Skip to main content

साकिया (२) - "मॅडम आय ऍम युअर ऍडम"

लेखक नाटक्या यांनी मंगळवार, 31/03/2009 या दिवशी प्रकाशित केले.
या आधीचे लेखः साकिया - पुर्वतयारी साकिया (१) ... ========================================================== मॅडम आय ऍम युअर ऍडम या वेळच्या कॉकटेलचे नाव आहे "मॅडम आय ऍम युअर ऍडम" (Madam I am your Adam) साहित्य: - १ औंस ट्रिपल-सेक (Tripple Sec) - २ औंस व्होडका - १ औंस क्रॅनबेरीचा रस - १ औंस ग्रेपफ्रुटचा रस - १ स्ट्रॉबेरी - १/२ औंस अननसाचा रस - लिंबाची साल - बर्फ कृती: शेकर मध्ये मध्ये ५-६ बर्फाचे खडे घ्या त्यात व्होडका, ट्रिपल-सेक, क्रॅनबेरीचा रस आणि ग्रेपफ्रुटचा रस टाका. शेकरचे झाकण घट्ट बंद करून १५-२० सेकंद हलवून घ्या. शेकरमध्ये तयार झालेले कॉकटेल गाळून ग्लासमध्ये ओता आणि बर्फ फेकून द्या. आता अननसाचा रस शेकरमध्ये घेऊन त्यात १-२ बर्फाचे खडे टाका आणि परत झाकण बंद करून १०-१५ सेकंद जोरात हलवा, अननसाच्या रसाला फेस येईल, तो अलगदपणे कॉकटेलवर सोडा. एक स्ट्रॉबेरीला खालून थोडी खाच पाडा आणि ग्लासच्या कडेला सजावटीसाठी लावा. लिंबाची साल लांबट कापून घ्या आणि ती देखील सजावटीसाठी स्ट्रॉच्या आधाराने स्ट्रॉबेरीमध्ये सजावटी साठी अडकवा.
तुमचे कॉकटेल तयार आहे (सजावटी सकट). यात जर व्होडका आणि ट्रिपल-सेक नाही टाकले आणि त्या ऐवजी ३ औंस संत्र्याचा रस वापरला तर नॉन-अल्कोहोलिक कॉकटेल बनेल. डिस्क्लेमरः १. सूरापानासाठी किमान २१ (की १८?) वर्षे वय असणे गरजेचे आहे अथवा हे कायदे प्रत्येक देश/राज्यावर अवलंबून आहेत. २. अल्कोहोलचे सेवन आपापल्या जबाबदारीवर करावे. धन्यवाद... - नाटक्या
वाचने 17110
प्रतिक्रिया 31

प्रतिक्रिया

परिकथेतील राजकुमार मंगळवार, 31/03/2009
आ हा हा गुरुवर्य अजुन एक अनमोल प्रवचन...... पुन्हा एकदा मद्यानंदी टाळी. आता कधी एकदा घरचे गावाला जातायत आणी हे सगळे धंदे करतोय असे झाले आहे ;) अवांतर :- हे कॉकटेल पीताना संजय दत्तचे 'हॅलो मॅडम आय एम युअर ऍडम' हे गाणे बघितल्यास काहि वेगळा प्रभाव पडेल का ? मदिरा भक्त परायण नाटक्याबुवा कॉकटेलवाले यांचा शिष्य ©º°¨¨°º© प्रसाद ©º°¨¨°º© फिटावीत जरा तरी जगण्याची देणी एक तरी ओळ अशी लिहावी शहाणी... आमचे राज्य

अनिल हटेला गुरुवार, 02/04/2009
सहीच !!! अवांतरः- घरचा अभ्यास सुरु करावा म्हणतोये प्रात्यक्षीकाचा !! ;-) बैलोबा चायनीजकर !!! माणसात आणी गाढवात फरक काय ? माणुस गाढव पणा करतो,गाढव कधीच माणुस पणा करत नाही..

