धन्यवाद..

स्वाती, ऋषिकेश, तात्या, डॉन, धोंडोपंत, विनायक, चतुरंग.. आपण दिलेल्या धिराबद्दल मी आपली आभारी आहे. मी जेव्हा विणीचा पहिला धागा सुरू केला तेव्हा मिपावर नुकतीच आणिबाणी जाहिर झाली होती. बरेच वाद्-विवाद गाजत होते. मिपावर नियमित येत असल्यामुळे मला आंतरजालावरिल हे घर वाटू लागले होते आणि अजूनही वाटते. मी स्वतः कोणत्याही प्रकारच्या वादविवादात कधी पडले नाही पण इथले वातावरण हलके व्हावे या दृष्टीने मी तो धागा चालू केला होता. अपेक्षेपेक्षा खूपच जास्ती मिपाकरांनी त्याला प्रतिसाद दिले. खूप चारोळ्या लिहिल्या गेल्या. भाग दुसरा करावा लागला.नंतर तिसराही करावा लागला. मिपावरचे वातावरण प्रसन्नकरण्यात १००% नाही पण १०% तरी मी यशस्वी झाले होते. पुढे विनोदी चारोळ्यांचा धागा सुरू करावा असा विचार होता.. पण झाले भलतेच. मी करायला गेले काय आणि माझेच हसे झाले. चरोळ्या लिहिणे बंद नक्की नाही केले. पुन्हा लिहिन नक्कि लिहिन.. पण थोडे दिवस थांबावं.. कारण 'त्या' सभासदाचा 'तो' प्रतिसाद माझ्या हळव्या मनाला दुखवण्यासाठी पुरेसा होता. मी तुमची सगळ्यांची ऋणी आहे माझ्या पाठीशी खंबीरपणे उभे राहिल्याबद्दल. असाच मिपाच्या सदस्यांचा स्नेह परस्परांशी वाढत राहो हीच त्या जगन्नियंत्याला प्रार्थना.. आपली कायमची ऋणी, प्राजु.