एकट्याने करण्यायोग्य ट्रेकींग डेस्टीनेशन सूचवा!!!!!

महाबळेश्वर जवळ राजापूर, पाचवड जवळचा विक्रमगड (नाव नक्की आठवत नाही आहे), कराडला आगाशिव, नाईकबा डोंगर, इकडे पुण्याकडे राजगड, तोरणा, सिंहगड, लोहगड, तिकोना, नाशिक बाजूला भीमाशंकर, शिवनेरी, अंजनेरी इत्यादी. खाली कोल्हापूरला पन्हाळा-विशाळगड, दाजीपूर (किमान दोघे जावा) या सर्व ठिकाणावर माझे लेखन मिपावर आहे शोधावे लागेल :)

ट्रेकिंग ला परत सुरुवात करताय .... शक्यतो एकट्याने ट्रेक करणे टाळा ... तरीहि हौस असेल तर .... रायगड, नाणेघाट, तोरणा, लोहगड.... पावसाळी ट्रेक ची लिस्ट अनंत आहे ..

फुकायची सवय असेल तर घरीच बसलात तर उत्तम.

पहिला सरळ धागा ! :)

मी जवळपास सव्वाशे किल्ले तरी एकट्याने पाहिले असतील. तरी तुम्ही सोलो ट्रेकिंग करा असा सल्ला मी तरी देणार नाही. मी केवळ नाईलाजाने असे ट्रेक केले आहेत. एकतर आपल्याला जिथे जायचे आहे तिथे यायला बर्‍याचदा कोणी तयार नसतो किंवा आधी ग्रुप तयार होउन एनवेळी मंडळी गळतात. काही वेळा आपल्या सुट्ट्याशीं बाकिच्यांचा वेळा जमत नाही किंवा आपल्या स्टॅमिन्याबरोबर जुळत नाही यासारख्या कारणाने सोलो ट्रेक केले असले तरी हा धोकादायक प्रकार आहे. अशावेळी पायथ्याच्या गावातून एखादा माणूस बरोबर घ्यावा. काही वेळा तेही अवघड होते हे मी गुमतारा किल्ल्याच्या धाग्यात लिहीलेले आहे. पावसाळ्यात तर असे एकटे विशेषत: अनोळखी ठिकाणी बिलकुल जाउ नका. एकतर या काळात गवत प्रंचड वाढते, सापांचाही धोका, शिवाय डोंगरावर ढग उतरले तर दिशा कळेनाशा होऊन अडकून पडण्याची शक्यता जास्त. वैयक्तित मी नियमीत ट्रेकर असूनही पावसाळ्यात कुठेही जाण्याचे टाळतो. संबध जुन, जुलै महिना घरीच आराम करुन १५ ऑगस्टपासून ट्रेकला सुरवात करतो. खरे तर पावसाळी भटकंतीसंदर्भात एक चर्चेचा धागा काढायला हवा. बघू जमल्यास. मलाही ट्रेकला यायला आवडलं असतं, पण थोड स्पष्ट लिहीतो, गडावर दारू पिणे, मास मच्छी खाणे, सिगारेटी फुंकणे, जे बघायला आलोय ते सोडून नुसत्या प्रत्येक कोपर्‍यात सेल्फी घेत फिरणे या सर्व गोष्टीची तीव्र नफरत आहे. माझ्याबरोबर आलेल्या कोणालाही मी हे करु देत नाही. एकाने सांगुनही हा प्रयत्न केल्याबरोबर त्याठिकाणाहून घरी पाठविले होते. तस्मात आपले जमणे नाही.

या धाग्यात सुचविलेल्या सगळ्या ठिकाणांचा एकामागोमाग सलग ट्रेक केल्यास, मिपावरची प्रश्नहल्ला-मालिका कमी झाल्यामुळे अनेक मिपाकरांचे धन्यवाद मिळतील, असा साधार अंदाज आहे ! जरूर विचार करावा ;) :D

काशी

टफि तुम्हाला सिग्रेट कमी करायचीये का ? (जळणारे तरी किती जळणार? यानिमित्तानं तुमच्या धाग्याला चार चांद लावून टाकू ! :) )

पन्हाळगडाला नक्की जा आणि एक दिवस मुक्काम पण करा..

नर्मदा परिक्रमा??

:) :)

टफी, पावसाळ्यात भटकायचा तुमचा विचार नक्की चांगला आहे. आता सिगरेट पित पित फिरायचे कि कसे ते तुमचे तुम्हीच ठरवा पण.... सोलो ट्रेक अजिबात करू नका. सध्या ट्रेकींगच्या बर्‍याच संस्था आहेत ज्या "पावसाळा स्पेशल" ट्रेक करतात त्यांच्या तर्फे जा पण एकट्याने नको. ग्रुप बरोबर जाऊनही आपला आनंद कमी होतो असे बिल्कुल नाही. या उप्पर कोणीच साथीला मिळाले नाही तर जाऊ नका पण सोलो नको. सोलो ट्रेकमध्ये झालेले अनेक अपघात माहीतीआहेत ज्यातले बहुसंख्य अपघात सोलो ट्रेक नसता तर टाळता आले असते.

आयला .. प्रतिसाद गेला कुठे? परत टैपतो .. संपादक कोणी असतील तर वरचा अर्धवट प्रतिसाद उडवा प्लिज . तर मग.. पावसाळ्यात ट्रेक करणार.. धुकं पडलेलं आहे सारखी रीप रीप चाललीये पावसाची.. कुठल्या तरी गडावर / जंगलात आहात. अश्या वेळी शुद्ध हवा छातीत भरून घेणार कि सिगरेट फुंकणार ? तेच करायचं आहे तर घरीच बसा. वाटल्यास डिस्कव्हरी वगैरे लावा म्हणजे ट्रेक केल्याचा फील येईल

भरपूर गर्दी असलेले कुठलेही ट्रेक्स करा. यदाकदाचित काही मदत लागलीच तर मिळायची शक्यता असते. अनवट किंवा रिमोट ट्रेक्स शक्यतो एकट्याने करू नका.