच्या नावाचा गैरवापर कोणालाही करू देणार नाही असेही ते म्हणाले आहेत. अधिक माहिती https://marathi.indiatimes.com/entertainment/entertainment-news/bollywood-news/abhijjet-bichukle-called-he-is-chhatrapati-shivaji-maharaj-real-true-descendant/articleshow/122415331.cms वर

वडोदरा येथील पूल पडला आणि विरोधक तसेच व्यंगचित्रकार जोमात. 'गुजरात मॉडेल' हा थट्टेचा ( meme) विषय होत आहे. तर इकडे महाराष्ट्रात दारू दुकान परवान्यांचे वाढ करून सरकार पैसे कमावणार आहे यावर विरोधक तुटून पडले आहेत. लाडक्या बहिणींचे पैसे असे देणार का हा मुद्दा जोरात आहे. आणि दिल्लीत पेट्रोल वाहने पंधरा वर्षे तर डिझेल वाहनांना दहा वर्षे मुदत हा मोठा वादाचा मुद्दा झाला आहे.

देवदेवतांच्या विरोधात एका आक्षेपार्ह पोष्ट बद्दल सर्वोच्च न्यायालयात सुनावणी दरम्यान, 'नागरिकांना अभिव्यक्ती स्वातंत्र्याचे मूल्य समजायला हवे आणि त्यांनी स्व-नियमांचे पालन करायला हवे. त्याचबरोबर सोशियल मिडियावरील आक्षेपार्ह पोष्टवर नियंत्रण ठेवण्यासाठी मार्गदर्शक तत्त्वे तयार करण्याचा विचार करत आहोत असे न्यायालयाने म्हटले आहे, सोशियल मिडियावरील अशा काही प्रवृतीना आळा घालायला हवा. याचा अर्थ सेन्सरशीप नाही, नागरिकांमधे बंधुभाव असायला हवा, अशी अपेक्षाही व्यक्त केली. अभिव्यक्ती स्वातंत्र्य कायमच चर्चेचा आणि कायद्याच्या कक्षेत अशा प्रकरणांचा वाढता प्रभाव पाहता येत्या काळात चित्र, लेखन, मतं यावर मोठी मर्यादा येईल असे वाटते. आणि जो असे नियम पाळणार नाही, त्याची रवानगी जेलात होत राहील असे वाटायला लागले आहे. -दिलीप बिरुटे

अभिव्यक्ती स्वातंत्र्य कायमच चर्चेचा आणि कायद्याच्या कक्षेत अशा प्रकरणांचा वाढता प्रभाव पाहता येत्या काळात चित्र, लेखन, मतं यावर मोठी मर्यादा येईल असे वाटते.> "समरसता" ही कल्पना किती फसवी आहे हे जनसुरक्षा विधेयकाच्या संदिग्दधतेवरून समजले. समाजातील अर्धवट लोकांची डोकी फिरू नयेत म्हणून शहाण्यांनी तोंडे बंद ठेवावीत हा त्यातला संदेश आहे. देशाचा भविष्यकाळ भीषण आहे

दिल्ली, बेंगळुरू शहरांत यूपीआइ पेमेंट घेणे बंद. आता काय करायचं? इतर शहरांतही हेच होईल. सुटे पैसे, जुनाट नोटा यांचा प्रश्न यातून खरंतर सुटला होता.

बऱ्याच लोकांनी XI जिनपिंग गायब झाले म्हणून आवाई उठीवली होती.खोट्या बातम्या देण्यात आपला मीडिया माघे कधीच नसतो ह्यावेळी पण त्यांनी हात धुऊन घेतले. पण आत्ता स्वतः जय शंकर जिनपिंग भेट झाली आहे.

