सध्या इकडचा उन्हाळा सुरु झाला आहे, जुलै मध्ये अंदाजे सर्वसाधारण तापमान २५ ते ३० डिग्री असू शकते. फिरण्यासाठी बरीच ठिकाणे आहेत. सार्वजनिक वाहतुकीच्या सोयी उत्तम आहेत. जमेल तेवढे नक्की फिरायला सांगा. फिरण्यासाठी काही जवळची आणि चांगली ठिकाणे - १. मर्सिडीज संग्रहालय - केवळ भारी गाड्या बघणे यापेक्षाही अजून काही. जर्मनीतील वाहन उद्योगाची सुरुवात ते आताच्या आधुनिक तंत्रज्ञानापर्यंतचा प्रवास अत्यंत माहितीपूर्ण आणि उत्तम रित्या दाखवला आहे. २. पोर्शे संग्रहालय - वरील प्रमाणेच परंतु छोट्या स्वरुपात. ३. हायडेलबर्ग - स्टूटगार्ट हून ट्रेन आहेत. एक छोटेसे, टुमदार आणि सुंदर गाव. ४. ब्लॅक फॉरेस्ट - फ्रायबुर्ग, ओफेन्बुर्ग ही प्रमुख स्थळे आणि शिवाय येथे संपूर्ण भागाची सफर घडवून आणणाऱ्या ट्रेन आहेत. एका दिवसात फिरण्यासाठी उत्तम. ५.जवळच जर्मनी फ्रान्स बॉर्डर वर असलेले स्ट्रासबुर्ग शहर. हे सगळे साधारण २ तासांच्या अंतरावर असलेले पर्याय. स्टूटगार्ट मध्ये अजूनही काही जागा असतील ज्या त्यांच्या तेथील कलीग्स कडून कदाचित कळू शकतील. जर्मनी हा अत्यंत सुरक्षित देश आहे. काळजी घेण्यासारखे वेगळे असे काही नाही. एक पर्यटक म्हणून इतरत्र कुठेही फिरताना घ्यावी तशीच. म्हणजे मोठ्या शहरात पाकीटमारी तत्सम प्रकार घडू शकतात पण प्रमाण अगदी कमी. मोठ्या शहरात इंग्रजी सहज चालून जाइल. स्टूटगार्ट मध्ये अनेक आंतरराष्ट्रीय कंपनीज असल्याने तेवढा त्रास होत नाही. परंतु तरीही बरेचदा दुकानात किंवा कुठेही स्वतःहून सुरुवात जर्मन मध्येच होईल. मला जर्मन येत नाही, कृपया इंग्रजीतून सांगू शकाल का असे सांगण्याची वेळ येऊ शकते. किंबहुना येतेच. लहान गावांमध्ये लोक इंग्रजी बोलण्यास उत्सुक नसतील. काहींना इंग्रजी येत नसेल तर काही जण येत असूनही बोलणार नाहीत. पर्यटक म्हणून फिरताना ज्या प्रमुख गोष्टी लागतील, उदा. तिकीट काढणे वगैरे त्यासाठी बहुतांशी काही प्रश्न येणार नाही. अजून काही आठवले तर लिहीतेच. तुमच्या बहिणीला शुभेच्छा. अधिक माहिती लागल्यास व्यनि/खव द्वारा संपर्क साधू शकता.

धन्यवाद तै.

रेल्वे म्युझिअम पाहाच .मी काही जर्मनीला गेलो नाही पण जर्मनीचा DW TV चानेल रोज बघतो .यात 'डिस्कवर जर्मनी' कार्यक्रमात अर्धा तासभर निरनिराळी ठिकाणे दाखवतात .dw-tv.de/english येथे नेटवरती दिसेल .एकदा क्रिसमस निमित्ताने हे रे०म्यु० पूर्ण दाखवले होते (बहूतेक २०११ डिसेंबर) .दोन भावांनी स्वत: बनवले आहे .जगातल्या मोठ्या रे० स्टे०च्या हुबेहुब प्रतिकृती खऱ्या छोट्या गाड्या त्यांच्या वेळेवर धावतात .आजूबाजूच्या इमारती पण तशाच आहेत .एवढेच नाही तर कुठे तरी आग लागते ,बंब येतात ,विझवतात ,ट्राफिकजाम पण होते .जगात एकमेव आहे . अडीचशे किमी वेगासाठीच्या ऑटोबानवर प्रवास आणि इतक्याच वेगाने रेल्वेने जाण्यासाठी (खरं तर चारशे किमीसाठी चा ट्रैक आहे) वेगाची वाराणसी डॉषलैंड (=जर्मनी) गाठावी लागते .नुकतेच जर्मन अंतराळवीर अलेक्झानडर गेस्ट ची निवड पुढील चंद्र आणि मंगळयानासाठी नासाने केली आहे .

