माझ्या मुलीने wacom cinteq pro 13 हा ड्रॉंईंग टॅब तिच्या मैत्रिणीकडून ५० हजाराला विकत घेतला. मैत्रिणीकडे तो मॅक वर चालू होता असे तिने सांगितले. मुलगी पंजाबमधे होती. मी तो आणून दिलेला टॅब तसाच पॅक मधे असल्याने जसाच्या तसा पाठवला. मला त्यातील तांत्रिक ज्ञान नसल्याने मी चेक केला नाही. मुलीकडे डेल चा विंडोज चा लॅपटॉप आहे. त्यावर विंडोज १० आहे. तिला वाटले हा जोडला कि लगेच चालू होईल. पण तसे झाले नाही. नेटवरुन माहिती घेतल्यावर त्याप्रमाणे इन्स्टॉलेशन केले. पण डिस्प्ले कॉंपिटिबिलिटी इश्यु येत आहे. ड्रायव्हरही अपडेट केलेत. पण कॉंपेटॅबिलिटी इश्यू येत आहे. पुण्यात आल्यावर वेकॊनच्या मंगळवार पेठेतील सेंटर ला गेल्यावर त्यांनाही तो चालू झाला नाही. त्यांच्या मते डिस्प्ले केबल खराब असावी. त्यांच्याकडे ती नव्हती. मग सुजाता कॉंम्पुटर हे एक कर्वे रोडला कंपनी आहे. त्यांनी वेगवेगळे डिस्प्ले केबल व स्प्लिटर वापरुन पाहिले पण तोच डिस्प्ले इश्यु येत आहे. डिस्प्ले चालू होउन वेकॉमचा लोगो येतो पण पुढे कॉंम्पिटीब्ल इश्यु येतो. मग तिच्या मैत्रिणीच्या मॅकवर जोडून पाहिला तर लॅपटॉपचा डिस्प्ले टॅब वर दिसू लागला पण पुढे सिक्युरिटी अलर्ट येउ लागला. म्हणजे डिस्प्ले इश्यु नाही. आता तो धड विकता येत नाही व वापरताही येत नाही. विकत घेणाराही कोणी मिळत नाही. ज्याला हा तांत्रिक प्रश्न सोडवता येईल असा समर्थही कोणी भेटत नाही.या बद्द्ला कुणी मार्गदर्शन करणारा वा आहे तसा टॅब विकत घेणारा असल्यास कळवावे.