बुक्क्या मारत मारामारी करणारे आमदार आपल्या टॅक्स मधून चाललेल्या अधिवेशनात रमी खेळणारे मंत्री विधान भवनात गुंड आणून मारामारी करणारे आमदार.. शेतकरी भिकारी म्हणणारे मंत्री बारबाला नाचवणारे गृहराज्यमंत्री ! मतदारांपेक्षा वेश्या बर्या म्हणणारे सत्ताधीश आमदार तुझ्या बापाला पेरणीचे पैसे तुझ्या आईला, बहिणीला व बायकोला आम्ही पैसे देतो. तुमच्या अंगावरचे कपडे, बूट व चपला आहेत ते आम्हीच दिलेत. असा माज दाखवणारे सत्ताधारी आमदार .. ------------------------------------------------------------ यांच्या पैकी कोणावरही कारवाइ करायचे धाड्स , राजीनामा घ्याय्चे धाडस या रीक्षा सरकार मध्ये नाही एकंदरीत सत्तेचा माज डोक्यात अंगात भिनला आहे

सत्ताधारी आमदाराच्या भावाचा माज ! सोशल मीडियावर गोळीबाराची चर्चा रंगल्यानंतर पोलिसांनी या घटनेचा तपास केला. सुरुवातीला पोलिसांनी काही पुरावे मिळाले नसल्याचं म्हटलं होतं तर कलाकेंद्राच्या मालकांनीही असं काही घडलं नाही असं सांगितलं होतं. पुढे लोकांनी चर्चा सुरू केल्या म्हणून ही सारवासारव!

लाडक्या बहीण योजनेमुळे सगळी बिले थांबली आहेत . कंत्राटदारांनी आत्महत्या करायल सुरुवात केली आहे. सरकार ढीम्म ! रम रमी आणि रमणा मध्ये रमणारे सरकार !

राहुल गांधी हात धुवून निवडणूक आयोगाच्यामागे लागले आहेत. निवडणूक आयोग नियम बदलते पण राहुल गांधींच्या आरोपांना भीक घालत नाही. एखाद्याने नाद सोडला असता, परंतु पठ्ठ्या चिकाटीने न्याय मिळवण्याचा प्रयत्न करत आहे.

४६ वर्षांपूर्वी केलेल्या खुनाबद्दल सर्वोच्च न्यायालयाने ६७ वर्षांच्या एका व्यक्तीला दोषी ठरविले आहे. सर्वोच्च न्यायालयाने दोषी वृद्धाला जन्मठेप किंवा सात वर्षांच्या तुरुंगवासाचा पर्याय दिला आहे. हा नक्की काय प्रकार आहे? एक तर ४६ वर्षे वेगवेगळ्या न्यायालयांमध्ये तारीख पे तारीख चालू होते हा मुद्दा एकदम किरकोळ म्हणून त्याविषयी भाष्य करायलाच नको. दोषी व्यक्तीला आपली शिक्षा निवडायचा अधिकार असतो? मटामधील बातमीतील एक वाक्य रोचक आहे- मुख्य न्यायमूर्ती म्हणाले की, "जर तुम्ही सहमत असाल, तर आम्ही कलम 302 अंतर्गत असलेली शिक्षा कलम 304-I (सदोष मनुष्यवध) मध्ये बदलू, ज्यामध्ये सात वर्षांची कैद होईल." म्हणजे एखाद्या व्यक्तीला दोषी ठरविल्यानंतर त्याच्यावर मुळात घातलेल्या गुन्ह्याचे कलम आणि स्वरूपच बदलायचे? इतकी वर्षे मला वाटत होते की पोलिस एखाद्या घटनेबद्दल गुन्हा दाखल करतात आणि संबंधित व्यक्ती दोषी आहे याविषयीचे पुरावे न्यायालयात सादर करतात. मग त्यावर सुनावणी होते आणि त्या पुराव्यांमध्ये दम असेल तर मग न्यायालय त्या व्यक्तीला दोषी ठरवून शिक्षा सुनावते. म्हणजे एखादी व्यक्ती अमुक एक प्रकारचा गुन्हा केला म्हणून दोषी असते. मग दोषी ठरविल्यानंतर मुळातल्या गुन्ह्याचे स्वरूपच कसे बदलता येईल? वेगळाच गुन्हा दाखल केला तर मग त्याही सुनावणी परत करायला नको का? जुन्या आय.पी.सी मधील कलम ३०२ हे खुनाचे होते ते आता ३०४-१ म्हणजे सदोष मनुष्यवधात बदलणार? म्हणजे त्या व्यक्तीने खून केला आहे म्हणून पोलिसांनी पुरावे गोळा केले, ते खालच्या न्यायालयात आणि सर्वोच्च न्यायालयातही टिकले आणि आता न्यायाधीशच म्हणत आहेत की चला गुन्ह्याचे स्वरूपच बदलून टाकू- म्हणजे जाणूनबुजून खून केला नसून सदोष मनुष्यवध म्हणजे त्या व्यक्तीकडून चुकून दुसर्‍या कोणाचीतरी हत्या झाली- त्याचा हत्या करायचा उद्देश नव्हता. मग जुन्या पुराव्यांना आणि सुनावणीला काय अर्थ राहिला? https://marathi.indiatimes.com/india-news/supreme-court-gives-choice-to-67-years-old-man-who-killed-friend-in-1979-college-clash-verdict-life-term-or-7-years-jail/articleshow/122916886.cms?utm_source=NP&utm_medium=HP-Top-Headlines