निनाद मुक्काम पोस्ट जर्मनी, दिव्यश्री आणि प्रभाकर पेठकर यांना व्यनि करून झोपेतुन जागे करा. त्यांच्याकडुन बरीच माहिती मिळेल.

स्टूटगार्ड आतच माझ्या पत्नीस विचारले , हे शहर तिच्या गावापासून तासाच्या अंतरावर आहे , येथे पाहण्यासारखे आहे प्राणी संग्रहालय विल हेल्मर जर्मनी मधील म्युनशन ,स्टूटगार्ड . बर्लिन चे प्राणी संग्रहालय पाहण्यासारखे आहेत.

माझे जर्मनीतील मार्गदर्शक निनाद आणि दिव्यश्री. दोघांचेही मौल्यवान मार्गदर्शन मला लाभले. माझ्या आवडीनुसार हिटलरकालीन यातनागृह (कॉन्सन्ट्रेशन कॅम्प्स) पाहण्यासाठी मी निनाद आणि दिव्यश्री समवेत डकावला गेलो होतो. यातनागृह मला आवडले असे, मीच काय, कोणीही म्हणू शकणार नाही. पण भेटीचे सार्थक झाले. तसेच बर्लीन भिंत पाहिली. ऐतिहासिक स्थळांना भेट द्यायची इच्छा असेल तर ह्या दोन्ही ठिकाणांना भेट द्यावी. जागतिक इतिहासात ह्या दोन्ही स्थळांना अनन्यसाधारण महत्व आहे. पुन्हा कधी जर्मनीस गेलो तर, पुन्हा एकदा डकाव आणि इतर हिटलरकालीन स्थळं आणि त्याच बरोबर आधुनिक जर्मनीची ओळख दाखविणारी आणि निसर्गरम्य स्थळं पाहायला मी आवर्जून जाईन. ह्या निमित्ताने माझे जर्मनी आणि इटलीचे लेख बाकी आहेत ते टाकण्यासाठी वेळातवेळ काढावा लागणार ह्याची मला जाणीव आहे.