दशानन मंगळवार, 31/03/2009
ज ळ वा ग रि बा ला ! :S लेखमाला वाचून आम्हाला येड लागायची वेळ आली ! 8}

३_१४ विक्षिप्त अदिती मंगळवार, 31/03/2009
वावा, झकास! आता तीन प्रश्नः १. वाईनची बाटली उघडली की ती (फारतर) एक-दोन दिवसांत संपवावी तसं काही व्होडकाच्या बाबतीत आहे का? २. कोणती व्होडका चांगली, तुमच्या मताप्रमाणे? माझं मत पोलिश किंवा फिनीश व्होडकांना! ३. या कॉकटेलचं नाव असं का आहे? अदिती आमच्यात डेडलाईन गळ्याशी येईपर्यंत फक्त स्वतःच्या आवडीचीच कामं केली जातात.

दशानन मंगळवार, 31/03/2009
>>१. वाईनची बाटली उघडली की ती (फारतर) एक-दोन दिवसांत संपवावी तसं काही व्होडकाच्या बाबतीत आहे का? =)) बसल्या बैठकीला संपवावी ;) जोक आहे, माहीत नाही मला पण. आम्ही ढक्क्कण उघडले की संपवूनच बाटलीचे ढक्कण लावावे ह्या मंत्रावर जास्त लक्ष देतो =))

नाटक्या मंगळवार, 31/03/2009
१. आमच्यात कोनतीबी बाटली संपल्याबिगर ठेवत नाही. २. मी आत्ता पर्यंत ५-७ प्रकारच्या व्होडका घेतल्यात. Stoli Elit (Russian) माझी सगळ्यात आवडती. ३. कॉकटेलची नावं अशीच असतात. शाळेत सरांना आणि मॅडमना वेगवेगळी नावं असतात ती कश्यामुळे? काही कॉकटेल्सची नावं मला ईथे लिहीता येणार नाहीत इतकी XXX आहेत. और कुछ???

सुनील मंगळवार, 31/03/2009
वाईनची बाटली उघडली की ती (फारतर) एक-दोन दिवसांत संपवावी (फारतर) एक-दोन तासांत संपवावी! ;) तसं काही व्होडकाच्या बाबतीत आहे का? नाही. पण ती ही (फारतर) एक-दोन दिवसात संपवावी!! मुख्य फरक आहे तो असा की, वाइन ही फर्मेन्टेड असते त्यामुळे ती फार काळ उघडी ठेवता येत नाही, खराब होऊ शकते. वोड्का (व्हिस्की, रम, जीन देखिल) हे डिस्टिल्ड असते. ती अशी खराब होत नाही. कोणती व्होडका चांगली, तुमच्या मताप्रमाणे? माझं मत पोलिश किंवा फिनीश व्होडकांना! तुम्हाला फिनलॅन्डिया वोड्का म्हणायचे आहे का? अतिउत्तम. पण भारतात मिळते का ते ठाउक नाही. भारतात मिळणार्‍या वोड्कांत स्मिरनॉफ उत्तम, हे माझे मत! बाकी, हे कॉकटेल दिसतेय सुंदर. एकदा चाखायलाच पाहिजे! Doing what you like is freedom. Liking what you do is happiness.

३_१४ विक्षिप्त अदिती मंगळवार, 31/03/2009
मुख्य फरक आहे तो असा की, वाइन ही फर्मेन्टेड असते त्यामुळे ती फार काळ उघडी ठेवता येत नाही, खराब होऊ शकते. वोड्का (व्हिस्की, रम, जीन देखिल) हे डिस्टिल्ड असते. ती अशी खराब होत नाही. धन्यवाद सुनील. अनेक अल्कोहोल्स चाखून पाहिल्यावर शेवटी मी वाईनला चिकटले पण या प्रश्नाचं उत्तर आज मिळालं. फिनीश म्हणजे बर्‍याचशा फिनलंडमधल्या व्होडका, फिनलंडीया मी एकदाच चाखलेली आहे, पण त्यात संत्र्याचा रसही असल्यामुळे तिची चव नीट कळलीच नाही. (सुला आणि शेटू इंडाजच्या अर्थव्यवस्थेत भर टाकणारी) अदिती आमच्यात डेडलाईन गळ्याशी येईपर्यंत फक्त स्वतःच्या आवडीचीच कामं केली जातात.

