यू. के. मधे फिरण्यासारखे ठिकाण

तुम्हाला काय अडचण आहे ? या प्रश्नाच्या निमित्ताने जर काही माहिती सदस्यांनी दिली तर इतरांना फायदाच होईल की तुम्हाला त्रासदायक वाटत असेल तर तुम्ही नका वाचू हा धागा धन्यवाद .

लुलवर्थ कोव्ह अतिशय सुरेख, रमणीय ठिकाण आहे. डर्डल डोअर ला गेलो तेव्हा ह्या ठोकाणी भेट दिली होती.

एकदम टोट्टल सहमत. आणि या सगळ्यांची अधिष्ठात्री देवता TfL.

जो लंडनला कंटाळला तो आयुष्याला कंटाळला असे कुणीसे म्हटले आहे ... हायला ! हे माझ्या अगोदर त्याला कसे बरे सुचले ?! ;) जुजुबी इंग्लिश वाचता येणार्‍यानेही फक्त सबवे मॅपच्या आधारे आठवडाभर तरी न चुकता आणी कंटाळा न येता मजेत हिंडत रहावे असे या अख्ख्या होल जगातले एकुलते एक शहर म्हणजे लंडन; असा आमचा साधार दावा आहे :) बर्‍याच पहाणेबल जागांच्या गर्दीत क्यू गार्डनला भेट द्यायला विसरू नका !

म्यूज़ियम्स बघण्यात इंट्रेस्ट नाही असे म्हणतोय

असे नका म्हणू हो, खासकरुन मुलासाठी तुमच्या. तुमचा तीन वर्षांचा मुलगा तुमच्या बरोबर असेल तर आवर्जून ब्रिटीश म्युजियम, सायन्स म्युजियम अथवा नॅचरल हिस्टरी म्युजियम तरी पहाच असे म्हणेन. तुमची संग्रहालय याबद्दलची संकल्पनाच बदलेल याबद्दल खात्री आहे आणि तुमच्या मुलासाठी हा एक सुंदर अनुभव असेल हे ही नक्कीच. फक्त एक करा, तुमच्या नियोजनानुसार एक दिवस घ्या ( जेव्हा पावसाचे अनुमान असेल असा वीकेंड घ्या हवेतर) आणि नेटवर त्या त्या संग्रहालयाची माहिती पहा. लहान मुलांसाठी समरमध्ये खूप सारे उपक्रम असतात. अगदी पर्वणीच असते. आधी असा एखादा उपक्रम निवडा ऑनलाईन आणि मग कोणती दालने पहाल तेही ऑनलाईनच ठरवा म्हणजे तुम्हाला कमीत कमी वेळात बाहेर पडायचे असेल तरी पडू शकाल. ( प्रत्यक्षात "ब्रिटीश म्युजियम" सारखी संग्रहालये लोक तीन तीन वीकेंड खर्च करुन बघतात तेव्हा मुलासाठी म्हणून तरी थोडा वेळ नक्कीच द्यावा असे म्हणेन..) आणि हो या वर उल्लेखलेल्या संग्रहालयांमध्ये प्रवेश फी नाही (हा मुद्दा नाहीच पण तरीही पैसे फुकट जातील असे वाटू नये म्हणून.. :) ) असो.. निसर्गरम्य ठिकाणे पहायची असतील तर त्या वीकेंडचा हवामानाचा अंदाज पाहूनच ठरवा. जल्ला कदी पौस येल काय सांगता येत नै..