कितीतरी ठिकाणी परस्पर विरोधी निकाल लागलेले आहेत.> व्यवस्थित व्याख्या तसेच स्पष्टता नसलेले (उदा० जनसुरक्षा कायदा) सैल कायदे केले की फटी राहतात मग हवे तसे अर्थ काढता येतात.

पहलगाम हल्यात प्रत्यक्ष सहभाग असलेल्या ३ अतिरेक्यांची यमसदनी रवानगी केली गेली आहे अशी बातमी आहे. बरे झाले ऐन अधिवेषणाच्या दरम्यान ही घटना घडली. हे अतिरेकी कुठे आहेत ? कसे पळुन गेले वगेरे प्रश्न विचारणारे आता मिठाची गुळणी धरुन बसतील. भारतिय सैन्य दलाचा विजय असो.

श्रीनगरजवळील Dachigam National Park परिसरात भारतीय सुरक्षादलांनी लष्कर-ए-तैयबाच्या 3 दहशतवाद्यांना ठार केले. त्यात पाहलगाम हल्ल्याचा मास्टरमाइंड पाकिस्तानी नागरिक हाशिम मुसा उर्फ सुलेमान मारला गेला. त्याच्यावर ₹20 लाख बक्षीस होत. पाहलगम हल्ल्यातील अतिरेकी पकडले किंवा मारले जाण गरजेचं होत.

तर, अशा त-हेने जनसुरक्षा कायद्या नंतर व्यवस्थेविरुद्ध जे जे लिहितील त्यांचं त्याचं तोंड बंद करण्याचा प्रयत्न सुरुच आहे. ज्या गोदी मिडियाने मिडियाचा वापर करून लोकांवर खोट्या काल्पनिक गोष्टींचा मारा करून सत्तेजवळ पोहोचण्यास मदत झाली त्याच मिडियाचं अस्त्र उलटत जात आहे असे लक्षात आल्यामुळे शासकीय कर्मचा-यांच्या सोशियल मिडियावर लिहिण्या बोलण्यावर महाराष्ट्र शासनाने कालपासून निर्बंध आणले आहेत. धन्यवाद. लोकशाही जिंदाबाद. -दिलीप बिरुटे

