१मे पासून पुण्यातील रिक्षाचालक संपावर गेल्याची बातमी वाचनात आली. कारण काय तर १ रु. भाडे कपात करण्याचा निर्णय संबंधीत खात्याने त्यांच्यावर लादला आहे. आमच्या सारख्या पुण्याच्या बाहेर रहाणार्‍यांना पुण्यात आल्यावर रिक्षा प्रवासा शिवाय पर्याय नाही. पी.एम्.टी तसेच पी.सी.एम्.टी चे बस रूट माहित नाहीत. उद्या पासून २-३ दिवस लग्न, मुंज आदिंचे मुहुर्त, सुट्ट्या या कारणाने अनेक बाहेरचे लोक/ पाहुणे पुण्यात येण्याची शक्यता आहे. मला देखील रविवार/ सोमवार पुण्यात यायचे आहे. पण रिक्षा संपामुळे अवघड परिस्थिती वाटत आहे. मिपावर अनेक पुणेकर असल्याने त्यांच्या कडून सद्य परिस्थिती कळू शकेल यासाठी हा काथ्याकूट. खालील माहिती कुणी देऊ शकेल का ? १) हा संप अजून चालू आहे का ? २) सिक्स सिटर / शेअरिंग रिक्षा यात सामील आहेत का ? ३) पिंपरी -चिंचवड मधील रिक्षाचालक यात सांमील आहेत का? ४) संप असाच चालू असल्यास खालील ठिकाणी जाण्यासाठी कुठला बस रुट आहे चिंचवड स्टेशन ते - सांघवी/ औंध औंध ते कोथरुड डेपो कोथरुड डेपो ते अलंकार पोलिस चौकी मेहेंदळे गॅरेज ते स्वारगेट पुणेकर मिपासभासदांकडून मदतीची अपेक्षा .