नंदन मंगळवार, 31/03/2009
बाबत सहमत आहे. फिनलँडिया + क्रॅनबेरी ऍपल ज्यूस + लाईम हे काँबो एकदा ट्राय करून पहा :) बाकी लेख मस्तच. पुढचा कट्टा कधी आहे हो बे एरियात? :)

नंदन
मराठी साहित्यविषयक अनुदिनी

नाटक्या मंगळवार, 31/03/2009
४ एप्रिलला करतो आहोत कट्टा.. माझ्या घरी, कॉकटेल्स सह!!! बघा विचार करा...

अरुण वडुलेकर मंगळवार, 31/03/2009
असेंच म्हणावेसे वाटते. आम्ही घाटी मंडळी अजून ब्लडी मेरी, स्क्रू ड्रायव्हर सारख्या बिगारीतच आहोत, याची जरा (!) वाटतेच. आपण मात्र यातले भिष्माचार्य किंवा शुक्राचार्य आहात असें दिसते. एक विनंती, इथे आमच्या नाशिकला द्राक्षे चांगली आणि मुबलक होतात. त्याचेही असे कांही करता येईल कां ते पहा.

विसोबा खेचर मंगळवार, 31/03/2009
साला नाटक्या, मिपा तुझ्या नावावर करून टाकू का रे? :) अरे किती सुंदर लिहिलं आहेस! छ्या..,काय साला फोटू आहे! त्या लिंबाच्या सालीची इव्ह त्या ग्लासरुपी ऍडमला काय सुंदर बिलगली आहे! वा वा! आपला, (अनुष्काचा ऍडम) तात्या.

चिरोटा मंगळवार, 31/03/2009
या कॉकटेलचं नाव असं का आहे
बहुदा नाव Madam I'm Adam असावे.उलटे वाचले तरी तेच.

नरेश_ मंगळवार, 31/03/2009
वा वा भेन्डीबाजारजी, मान गये उस्ताद. आजपासून तुम्ही माझे गुरु. सही /- आगरी बोली - आगरी बाना.

बबलु बुधवार, 01/04/2009
हे कॉकटेल रापचिक आहे. फोटू तर लैच भारी. लेखमाला उत्तम चालू आहे. आजकाल नवीन रेसीपी ची वाट पाहतो !! ....बबलु

किट्टु बुधवार, 01/04/2009
झक्कास....काय तो ग्लास... =P~ याच्याशी कोणता 'चकणा' छान लागेल? =P~ मला कोणी तरी 'Brandy' चे कॉकटेल सांगु शकेल का? घरात खुप उरली आहे.

रामदास बुधवार, 01/04/2009
असू द्या घर म्हणून . बाकी ब्रँडी मी नेहेमी अडीअडचणीला कामास येते. बाकीच्या दारवा संपल्या तर दर्भाचा कावळा करतात तशी एखाद दिवस घरातली ब्रँडी पण पितो.

किट्टु बुधवार, 01/04/2009
>>दर्भाचा कावळा करतात तशी एखाद दिवस घरातली ब्रँडी पण पितो. =)) पण कशी पितात...नुसतीच का? (जशी सर्दी झाली की पितो तशी)

सुनील बुधवार, 01/04/2009
गंमत सोडा पण ब्रॅन्डी ही नुसतीच पितात. तरच त्यात मजा आहे. विशेषतः कोन्याक म्हणून ब्रॅन्डीचा एक प्रकार आहे (जसा स्कॉच हा व्हिस्कीचा आहे) तो तर नुसताच घुटक्या-घुटक्याने घ्यावा!!!!अहाहा!!!! Doing what you like is freedom. Liking what you do is happiness.