कामानिमित्त गेल्या वीस वर्षांत बर्‍याच वेळा स्टुटगार्टला जाऊन आलो आहे, त्या अनुभवावर आधारित काही ठळक प्रेक्षणीय स्थळांची यादी (पसंतीक्रमानुसार) खाली देत आहे ... १) Neuschwanstein Castle : एखाद्या परीकथेत शोभून दिसेल असा एक अत्यंत अप्रतिम व देखणा राजवाडा २) Titisee-Neustadt : स्टुटगार्टच्या दक्षिणेस ब्लॅक फॉरेस्ट प्रदेशातील (Black Forest region) एक नयनरम्य ठिकाण/गांव ... जगप्रसिध्द 'कक्कू क्लॉक'चे माहेरघर ब्लॅक फॉरेस्ट प्रदेश असल्याकारणाने येथे लहान-मोठ्या 'कक्कू क्लॉक्स'ची बरीच दुकाने मार्केटमध्ये शेजारीशेजारी दिसतील. जुलै महिन्यात सर्वसाधारणपणे हवामान उत्तम असते, तेव्हा एखाद्या चांगल्या हवामानाच्या दिवशी सकाळीच पोहोचल्यास दिवसभर फेरफटका मारायला व हिंडा-फिरायला सुध्दा हे गांव एकदम मस्त छान आहे. ३) Heidelberg Castle (Heidelberger Schloss) : स्टुटगार्टच्या उत्तरेस असलेला एक प्रेक्षणीय राजवाडा ४) Lake Constance (Bodensee) : (जवळजवळ क्षितिजापर्यंत पोहोचणारा असा) एक अतिभव्य तलाव. जाण्याआधी विकिपीडीयावर या स्थळांची आधी माहिती पाहिल्यास बरे होईल. ट्रेनच्या सोयीची कल्पना नाही - सोयीस्कर असल्यास हा पर्याय देखील चांगला आहे. एखाद्या ओळखीच्या स्थानिक व्यक्ती/सहकारीची साथ व गाडी मिळाल्यास बरेच सोपे जाईल. प्रथमच जात असल्यास (व ट्रॅफिकची दिशा भारतातील ट्रॅफिकच्या दिशेच्या विरुध्द असल्याने) भाड्याची गाडी न घेतलेलीच बरी. (पहिल्यावेळेस गाडी चालवताना पोटात भलामोठा गोळा आला होता म्हणून माझ्या एका अनुभवी सहकार्‍याला गाडी चालवण्याची विनंती केली. पुढील वेळेपासून - दुसरा पर्याय नसल्याने - गाडी चालवायला लागलो व लवकरच रुळलो देखील.) - दिपोटी

ट्रेन संबंधी अधिक माहिती http://www.bahn.de/i/view/DEU/en/index.shtml या वेबसाईट वर माहिती मिळू शकेल. यात फास्ट ट्रेन्स, लोकल आणि छोट्या अंतरावरील ट्रेन्स अशी सगळी माहिती मिळेल. शिवाय विकांताला किंवा आंतरराज्य, इत्यादी सवलतीतील तिकिटे याबद्दल देखील माहिती मिळेल. उपयुक्त मोबाइल अ‍ॅप - https://play.google.com/store/apps/details?id=de.hafas.android.db&hl=en

निनाद आणि पेठकर काका. बघितलं धाग्यावरच साद दिल्याचा परिणाम! लग्गेच प्रतिसाद आला! :)

तिथे फारसे कोणी ओळखीचे नसल्याने वरील सर्व माहीती अतीशय उपयोगी आहे. तिचे म्युनशनला येणॅ झाले तर नीनाद व दिव्यश्री ह्यांना जरूर कळवेल.तुमच्या आ॑पुलकी मुळे भारावुन गेले आहे. मधुरा देशपांडे ताई ट्रेन संबंधी माहीतीबद्दल बहुत आभार,ती ऑफीसला ट्रेननेच येने जाने करणार आहे

तर मग रहाण्याची व्यवस्था कंपनीने केलेली असेल. खाण्याची व्यवस्था- भारतीय जेवण: Indisches Restaurant Ganapati Schloßstraße 33 70174 Stuttgart फोनः0711 91274561 Indian Palace Steinstraße 11 70173 Stuttgart फोनः 0711 6724460 Ganesha Restaurant Lembergstraße 19 70186 Stuttgart फोनः0711 4687981 भारतीय किराणा सामान मिळण्याचे ठिकाण Indian Store Augustenstr. 63/1, D-70178, Stuttgart, Germany Phone: 0049-711-617114 सध्या जाम मस्त वातावरण आहे जर्मनीत (युरोपात) तेव्हा मस्त फिरा आणी भरपुर मजा करा. शुभेच्छा.

नुकताच त्या ट्रीपवरून परतलो आहे. स्टुटगार्टला चार दिवस होतो. त्याचे प्रवासवर्णन इथे लिहितो आहे त्यातून बरीच माहिती मिळेल

भरपुर प्लानींग करुन केलेली दिसतेय सहल.आवड्तेय वाचायला

http://www.misalpav.com/node/26384

Namaskar ..... Mobile varun type karat asalyamule marathit lihu shakalo nahi tyabaddal kshamasva ..... Project nimitta Hannover yethe family sobat April 2017 madhye yenar aahe ... Jar koni mipakar Hannover kinva aaspass asatil tar saanga ....thodi madat havi aahe ...