गोरख कल्याण

गोरख कल्याण हा अनेकांप्रमाणे माझाही अत्यंत आवडता राग आहे. हा राग रात्रीच्या पहिल्या प्रहारात गातात असे म्हणतात. (अचूक वेळ माहीत नाही. याबाबत तात्या अधिकाराने बोलू शकतात.) पण या रागाची सुरावट ही रात्रीच्या वातावरणाला अजिबात पोषक नाही, असे माझे मत आहे. याविषयी कुणाचे म्हणणे वेगळेही असू शकेल. पण मला हा राग ऐकला किंवा पेटीवर वाजविला की उत्तर रात्री अगदी पहाट होताना एकाद्या मंदिरातून संगीत ऐकू यावे, असा भास होतो. हा राग मी पहिल्यांदा कोणत्याही मंदिरात वगैरे एकलेला नाही. प्रथम संजीव अभ्यंकरची ध्वनिफित ऐकली होती. त्यानंतर जसराज ऐकले आणि नंतर अनेक गायकांना ऐकले आहे. पण नेहमीच मंदिरातील गोड स्वरांचा भास होते. या रागातील आरोहात शेवटचे धनीधसा हे चलन खूपच परिणामकारक आणि गोड वाटते. मंदिरासारखे पावित्र्य या रागात आहे. - घ्या थोडा आस्वाद या रागाचा http://www.esnips.com/doc/19dbe8db-a2a2-4368-9faa-4b16461fc27d/Lata-Mangeshkar-=--Mogara--Phulala