लेह लडाख श्रीनगर ला जातोय--माहिती हवी आहे

नमस्कार मित्रांनो मिसळपाव वर लिखाणाचा पहिलाच प्रयत्न करतोय, त्यामुळे काही चुका झाल्यास पोटात घालाव्या, मित्रांसोबत adventure टूर म्हणून बाइक घेऊन लेह लडाख ला जातोय. अंतर जालावर बरीच माहिती आहे, परंतु आपल्यापैकी कोणी अगोदर गेले असल्यास थोडी माहिती हवी होती.( हॉटेल्स आणि तत्सम ) आमचा टूर प्लान जो खालील प्रमाणे आहे. १५ ऑगस्ट - अमृतसर १६ ऑगस्ट-मनाली १७ ऑगस्ट-मनाली १८ ऑगस्ट- मनाली इथपर्यंत मनाली चा अनुभव आहे, हॉटेल्स हि बुक झालेत.१९ ऑगस्ट पासून चा जो दौरा आहे त्याबद्दल मदत अपेक्षित. १९ ऑगस्ट मनाली ते केलोंग आणि केलोंग ला मुक्काम २० ऑगस्ट केलोंग ते पांग आणि पांग ला मुक्काम २१ ऑगस्ट पांग ते लेह आणि लेह ला मुक्काम. २२ ऑगस्ट ले ते पंगोंग आणि पंगोंग ला मुक्काम २३ ऑगस्ट पंगोंग ते लेह आणि लेह ला मुक्काम २४ ऑगस्ट लेह ते खारदुंगला पास आणि पुन्हा लेह ला परत येउन मुक्काम. २५ ऑगस्ट लेह ते कारगिल आणि कारगिल ला मुक्काम २६ ऑगस्ट कारगिल ते द्रास -झोजीला पास-सोनमर्ग- श्रीनगर- आणि श्रीनगर मुक्काम. २७ ऑगस्ट श्रीनगर मुकाम २८ ऑगस्ट श्रीनगर ते जम्मू प्रवास आणि जम्मू ला मुक्काम आम्ही फक्त ३ जण स्वतंत्र बाइक घेऊन जातोय, टूर फारच लो-बजेट ( भिकार गटात मोडणारी आहे) त्यामुळे स्टार प्रकारातील महागडी हॉटेल्स नकोयत. केवळ रात्री उबदार गादीवर झोपणे, स्वच्छ, स्नानगृह,आणि शौचालय असावे ,भूक लागल्यास काहीबाही पोटात टाकता येईल एवढीच माफक अपेक्षा. जम्मू आणि श्रीनगर मध्ये फार फसवणूक होते हॉटेल्स बाबतीत असे ऐकिवात आहे , त्यामुळे आगावू बुकिंग केले नाही. आणखीनही काही माहिती आपण देऊ शकत असल्यास जरूर सांगावी. आपलाच सतिश पाटील.