सांज-राधा
लेखनविषय:
Taxonomy upgrade extras
त्या सांजकोवळ्या उन्हात सजल्या वाटा
गुणगुणती गीते तुझी निरागस लाटा
मावळतीवरती रंग नवे क्षितिजाचे
पाऊल वाजते हलके बकुळफुलांचे
माडांच्या छाया झुलती वार्यासंगे
जणु कृष्णसख्याचा रास आगळा रंगे
आसमंत भारित सूर मुरलीचे आले
कालिंदीचे जल थबके, कदम्ब डोले
तो मऊ मुलायम स्पर्श मयुरपंखांचा
दरवळतो हलका भास मधुर गंधाचा
या चराचराला जडली त्याची बाधा
श्रीरंग घन निळा, सांज सोनुली राधा
वाचने
3648
वाचनखूण
प्रतिक्रिया
16
कविता आवडली.
(वाचक)बेसनलाडू
आज मिपावर गोपाळकाला कसा काय रंगलाय?
(गोप)बेसनलाडू
वा !
आज कृष्ण डे आहे काय ? :?
--अवलिया
In reply to वा ! आज by अवलिया
=))
क्य बात है! शब्दा शब्दाला दाद द्यावी अशी आहे कविता.
:)
मावळतीवरती रंग नवे क्षितिजाचे
पाऊल वाजते हलके बकुळफुलांचे
खूप गोड आहे ओळ ही.
- (सर्वव्यापी)प्राजु
http://praaju.blogspot.com/
या चराचराला जडली त्याची बाधा
श्रीरंग घन निळा, सांज सोनुली राधा
अ प्र ति म ! ! !
:)
युद्ध माझा राम करणार | समर्थ दत्तगुरु मूळ आधार |
मी वानरसैनिक साचार |रावण मरणार निश्चित ||
|| इति अनिरुद्ध महावाक्यम् ||
In reply to या by मृगनयनी
या चराचराला जडली त्याची बाधा
श्रीरंग घन निळा, सांज सोनुली राधा
सोनुली राधा...कित्ती गोड शब्द...
आणि तितकीच गोड गोडुली तुझी कविता ....
सुन्दर ..!!!
अवांतरः आज राधा-कृष्णा च्या कविताच कविता येत आहेत...:-)
मिपाचं गोकुळ झालयं :-) ( हॉटेलाचं गोकुळ.. :-) )
वा खुप छान क्रांती.
क्रान्तिताई कविता फार सुंदर जमलीये.
"आज शतजन्माच्या मीरेने राधेविषयी लिहील" क्या बात हे !!!
लयबध्द आणी सुरमय कविता
तो मऊ मुलायम स्पर्श मयुरपंखांचा
वाचुन गुदगुल्या झाल्या.
सुहास..
"व्यथा असो आनंद असू दे, प्रकाश किंवा तिमिर असू दे,"
"वाट दिसो अथवा न दिसू दे, गांत पुढे मज जाणे, माझे जीवनगाणे। "
धन्यवाद मित्रांनो! अशा प्रेरणादायक प्रतिसादांमुळे नव काहीतरी सुचत जात आणि लिहावस वाटत!
मीरा काय आणि राधा काय? दोघींच आराध्यदैवत कान्हाच ना!
क्रान्ति {मी शतजन्मी मीरा!}
In reply to धन्यवाद by क्रान्ति
मीरा काय आणि राधा काय? दोघींच आराध्यदैवत कान्हाच ना!
सही....
सुहास..
(द गुड)
सुंदर ! क्रांति !
वा ! सुंदर कविता.
माडांच्या सावल्यांच्या रासलीला तर फार छान !
-- लिखाळ.
क्रांति
सुंदर आहे तुमची कविता, तालही छान साधलाय
सुंदर कविता. प्रत्येक कडवं दाद देण्यासारख आहे.
व्वा!