शालेय गणिताचा दैनंदिन जीवनात फायदा ,भाग १

त्यासाठी 12वि चे गणित लागेल.. Calculus वगैरे ते 10वि पर्यंत चे गणित म्हणाले आहेत.. इतने गणित मे इतनाच मिळेगा

या गणितात आणखी काही गोष्टींचा अंतर्भाव व्हायला हवा. दर महिन्याला रिचार्ज करायच्या विरोधात १. आपल्यासारखे टेक सॅव्ही लोक असतील ते ऑनलाईन रिचार्ज वगैरे करतील. पण टेक सॅव्ही नसलेले लोक दुकानात जाऊन किंवा जिओ गॅलरीत जाऊन रिचार्ज करतात. जिओचा एक महिन्याचा पॅक दररोज काही पैशांनी स्वस्त वाटत असला तरी अशा लोकांना दर महिन्याला रिचार्ज करायला कुठेतरी बाहेर जावे लागेल. त्यासाठी होणारी अडचण विचारात घेतली आहे का? त्याउलट एक वर्षाचा पॅक घेणार्‍यांना असे वर्षातून एकदाच बाहेर जावे लागेल. २. आपल्यासारखे लोक ऑनलाईन रिचार्ज करतात. मी क्रेडिट कार्ड वापरून रिचार्ज करतो. माझ्या कार्डावर १५० रूपये खर्च केले तर ५ पॉईंट्स मिळतात. जर १४९ रूपये वर्षात १२ वेळा खर्च केले तर एकही पॉईंट मिळणार नाही. पॉईंट मिळवायला मुद्दामून गरज नसताना विनाकारण खर्च करायचे नाहीत पण जे खर्च करायचेच असतात त्यातून जास्तीत जास्त पॉईंट्स काढून मग ते पॉईंट्स फिरायला जायचे असेल त्यासाठी विमानाची तिकिटे/हॉटेलची बिले यासाठी वापरायचे हा माझा अगदी आवडता छंद आहे. थेंबेथेंबे तळे साचे या न्यायाने २३९९ चा रिचार्ज केल्यास ७५-८० रूपयांचे पॉईंट्स तरी मिळतील पण १४९ चा रिचार्ज १२ वेळा केल्यास एकही पॉईंट मिळायचा नाही. ३. २०१८ मध्ये एक वर्षासाठीचा रिचार्ज १६०० रूपयात केल्याचे आठवते. आता तोच प्लॅन २४०० मध्ये मिळत आहे. म्हणजे जिओ नवीन असताना एकदम स्वस्तातले प्लॅन्स मिळत होते त्यांचे दर आता वाढायला लागले आहेत. त्याप्रमाणे १४९ च्या रिचार्जचा दर वाढून १५४ किंवा १५९ झाला तर तो प्लॅन कदाचित महाग पडेल. तो दर तसा वाढणार नाही याची खात्री आहे का? त्यापेक्षा २३९९ चा प्लॅन घेऊन रिचार्ज केल्यास एक वर्षासाठी आपण दर फिक्स करून घेतो. दर महिन्याला रिचार्ज करायच्या बाजूने १. एखाद्याकडे एक वर्षाचा रिचार्ज करायला लागणारे २३९९ रूपये एकरकमी खर्च करायची क्षमताच नसेल/ तितके पैसेच गाठीला नसतील तर मग दर महिन्याला रिचार्ज करणे अपरिहार्य होईल.