शासकीय कर्मचा-यांच्या सोशियल मिडियावर लिहिण्या बोलण्यावर महाराष्ट्र शासनाने कालपासून निर्बंध आणले आहेत. शासकीय कर्मचा-यांच्या सोशियल मिडियावर लिहिण्या बोलण्यामुले अनेक तर्हेचे वाद निर्माण होऊ शकतात किंवा त्याचा अनेक लोकांना फायदा किंवा तोटा होऊ शकतो हे बरीच लोकांच्या लक्षात येत नाही. अशा तर्हेचे निर्बंध लष्करात स्वातंत्र्या पासूनच आहेत. सोशल मीडियामधील वक्तव्यांचा वापर समाज विघातक वृत्ती कशा तर्हेने करू शकतात याची आपल्याला साधी कल्पना पण नाही. लष्करात असताना विद्यमान सरकारशी एकनिष्ठ राहीन अशी शपथ घेतली जाते मग त्या सरकारचे धोरण देशाविरुद्ध किंवा लष्करी हिताच्या विरुद्ध असलं तरीही. उद्या एखाद्या लढाऊ वैमानिकाने सुखोई विमानातील त्रुटी जर सामाजिक न्यासावर टाकल्या ( नेशन वॉण्टस तो नो म्हणून) तर त्यातून काय निष्पन्न होईल. सरकारी नोकरी करत असताना सरकारच्या धोरणावर टीका करण्याचा आपल्याला अधिकार नाही हे सर्वोच्च न्यायालयाने अनेकवेळेस अधोरेखित केलेले आहे. याला घटनेमध्ये मूलभूत अधिकारावर असलेले वाजवी निर्बंध म्हणतात (reasonable restriction). उदा. लग्न आकारणे हा आपला मूलभूत अधिकार असला तरी दोन लग्ने करणे हा गुन्हा आहे हा आपल्या मूलभूत अधिकारावर असलेला वाजवी निर्बंध आहे. सरकारी नोकरीत असणाऱ्या मुसलमानांना दोन लग्ने करता येत नाहीत. त्यासाठी त्यांना नोकरी सोडावी लागते. लष्करात आपल्याला परदेशी नागरिकाशी विवाह करता येत नाही. त्यासाठी लष्करातून राजीनामा द्यावा लागतो. हे सर्व मूलभूत अधिकारावर असलेले वाजवी निर्बंध आहेत असे असताना केवळ सरकारवर टीका करण्यासाठी टीका करणे हा करंटेपणा आहे

ओवेसी यांनी आपण पकीस्तान सोबत क्रि़केट का खेळत आहे हे विचारले .. यूट्यूब चॅनेल ब्लोक केले होते ते पण चालू केलेत . त्यतून पाकिस्स्तनी रग्गड पैसे मिळवतात . त्याचीही गरज नव्हती.

ऑपरेशन सिंदूरवरील लोकसभेतील चर्चा भारी होती. सरकार पहिल्यांदा विरोधकांना उत्तरे देतांना भांबावून गेलं. अरविंद सावंत शिवसेना ( उबाठा ) यांचं भाषण जबरा होतं. आवड़लं. ( दुवा ) -दिलीप बिरुटे

जनतेला यातलं काय पटलं आणि काय नाही माहीत नाही. पण चर्चा झाली आणि लोकनेत्यांची मते कळली. -------------- हल्लेखोरांना पकडून न्यायनिवाडा करत बसले असते तर आणखी दहा वर्षे आणि पाचशे कोटी खर्च झाले असते( कसाबचं उदाहरण आहेत.) -------- युद्ध कुणी थांबवलं? एक आडवाटेचा अंदाज म्हणजे वल्ड बँकेचं लोन पाकला पाहिजे तर ओघाने आलंच. मग मिळालेल्या पैशांनी अमेरिकन महागडी विमाने विकत घ्यायची?

डोनाल्ड ट्रंप भारतीय अर्थव्यवस्थेला "डेस ईकॉनॉमी" असे म्हणाला त्यावर भारताचे लोकप्रिय नेता राहुल गांधी यांनी त्याच्या हो मधे हो मिळवत "सगळ्यांना माहीत आहे भारतीय ईकॉनॉमी डेड ईकॉनॉमी आहे" असे म्हणाला. माणसाने मुर्ख तरी किती असावे? म्हणजे किमान आहे तेव्हडे डोके वापरावे तरी. कुणी बाहेरचा माणुस वाट्टेल ते बोलतो त्यावर हे होयबा करत नाचत सुटतात.

१७ वर्षांपासून भगव्या दहशतवादाचे खोटे कथानक रचणारे तोंडावर आपटले! रडारड आणि बांगड्या फोडणे सुरु झाले आहे!! आज बरनॉलचा खप वाढणार!!!