लिखाळ बुधवार, 01/04/2009
तिन्ही भाग छान आणि माहितीपूर्ण आहेत. कॉकटेलं बनवून पाहायची इच्छा होत आहे :) या भागातला फोटो तर अफलातून.. फार भारी !! पुढल्या भागांची वाट पाहतो आहे. -- लिखाळ.

संदीप चित्रे बुधवार, 01/04/2009
फोटो आणि कृती एकदम टेम्प्टिंग आहे. मस्तच एकदम !! --------------------------- माझा ब्लॉगः http://atakmatak.blogspot.com

धनंजय बुधवार, 01/04/2009
नयनसुख! हे नाव "मॅडम आय्म ऍडम" असे असावे का? हा एक प्रसिद्ध पॅलिन्ड्रोम आहे - उलटसुलट वाचले तरी अक्षरांचा क्रम तोच असतो. ----------------> Madam I'm Adam ----------------

चतुरंग बुधवार, 01/04/2009
नयनमनोहर! कसला फोटू टाकला आहेस खतरनाक!! B) तू मला बहुतेक शेवटच्या भागापर्यंतही थांबू देणार नाहीयेस त्याआधीच मी प्यायला सुरुवात करेन असे दिसते!! ;) चतुरंग

नाटक्या बुधवार, 01/04/2009
या मालीकेला शेवटचा भाग नसेल!!! त्यामुळे तुम्ही कधीही सुरुवात केली तरी फारसा फरक पडणार नाही :-) तेव्हा "शुभस्य शिघ्रम" - नाटक्या

पिवळा डांबिस गुरुवार, 02/04/2009
...त्याआधीच मी प्यायला सुरुवात करेन असे दिसते!! आधीच याची ही तर्‍हा.... मग प्यायला लागला तर मग बघायलाच नको!!!:) 'मधुशाला'चं विडंबन वाचायला मिळणार बहुतेक!! बाकी नाटक्याशेठ, ही रेसेपी पण उत्तम!! मार्टिनीज चालू झाल्या की उठवा आम्हाला!!:) एक सूचना: क्रॅनबेरी ज्यूस आणि ग्रेपफ्रूट ज्यूस वगैरे गोष्टींना आपल्या भारतात सहज उपलब्ध होणारे पर्याय सुचवा ना मंडळींना!

एक बुधवार, 01/04/2009
मस्त रेसिपी आहे! करून तर नक्कीच बघेन! तो फोटो झकास आहे. ईव्हीनींग गाऊन मधली ब्युटीक्वीन दिसते आहे..!

भाग्यश्री बुधवार, 01/04/2009
वाह... फारच सुंदर आहे फोटो!!! लग्गेच हे तयार करून प्यावंसं वाटेल इतका सुंदर !! :) ही मालिका आवडली बुआ.. बरीच माहीती कळतीय !!! http://bhagyashreee.blogspot.com/

ऋषिकेश बुधवार, 01/04/2009
वा ! मस्त फोटु! अजून येऊ द्या बाकी हे औंस कसे मोजणार?.. प्रमाणे घरच्या घरी मोजता येतील अशी द्याल का? -ऋषिकेश

नाटक्या बुधवार, 01/04/2009
एक औंस म्हणजे साधारणत: ३० मिलीलिटर. आपल्या घरचा कप बहुतेकदा ५ (१५० मिली) औंसाचा असतो पण भारतातले कप लहान असतात आणि ते बर्‍याचादा ३ औंसाचे (९० मिली) असतात. तुमच्या कडे असलेली एखादी ५०० मिलीची बाटली घ्या आणि त्यात किती कप पाणी बसते ते पाहून कपाचा अंदाज घ्या. अधीक माहीती साठी: http://www.howtotipsandtricks.com/2008/07/cocktail-measurements-oz-ml-s… - नाटक्या

बेसनलाडू बुधवार, 01/04/2009
फारच छान दिसते आहे. ४ तारखेला मिळणार का? (आस्वादक)बेसनलाडू